dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

ისტორიული ჯგუფების ყველაზე აქტუალური სტილები

1551 ნახვა გიორგი ჭეიშვილი
 

ინტერიერის დიზაინში სტილი გამოხატულია ყველაფერში - განლაგება, გამოყენებულ მასალები, ტექსტილი, აქსესუარები და სხვა წვრილმანი დეტალები განსაკუთრებულ ზეგავლენას ახდენს სტილისა და დიზაინის საერთო სურათზე.

ინტერიერის დიზაინის სტილი შეიძლება დაიყოს 3 ძირითად ჯგუფად: ეთნიკური, ისტორიული და თანამედროვე.

დღეს სტატიაში განვიხილავთ ინტერიერის დიზაინის  ისტორიულ სტილებს, რომლებმაც შექმნეს ეპოქა, ვისაუბრებთ მათი წარმოშობის ისტორიაზე, მნიშვნელობაზე და ძირითად მახასიათებლებზე.

თემატიკა  - ეპოქალური სტილები:

  • ანტიკური
  • გოთიკური
  • რომანული
  • ბაროკო
  • როკოკო
  • არტ დეკო

ანტიკური


ანტიკური სტილი არის მიმდინარეობა, რომელიც ძველ საბერძნეთთან და რომთან ასოცირდება. ის ასახავს უძველეს კულტურასა და ხალხის ცხოვრების სტილს. დასავლური ხელოვნების თითქმის ყველა სტილი, მეტ-ნაკლებად მოიცავენ ანტიკური სტილიდან ნასესხებ დეტალებს. ანტიკური სტილი გამორჩეულია მისი მონუმენტურობით. შემოსილი და მოჩუქურთმებული სვეტები, კედლის მხატვრობა და ულამაზესი ქანდაკებები - ეს ყველაფერი ანტიკურ სტილს ჰარმონიულობასა და სიდიადეს ანიჭებს.

ანტიკური სტილის მთავარი აქცენტი, საცხოვრებელი სახლის სივრცეში მდგომარეობს, ოთახის განათების სიმრავლე, რბილი ფერები და  გლუვი ფორმები - ანტიკური სტილი ინტერიერში ითვლება ერთ-ერთ ყველაზე პოპულარულ სტილად და ეს სულაც არ არის გასაკვირი, უამრავი ადამიანის სურვილია იცხოვროს უწინდელ მდიდრულ საბერძნეთში, მარმარილოს ქანდაკებებით, ბერძნული ბიუსტებითა და ულამაზესი განათებით მორთულ ბინაში.

სახლის ანტიკურ სტილში მოსაწყობად მნიშვნელოვანია გაითვალისწინოთ ისეთი დეტალები, როგორებიცაა: ავეჯის ფორმები და ფერები, გამოსაყენებელი მასალები და განათების დეტალები. წესები - თუ როგორ უნდა მოაწყოთ სახლი  ანტიკური სტილის ინტერიერში, ისე, რომ დაიცვათ ოქროს ბალანსი.

ვრცლად



გოთიკური არქიტექტურა  შუა საუკუნეებისთვის დამახასიათებელ  არქიტექტურულ სტილს წარმოადგენს, რომელიც ევროპის ქვეყნებში გახლდათ პოპულარული. ამ სტილით შენდებოდა რელიგიური და საერო ძეგლები, ასევე მაღალი კლასის სახლებიც.

გოთიკური არქიტექტურა, თავდაპირველად XII საუკუნეში, საფრანგეთში წარმოიშვა. იგი სრაფად გავრცელდა მთელს ევროპაში და დიდი პოპულარობით სარგებლობდა XVI საუკუნის შუა ხანებამდე, იმ დრომდე, სანამ იტალიური რენესანსის გავლენით ნეოკლასიკური სტილი განვითარდა. გოთიკურ სტილს მიეკუთვნება ყველასთვის კარგად ნაცნობი -  პარიზის ღვთისმშობლის ტაძარი, იგივე ნოტრდამი.

