dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როკოკოს სტილი ინტერიერის დიზაინში

309 ნახვა გიორგი ჭეიშვილი
 

ინტერიერში როკოკოს სტილი მე -18 საუკუნის შუა პერიოდში გამოჩნდა, როგორც ბაროკოს სტილის განვითარების ბუნებრივი გაგრძელება.

როკოკოს სტილში შეიქმნა სასახლის ოთახების ინტერიერები, კერძოდ, სამეფო აპარტამენტები, საძინებლები და მისაღები ოთახები.

როკოკო ხაზს უსვამდა მდიდარი კათოლიკური ტაძრების დეკორაციების ბრწყინვალებას.

დღეს, ჩვენს თანამედროვეობაში დიზაინერები ისევ იყენებენ როკოკოს დახვეწილ და ელეგანტურ სტილს, საცხოვრებელ სახლებში, სტუდიურ ბინებში, რესტორნებისა და საბანკეტო დარბაზების მოსაწყობად.

სტატიაში განვიხილავთ ინტერიერის დიზაინის როკოკოს სტილს, სახლის სხვადასხვა ზონაში, ვისაუბრებთ ამ ელეგანტური სტილის, ნიშან-თვისებებსა და ძირითად მახასიათებლებზე.

როკოკოს სტილის მახასიათებლები

  • ფერთა პალიტრა ეფუძნება პასტელური ფერების შეხამებას მაგ: თეთრის ოქროსფერთან კომბინაცია
  • stucco (ერთგვარი ორნამენტები, რომლებიც მზადდება თაბაშირისაგან, გამოიყენება არქიტექტურასა და ინტერიერის დიზაინში, დეკორაციული მოპირკეთებისათვის)  ელემენტების სიმრავლე კედლებზე, ჭერზე და ფანჯრებზე
  • ინტერიერის თითქმის ყოველი სანტიმეტრი მოპირკეთებულია და წარმოადგენს დახვეწილ დეკორატიულ დიზაინს:

ავეჯი , დეკორი , ტექსტილი ორნამენტებით და ნაქარგებით, ნახატები, მოზაიკა, მოოქროვილი ნივთები და ორნამენტები

  • ინტერიერი როკოკოს სტილში შევსებულია ცნობილი ფასდაუდებელი, ხელნაკეთი, პოპულარული ავეჯით რომელიც მოოქროვილია და გაფორმებულია აბრეშუმის ქსოვილით


როკოკოს სტილის შინაარსიდან გამომდინარე არსებობს ინტერიერის სივრცეები რომელიც მას ყველაზე კარგად შეესაბამება.

როკოკოს სტილის წესებისა და სტანდარტების შესაბამისად, ოთახები და ზოგადად სახლი უნდა ხასიათდებოდეს მაღალი ჭერით, დიდი სივრცეებითა და სიმეტრიული ფორმებით.

როკოკოს სტილში დიზაინერები თავისუფლად აფორმებენ ოფისებს, საძინებლებს და აბაზანებსაც კი , მაგრამ ყველაზე მეტად, სტილი მისაღებ ოთახს ან საკონფერენციო დარბაზებს უხდება.



ოთახის სივრცის ფორმირება, უნდა განვიხილოთ შემდეგი ფაქტორები:

  • მნიშვნელოვანია სივრცეში თანაბრად გადაანაწილოთ, როკოკოს სტილისათვის დამახასიათებელი მრავალფეროვანი და რაოდენობრივად ბევრი დეკორატიული ელემენტი:

თუ თქვენ სკულპტურებს, სუვენირებს, დეკორატიულ ლარნაკებს , სარკეებსა და სხვა ავეჯს ერთად, დაუბალანსებლად განათავსებთ ოთახი დაემსგავსება მუზეუმს და არა საცხოვრებელ ფართს.

  • კედლებისა და ჭერის დაგეგმარებისას გაითვალისწინეთ რომ აღნიშნულ ზონებზე უნდა გამოიყენოთ სხვადასხვა ნახატები და ორნამენტები ,  რომელიც მოჩუქურთმებულია და დეკორატიულად გაფორმებული

  • ჭერზე გამოიყენეთ დიდი, ორნამენტებითა და მბზინავი თვლებით გაფორმებული ძვირფასი ჭაღები

ფერთა პალიტრა როკოკოს სტილში

ბაროკოსაგან განსხავებით რომელიც მდიდარია მისთვის დამახასიათებელი მკაცრი ფერებით, ინტერიერში როკოკო გამოირჩევა პასტელური ღია ტონების გამოყენებით.

სწორედ ამიტომ მე -18 საუკუნის სასახლეების რეზიდენციები და ისტორიული ინტერიერები ასეთი ფერების კომბინაციით გამოირჩევა.


თეთრი და ოქროსფერი


თეთრი და ღია ცისფერი



ღია მწვანე და ღია ვარდისფერი



ვარდისფერი, მწვანე და ლურჯის მსუბუქი ტონები



კრემისფერი ან ღიასტაფილოსფერი და ოქროსფერი



ინტერიერში როკოკოს სტილი აგრძელებს ბაროკოს დიზაინის ტრადიციას, გამომდინარე იქედან რომ, აქტიურად იყენებს კედლებისა და ჭერის ფრესკულ მხატვრობას,

ნახატების სცენარი აგებულია მითოლოგიაზე, მაგრამ უფრო მეტად ადამიანურ ურთიერთობებზე.

ხელოვნების ნიმუშებად ქცეული ფრესკები, როკოკოს კედლებიდან ნახატებით გვიყვებიან ყველაზე ცნობილი სასიყვარულო ისტორიების შესახებ.

