მე20 საუკუნის დასაწყისში ავანგარდისტი მხატვრები ცდილობდნენ რაიმე განსხვავებული და ახალი შეექმნათ , მაგრამ ისინი მუდმივად აწყდებოდნენ იმ ფაქტს რომ ყოველი ახალი მცდელობა უკვე არსებობდა სხვადასხვა ქვეყნის ისტორიულ კულტურაში.

აღნიშნული დილემის წინაშე მივიდენენ იმ დასკვნამდე რომ ახალი სტილის შექმნა შესაძლებელი იყო მხოლოდ "სესხებით" - ეს ნიშნავდა უკვე არსებული მიმართულებებიდან, აეღოთ ზოგიერთი მახასიათებელი,  იდეა ინოვაციური და საინტერესო აღმოჩნდა რამაც შემდგომში დიდი განვითარება ჰპოვა.

ამ პროცესებმა სათავე დაუდო თანამედროვე ეკლექციზმის ჩამოყალიბებას რომელიც აერთიანებს აღმოსავლურ და დასავლურ, არტ-დეკოსა და მაღალ-ტექნოლოგიური ინტერიერის დიზაინის სტილებს.

ეკლექტური სტილის მთავარი თვისება არის თავისუფლება, რაც გამოხატულია სხვა სტილებისათვის დამახასიათებელი ელემენტების არსებობით, ეკლექტური ინტერიერის დიზაინში.

როგორც წესი ეკლექტური ინტერიერი მოიცავს ორს, სამს მაქსიმუმ ოთხი სხვადასხვა სტილის დეტალებს, რომლებიც ერთმანეთთან ურთიერთკავშირშია ზოგადი პრინციპებით, წარმოშობით, მსგავსი ნიმუშებითა და სხვა დეტალებით .

 მარტივად რომ ვთქვათ ეკლექტიკა სტილების ერთმანეთში აღრევაა, მაგრამ ეს უკანასკნელი არ გულისხმობს ქაოსს, არამედ ერთმანეთის მსგავსი სტილების, ერთმანეთთან ახლოს მყოფი ელემენტების ურთიერთკავშირის პოვნაა.

თუ თქვენი მიზანია , საკუთარი სახლის ინტერიერის დიზაინი ეკლექტურ სტილში მოაწყოთ, ერთ სივრცეში არ განათავსოთ ბევრი განსხვავებული სტილიდან აღებული დეკორაცია, ელემენტები და აქსესუარები, არამედ დაიჭირეთ ბალანსი და სიფრთხილე რათა არ გასცდეთ ეკლექტიზმში სტილთა შერევის პრინციპებს.

აღნიშნულ საკითხში კარგად გასარკვევად  განვიხილოთ ეკლექტიზმის თავისებურებანი და მსგავსებები სხვა სტილებთან.

ეკლექტიზმის მსგავსება/განსხვავება შერწყმასა (fusion) და კიტჩის სტილთან

ინტერიერის დიზაინის სტილი იყოფა სამ ჯგუფად: ეთნიკური, თანამედროვე და ისტორიული.

თანამედროვე ჯგუფში გაერთიანებულ სტილთა მთავარი მახასიათებელი ნიშანია შემოქმედების თავისუფლება და სხვებთან შედარებით მკაცრი კანონზომიერების არარსებობა.

ამასთანავე თანამედროვე დიზაინის სტილებში, ჩნდება კონცეფცია - შერევის შესაძლებლობა, რომელიც ყველაზე მეტად გამოვლენილია 3 სტილში, ესენია : ეკლექტიზმი, შერწყმა და კიტჩი.

როგორც ხედავთ სტილების ურთიერთშერწყმითა და თავისუფალი გადაწყვეტილებებით მხოლოდ ეკლექტიზმი არ ხასიათდება, ამიტომ თუ თქვენ მისი შექმნა გინდათ , მიუხედავად მონიჭებული თავისუფლებისა უნდა დაიცვათ კონკრეტული წესები, რომლებიც  ეკლექტური სტილის მიღწევაში დაგეხმარებათ.

ეკლექტიზმი: აერთიანებს თემატურად მსგავს სტილებს. მაგ: ბაროკოსა და კლასიკურს, მოდერნისტულსა და იმპერიალისტურს.

შერწყმა (fusion): აერთიანებს თემატურად სხვადასხვა სტილებს, თუმცა ისეთ ელემენტებს „აკოპირებს“ ,რომლებსაც ერთმანეთთან მჭიდრო ესთეტიკური კავშირი აქვს.

კიტჩი: აერთიანებს ერთმანეთთან დაპირისპირებულ სტილებს, ინტერიერი მკვეთრი, „მყვირალა“ ურთიერთსაწინააღმდეგო ფერებით გამოირჩევა, შინაარსობრივი თვალსაზრისით ყველაფერი, დეკორიც და აქსესუარებიც შეუხამებელი ელემენტებია, რომელიც ერთობლიობაში ქმნის საინტერესო კომპოზიციას. 