ეს მიმდინარეობა, არქიტექტურის გარდა, ინტერიერშიც გახდა ცნობილი. სტილი დრამატულობით და შუასაუკუნეების ციხესიმაგრის მსგავსი შეგრძნებით გამოირჩევა. მისი მთავარი განმსაზღვრელი ელემენტი წვეტოვანი თაღებია, ამ ფორმაშია წარმოდგენილი კარები, ფანჯრები და დერეფნებიც კი. ფარნჯრები თითქმის იატაკიდან იწყება, ფერადი ვიტრაჟები და მოჩუქურთმებული დეტალები - გოთიკური სტილის ინტერიერებს განსაკუთრებულ მომხიბვლელობას ანიჭებს. გოთიკურ  ავეჯში, ამავე სტილის არქიტექტურის მსგავსი ფორმები იყო გამოყენებული. ოთახის კედლები დიდი სარკეებით, ხალიჩებით და გობელენებით მორთული ოთახები - ეს გოთიკური ინტერიერის დიზაინია.

ვრცლად


რომალული



რომაული (ლათინური რომანიდან - რომაული)  ინტერიერის დიზაინის სტილი წარმოშობა და განვითარება მოხდა დასავლეთ და ცენტრალურ ევროპაში X-დან XII საუკუნეებამდე.

თავად ტერმინი მხოლოდ მე-19 საუკუნის დასაწყისში გამოჩნდა, როდესაც, გაჩნდა კავშირები ძველ რომაულ არქიტექტურასა და მეცხრამეტე საუკუნის არქიტექტურას შორის.

რომანული შუასაუკუნეების არქიტექტურა და დიზაინი ხასიათდება ხისტი და უხეში ელემენტებით, რაც განპირობებულია ციხე-სიმაგრეებისგან ნასესხები აქსესუარებით, რომელიც ანტიკურ სტილს ახასიათებდა, შესაბამისად თანამედროვე რომაული ინტერიერიც ისეთივე ასკეტიზმით გამოირჩევა როგორც მისი წინამორბედი, თუმცა მიუხედავად ამისა , სტილს ახასიათებს სითბო და სიმყუდროვე, როდესაც რომაულ სტილში, მოწყობილ ინტერიერში იმყოფებით , თქვენ სრულ სიმშვიდეს და ჰარმონიას განიცდით, რადგან ისევე დაცული და იზოლირებული ბრძანდებით, როგორც ნამდვილ ციხე-სიმაგრეში.

კედლები სქელი და მაღალია , ჭერი რკალისებური და თაღოვანია, იატაკზე ქვის ფილები , მოზაიკა და ხე გვხვდება, თანამედროვე დიზაინში გამოიყენება ალტერნატიული მასალები, როგორიცაა, კერამიკული ფილები ქვის ფაქტურით და ლამინატი ხის იმიტაციით.

რომაული ინტერიერის, ერთ-ერთი მთავარი ელემენტი ბუხარია, რომელსაც სივრცეში არქაული ემოციები შემოაქვს, ავეჯი მარტივი და პრიმიტიულია, მარტივი და ფუნქციონალურია, აქსესუარები წარმოდგენილია ხანჯლების, ჯაჭვების, მუზარადებისა და რკინის დეკორატიული ლარნაკების სახით.

ვრცლად


ბაროკო



ბაროკო არის მიმდინარეობა, რომელიც XVII საუკუნეში, იტალიაში გამოჩნდა. ბაროკო ხელოვნებაში პერიოდიცაა და სტილიც, რომელიც ამ საუკუნეში დომინირებდა. ამ პერიოდში ადამიანები დაუბრუნდნენ ელეგანტურობას, სიდიადეს და ფუფუნებას. მოგეხსენებათ, ცხოვრების ეს სტილი სახლების ინტერიერშიც გამოჩნდა. ახალი სტილი გამოირჩეოდა სირთულეებით, მაღალი თეატრალიზმითა და ემოციურობით. ბაროკოს სტილის ინტერიერს იყენებდნენ სასახლეებში, ელიტურ სახლებში  და ყველა იმ ადგილას, სადაც უნდოდათ დახვეწილი და მდიდრული გარემოს შექმნა.

ბაროკოს სტილის ინტერიერს დღესდღეობითაც მრავალი მიმდევარი ჰყავს. ამ სტილის ინტერიერი მიზნად ისახავს მესაკუთრეთა მაღალი სტატუსისა და სიმდიდრის წარმოჩენას.