როკოსათვის ასევე დამახასიათებელია ცისა და მასზე მოლივლივე ღრუბლების ვიზუალური იმიტაცია , სადაც ანგელოზებია გამოსახული, ამგვარი შემოქმედება ნამდვილად დაამშვენებდა ინტერიერის თაღოვან სივრცეებს.



თანამედროვე გადაწყვეტილებით როკოკოს სტილი არ არის ასე ძლიერ გადატვირთული და თეატრალური .

21-ე საუკუნეში როკოკოს სტილის მისაღწევად დიზაინერები იყენებენ ორ ძირითად ფერთა გამას, ეს ყველაზე გავრცელებული თეთრისა და ოქროსფერის კომბინაციაა - რომელიც აქტიურად გამოიყენება საცხოვრებელი სახლების მისაღები ოთახებისათვის . ორგანიზაციული თვალსაზრისით კი , სარეზიდენციო და საკონფერენციო დარბაზებში.

თანამედროვე საძინებლებს როკოკოს სტილში ამშვენებს ოქროსფერი ქვიშის, ბაცი მწვანე და კრემისფერი ტონები, რომელიც ელეგანტურობის ხელოვნურ მაგალითს ქმნის ინტერიერის დიზაინში.



ინტერიერის დიზაინის სტილი როკოკო სამზარეულოში



როკოკოს სტილში, ელიტარული რესტორნებისა და კაფეების დარბაზები ხშირად არის მორთული. კერძო სახლებისთვის სასადილო ოთახის დიზაინისთვის მნიშვნელოვანი პირობაა ინტერიერის ზომა და ოთახის ფართობი.

სამზარეულოში ჭერი და კედლები მსუბუქ ფერებშია გადაწყვეტილი.

გაბატონებული ფერებია: რძისფერი, მარგალიტისფერი და კრემისფერი

სამზარეულოს ამშვენებს თვლებით გაწყობილი ძვირფასი ჭაღები, რომლებსაც სტანდარტული ნათურების ნაცვლად აქვს სანთლის ფორმის ნათურები

ტექსტილი და ფარდები დამზადებულია აბრეშუმისგან, წარმოდგენილია ხავერდოვან და ოქროს ფერებში.

ინტერიერის დიზაინის სტილი როკოკო საძინებელში 



კედლები დაფარულია შპალერით პასტელურ ფერებში, ფარდები არის მრავალ-დონიანი ასევე მშვიდ ფერთა ტონალობაში

საწოლი არის "ხედით" ელეგანტური , ხშირად მოოქროვილი ან ოქროსფერი ორნამენტებით გაწყობილი

საძინებელში  უამრავი სარკეა, ინტერიერში განთავსებულია ძვირფასი, ჩუქურთმებითა და სხვა დეკორაციული ელემენტებით გაწყობილი კარადები და დივნები.

ინტერიერს ამშვენებს ნახატები და ნაქარგები.

ინტერიერის დიზაინის სტილი როკოკო სააბაზანო ოთახში



თუ თქვენ სველი წერტილებისთვის პატარა ადგილი გაქვთ მოერიდეთ როკოკოს სტილის მოწყობას, დაიმახსოვრეთ, აბაზანა როკოკოს სტილში ყოველთვის დიდი სივრცეს მოითხოვს, ისევე როგორც ინტერიერის სხვა ზონები.

ჭერი და კედლები გაფორმებულია ჩამოსხმული (stucco molding) ორნამენტებით.

აბაზანის მოსაპირკეთებლად გამოიყენება კერამიკული ფილები ან მარმალილო

სარკეები ჩასმულია ძვირფას მოჩუქურთმებულ ჩარჩოებში.

ინტერიერის დიზაინის სტილი როკოკო მისაღებ ოთახში



მისაღები ოთახი გაფორმებულია მკრთალი პასტელური ფერებით.

ინტერიერის მთავარი ელემენტია ბუხარი, რომელიც დანარჩენ დეკორაციასთან ჰარმონიულად არის შერწყმული.

ბუხრის თავზე ჩამოკიდულია დიდი სარკე მოჩუქურთმებული ჩარჩოთი

მისაღები ოთახი გადატვირთულია დეკორატიული ნივთებით:

ქანდაკებები, კედლის საათები, ნახატები.

ოთახის შუაში არის მაგიდა , რომლის გარშემოც მოთავსებულია დივნები და სკამები.

ტექსტილი წარმოდგენილია ყვავილებიანი ორნამენტებით, ფანჯრებთან მრავლ-დონიანი ფარდებია განთავსებული, რაც როკოკოს სტილის დამახასიათებელი ნიშანია.

მთავარ განათებას წარმოადგენს ჭერის ცენტრში დაკიდული დიდი , ძვირფასი ჭაღი, ასევე არის დამხმარე სანათები რომლებიც კედლებზეა დამონტაჟებული.

აღნიშნულ ბლოგში თქვენ გაეცანით ელეგანტური „როკოკოს“ სტილს, რომელიც დიდი პოპულარულობით სარგებლობდა და სარგებლობს მსოფლიო მასშტაბით, ინტერიერის დიზაინის მოწყობის სფეროში.

თუ თქვენ მოგეწონათ გადაწყვიტეთ სახლი აღნიშნულ სტილში მოაწყოთ, გაეცანით ჩვენს ბლოგს,  როგორ შევარჩიო, ავეჯი , აქსესუარები და სარემონტო მასალები როკოკოს სტილის მოსაწყობად.

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1552 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2086 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1433 წაკითხვა

ოთახის კრეატიული გაფორმება ღვინის ბოთლებისგან
2020-06-25
2407 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1191 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
604 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
350 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
490 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
883 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
325 წაკითხვა