ეკლექტური სტილის მახასიათებლები

ყოველივე ზემოაღნიშნულის გათვალისწინებით შეგვიძლია გამოვიტანოთ დასკვნა, რომ დიზაინს ეკლექტიკა ეწოდება თუ რაიმე კონკრეტული სტილი არ გააჩნია. აქედან გამომდინარე ჩნდება ლოგიკური კითხვა, - შეგვიძლია თუ არა ინტერიერის ნებისმიერის ქაოტური გარემო მივიჩნიოთ მოდურად? კითხვაზე პასუხი მარტივია -არა.

ეკლექციზმი ინტერიერის ერთ-ერთი ყველაზე რთული ჟანრი ზუსტად იმის გამო არის, რომ მას სჭირდება ბალანსი, გონივრულ კომბინაციასა და ცუდ გემოვნებას შორის.

ინტერიერის დიზაინის შერეული, ეკლექტური სტილით მოწყობა ნამდვილად არ არის საგნებისა და ელემენტების შემთხვევითი კომბინაცია, ეს არის დიზაინერისა და ხელოვანის უნიკალური უნარი, სხვადასხვა სტილიდან ამოარჩიოს სწორი ელემენტები, რომლებიც ავსებენ ერთმანეთს და ამავედროს არ კარგავენ ინდივიდუალურობას.

• ინტერიერში თანამედროვე ეკლექციზმის შესაქმნელად, დიზაინერები იყენებენ არაუმეტეს სამ  სტილს.

სტილს, გაერთიანების პრინციპი ეფუძნება ერთი ფერის ან ტონალობის შერჩევას, თუ თქვენ აღნიშნულს მეტ მარავალფეროვენბას შემატებთ დიდი შანსია სივრცეში არეულობა შექმნათ და დაკარგოთ ეკლექტიზმის შეგრძნება.

• ეკლექციზმს ძირითადად  ახასიათებს ნეიტრალური სტილების შერევა, მაგ სკანდინავიური, მინიმალიზმი, ნეოკლასიკური.

ეს სტილები ხასიათდებიან ნათელი თავისუფალი სივრცეებით, შესაბამისად გაცილებით ადვილია ამგვარ დიზაინთა კომბინაციური შერევა.

ეკლექტიზმის ტრადიციულ ვერსიაში, ფუძე კლასიკურია, რომელიც შეიძლება კომბინიერებული იყოს ბაროკოს, გოთიკურ, როკოკოს, კოლონიურ და ეთნიკურ ელემენტებთან

• მსუბუქი, მშვიდი, ფერთა ტონები (თეთრი, კრემისფერი, ნაცრისფერი) ფერადი აქცენტების რბილი დამატებით - ეს მიდგომა უზრუნველყოფს ფერთა ქაოსის თავიდან აცილებას

თუმცა თავად თქვენ  შეგილძიათ სხვა ალტერნატივების მოსინჯვა, (კომბინაციების თვალსაზრისით), რის საშუალებასაც გვაძლევს ეკლექტიზმი, მაგ. დაარღვიოთ სტერეოტიპები, უფრო მეტი პალიტრის გამოყენებით.

• დიზაინში ეკლექციზმის ერთ-ერთი ნიშანი არის კონტრასტი

რა თქმა უნდა მნიშვნელოვანია შინაარსობრივად მსგავსი თემებისა და ზოგადად სტილების შერევა , მგრამ კონტრასტული კომბინაციების ეფექტი ბევრად უფრო საინტერესოა.

მაგალითად, artsy-ის  ანტიკვარული მაგიდა და თანამედროვე სკამი ფერადი ტექსტურით შექმნის თავლისმომჭრელ შესანიშნავ დუეტს.

• ეკლექციზმის ერთ -ერთი ცნობილი თვისებაა ინტერიერის გაჯერება აქსესუარებითა და დეკორატიული ელემენტებით

ეკლექტურ დიზაინში ყოველთვის დომინირებს ,ტექსტილის მრავალფეროვანი აქსესუარები, ბალიშები, ფარდები, ხელსახოცები, კედლებზე მრავლადაა წარმოდგენილი, ნახატები, ფოტოები, სარკეები.

ინტერიერი გაცოცხლებულია არაჩვეულებრივი ტექსტურებითა და ორნამენტებით

ინტერიერის დიზაინის ეკლექტური სტილი მისაღებ ოთახში

რა მიმართულებების, კონკრეტულად რომელ სტილთა შერწყმაა შესაძლებელი მისაღები ოთახისათვის ?!

• პომპეზური ბაროკო და დახვეწილი კლასიკა;
• ლოფტი და  პოპ – არტი;
• მყუდრო ,ბოჰოს სტილი და  მაღალტექნოლოგიური - ჰაი-ტეკი.

ოთახის ემოციური განწყობა განისაზღვრება ავეჯის დიზაინითა და ტექსტილით.

დივანი და სავარძლები მთავრი შემადგენელი ელემენტებია, რომლებიც დაფარული უნდა იყოს ტყავით ან ხავერდოვანი ტექსტილით.