ვრცლად


როკოკო



როკოკო როგორც ინტერიერის დიზაინი სტილი წარმოადგენდა საპასუხო რეაქციას, საფრანგეთში , ლუი XIV-ის დორინდელ სტილზე, რომელიც გამოირჩეოდა გეომეტრიული ფორმებითა და დიზაინით.

როკოკოს ინტერიერის დიზაინი იზიარებს ფრანგული სტილის ელემენტებს, ორივეს ახასიათებს სიმსუბუქე, ელეგანტური და ჰაეროვანი სტილისტიკა

ფერთა პალიტრა გამოხატულია სპილოს ძვლის, მსუბუქი პასტელებისა და ოქროს ფერებში

ინტერიერის დიზაინის როკოკოს სტილში სარკე მნიშვნელოვანი ელემენტია და ის ერთგვარ იარაღს წარმოადგენს ბუნებრივი სინათლის გასაძლიერებლად და ფართის სიმულაციურად გასაზრდელად.

როკოკოს ავეჯს ახასიათებს ჩუქურთმები რომელიც, ოსტატების მიერ ხელით არის შესრულებული, როკოკოს სტილი წარმოადგენს ბაროკოს დიზაინის ინსპირაციას და დიდი ნაწილი ელემენტებისა და აქსესუარებისა მსგავსია ბაროკოს სტილისა.

ეს მხატვრული სამკაულები დახვეწილია და ელეგანტურია.

მაგიდების, სკამებისა და დივნების დასრულებები ყოველთვის მომრგვალებულია ხოლო, ავეჯის ტექსტილით ნაწილები რბილი და ფაფუკი.

ასიმეტრიული დეკორაციები როკოკოს სტილის კიდევ ერთი მნიშვნელოვანი შემადგენელი ნაწილია , როგორც წესი ისინი ნაკარნახევია ბუნების შთაგონებით, შესაბამისად ეს ინსპარაციული ელემენტები განასახიერებენ ტალღებს, ზღვის ნიჟარებს და ბუნებასთან დაკავშირებულ სხვა მხატვრულ სიმბოლოებს.

მოსაპირკეთებელი მასალები , როგორიცაა პანელები და კერამიკა განიცდიან "chinoiserie" -ის სტილის გავლენას. (Chinoiserie არის ჩინური და აღმოსავლეთ აზიის მხატვრული ტრადიციების ევროპული ინტერპრეტაცია და იმიტაცია)

ვრცლად


არტ-დეკო



არტ დეკო სტილი ინტერიერში საუკეთესოა მათთვის, ვისაც მოსწონს მომხივლელობა და ელეგანტურობა. ეს ყველაფერი მისი ძვირადღირებული დეკორაციებით, მასალებითა და ინტერიერში შემავალი მსუყე დიზაინის კომპონენტებით ხასიათდება.

არტ დეკო პოპულარული ევროპასა და ამერიკაში 20-ე საუკუნის 20-იან წლებში გახდა, ის აქტუალური იყო როგორც ინტერიერში, ისე მოდაში, არქიტექტურასა და ავტომობილების დიზაინში. ეს სტილი უფრო ეკლექტურადაა მიჩნეული და მასზე გავლენას მრავალ სხვადასხვა წყაროს მიაწერენ.

არტ დეკოსთვის დამახასიათებელია გეომეტრიული და კუთხოვანი ფორმები, ეგზოტიკური მასალები. ასევე, არტ დეკო დიზაინს ხაზოვანი გაფორმებები ახასიათებს. ვინაიდან,  ინტერიერის მთავარ სახედ, სიძლიერე და სითამამეა მიჩნეული.

ვრცლად

 

მსგავსი ბლოგები
ინტერიერის დიზაინის ეთნიკური ჯგუფის აქტულაური სტილები
2020-06-25
2086 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1433 წაკითხვა

ოთახის კრეატიული გაფორმება ღვინის ბოთლებისგან
2020-06-25
2407 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1191 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
604 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
350 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
490 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
883 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
325 წაკითხვა