ზოგადად შერეული სტილი იმ მხრივაც არის კარგი ,რომ შესაძლებელია მცირე ბიუჯეტის პირობებშიც მიმზიდველი ეკლექტური სტილის  შექმნა.

ინტერიერის დიზაინის ეკლექტური სტილი  სამზარეულოში

სამზარეულოში შეგიძლიათ ერთმანეთს შეუხამოთ კლასიკური ელემენტები და ეთნიკური სტილის ორნამენტებით გაფორმებული ფილები, ფრანგული პროვანსული სტილი და მასიური ხისგან დამზადებული სასადილო მაგიდა.

ეთნიკური ელემენტებით გაფორმებული ფილები სილამაზესთან ერთად პრაქტიკულობით ხასიათდება, მისი გამოყენება აპრობირებულია სამზარეულოს იმ ნაწილში სადაც სამუშაო ზონაა.

სასადილო ზონაში გამოიყენეთ უფრო თბილი გადაწყვეტილებები: პარკეტი და ლამინატი 

სამზარეულოს ტექსტილი ასევე შერეულ ელემენტებს უნდა შეიცავდეს, გამოიყენეთ ბამბის ან ეკო - ტყავის შემცველობის აქსესუარები, ისინი ხასიათდებიან პრაქტიკულობითაც, რადგან ადვილად სუფთავდებ, იწმინდება და რეზისტენულია დაბინძურების მიმართ.

ინტერიერის დიზაინის ეკლექტური სტილი საძინებელში

დიზაინერის მთავარი ამოცანაა საძინებლის ინტერიერმა გაუძლოს ეკლექტური სტილის კონცეფციას და არ გადაიტვირთოს სივრცე გამაღიზიანებელი დეტალებით, წინააღდეგ შემთხვევაში სივრცე  გამოიწვევს დისკომფორტს, განსაკუთრებით დასვენებისა და ძილის პროცესში.

დიზაინის კომბინირებული პარამეტრები:

• გამოიყენეთ ლითონის საწოლი, რომელიც მინიმალიზმის ან მაღალტექნოლოგიური სტილის ინსპირაცია იაქნება, ჩვეულებრივი უბრალო რკინის კონსტრუქციით შექმნილი საწოლი მინიმალიზმის სტილს განასახიერებს, ბზინვარე ლითონის ფერებში გადაწყვეტილი საწოლი კი მაღალტექნოლოგიური სტილის "ემოციურ  აკუსტიკას"  შექმნის  ოთახში.

ინტერიერს დაუმატეთ თბილი ხასიათის საგნები. მაგ: აქსეუარები აიღეთ ეთნიკური სტილიდან ან ბუნებრივი, მზის სხივებით გაჯერებული პოპ-არტის ელემენტებით დაამშვენეთ.  (ბალიშები , საწოლის გადასაფარებელი და სხვ)

• თანამედროვე სარკით გაწყობილი კედლები ან ჭერი + ვინტაჟური სტილის  საწოლი ხავერდოვანი გადასაფარებლით

• აბსტრაქტული ფორმებითა და ფიგურებით  მოხატული  ხალიჩა, ხის ფაქტურით გაფორმებული კარადები + ტრადიციული ბროლის სანათები და ჭაღები

საძინებლის ეკლექტიკურ სტილში მოსაწყობად გამოიყენეთ მრავალფეროვანი სურათები და ნახატები, რომელიც უნდა მოათავსოთ საწოლის თავის უკან.

ისინი შექმნიან სასიამოვნო ემოციებს და ვიზუალურ მრავალფეროვნებას ინტერიერის დიზაინში, ამასთანავე არ გააღიზიანებენ თვალს, თუ მათ ერთ ზოანში განათავსებთ (მაგ: როგორც ავღნიშნე საწოლის თავის ზემოთ)

ეკლექციზმი როგორც ინტერიერის დიზაინის სტილი არის ექსპერიმენტის პროცესი, დაგეგამრებასთან , ფერთა პალიტრასთან და ემოციურ განწყობებთან მიმართებაში. ეს პროცესი, რა თქმა უნდა რისკის შემცველია, მაგრამ სწორად განხორციელების შემთხვევაში უნიკალურ  სტილსა და დიზაინს მიიღებთ .

ინტერიერის დიზაინის ეკლექტური სტილის პოპულარულობა ადამიანის ფსიქოლოგიით არის განპირობებული.

თქვენ არ გჭირდებათ საყვარელი ნივთების თავიდან მოშორება, იმ მიზეზით რომ ისინი არ ეხამებიან თქვენს მიერ შერჩეულ სტილს.

დიზაინის რამდენიმე სტილის შერევით და  ელემენტების გაერთიანებით, შეძლებთ შექმნათ კონკრეტულ პიროვნებაზე, ინდივიდუალურად მორგებული ეკლექტური სტილი.

თუ თქვენ მოგეწონათ გადაწყვიტეთ თქვენი სახლი აღნიშნულ სტილში მოაწყოთ, გაეცანით ჩვენს ბლოგს.  როგორ შევარჩიო, ავეჯი , აქსესუარები და სარემონტო მასალები ეკლექტიკური სტილის მოსაწყობად.