dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როგორ შევარჩიო, სარემონტო მასალები და აქსესუარები ეკლექტიკური სტილის მოსაწყობად

317 ნახვა გიორგი ჭეიშვილი
 

ძვირფასო მკითხველო, თქვენ უკვე გაეცანით ეკლექტურ სტილს, ინტერიერის დიზაინში (ან იხილეთ „ბლოგი“ ინტერიერის დიზაინის ეკლექტური სტილი ) სადაც განხილულია დიზაინისთვის დამახასიათებელი ზოგადი ნიშან-თვისებები და ნაჩვენებია, თუ როგორ გამოიყურება ინტერიერის სხვადასხვა ზონები (მისაღები, სამზარეულო, საძინებელი და სააბაზანო ოთახი) ეკლექტურ სტილში.

დღეს სტატიაში განვიხილავთ, ეკლექტური სტილისთვის საჭირო ფერთა კომბინაციებს, სარემონტო მასალებს, დეკორაციებსა და აქსესუარებს, რომლებიც გამოგადგებათ აღნიშნული დიზაინის თქვენს სახლში მოსაწყობად.

 გაეცანით სტატიის შინაარსს:

ფერთა პალიტრა ეკლექციზმში

ფერი არის ერთ – ერთი მთავარი ტექნიკა, რომელიც ლოგიკურად აერთიანებს განსხვავებულ გარემოს, პალიტრა დამოკიდებულია ინდივიდუალურ გემოვნებაზე, შეგიძლიათ გამოიყენოთ თითქმის ნებისმიერი ფერი - „პასტელური“ (მიეკუთვნება ფერმკრთალ, ღია ფერთა ოჯახს) და ნათელი (მკვეთრი) ფერები.

ეს მნიშვნელოვანია: ცხრილში მარცხნივ მოცემულია პირველადი ფერი რომელიც წარმოადგენს ძირითად ფერს, ხოლო მარჯვნივ დამატებითი ფერი, რომელიც უნდა შეუხამოთ პირველად ფერს. მაგ: თუ თქვენს ოთახში ჭარბობს თეთრი ფერი მას უნდა შეუხამოთ ცისფერი, კრემისფერს (ბეჟი) - ვარდისფერი ან შინდისფერი და ა.აშ

მნიშვნელოვანია არ დააკავშიროთ ხუთზე მეტი ფერი, იმიტომ რომ არ დაკარგოთ „ეკლექციზმი“ ზედმეტ მრავალფეროვნებაში. (ქვემოთ მოცემულია ფერთა შეხამების ცხრილი)


პირველადი ფერები

დამატებითი ფერები

თეთრი

ცისფერი

კრემისფერი (ბეჟი)

ვარდისფერი და შინდისფერი

ღია ნაცრისფერი

ნაცრისფერი

ღია ლურჯი (ცისფერი)

მსუბუქი ინდიგო

კრემისფერი

ყავისფერი

სპილოს ძვლის ფერი

ზეთისხილის ფერი და მწვანე


ინტერიერში ეკლექტური სტილი ნიშნავს წარმატებულ ექსპერიმენტს რომლის მიხედვითაც ერთმანეთს ჰარმონიულად ერწყმის ფერები და ფორმები (საგნები, მატერიალები და ელემენტები).

თუ ნეიტრალური ფონი  ძალიან მარტივად გამოიყურება, ყოველთვის შეგიძლიათ შეიტანოთ მასში ექსპრესიულობა და დაამატოთ გამომსახველობა: იატაკზე განათავსეთ, კონტრასტულ, მკვეთრ, ნათელ ფერებში მოხატული ხალიჩა, შეავსეთ კედელი ბევრი ნახატითა და სურათით, დაამშვენეთ ფანჯრები ფერადი ფარდებით.

ინტერიერში ეკლექტური სტილის შესაქმნელად და ერთი შეხედვით სრულიად განსხვავებული საგნების ჰარმონიული  კომბინაციის მისაღწევად, თქვენ უნდა დაიცვათ მარტივი წესები რომლებსაც ყველა დიზაინერი იყენებს.        

უპირველეს ყოვლისა ავეჯი უნდა იყოს შერწყმული ფერით, ზოგჯერ კი გამოყენებული სარემონტო მასალებიც, (შპალერი, საღებავი, ლამინატი, ჭაღი და სხვ.) რაც გააძლიერებს ჰარმონიულ შეხამებას ინტერიერში.

ეს არის ფერთა ჩრდილების კომბინაციური შერევა და გადათამაშება, რომელიც უდიდეს როლს ასრულებს, საერთო სივრცის მთლიანობაში აღსაქმელად -  როგორც ერთი დიდი სურათი.

იმ შემთხვევაშიც კი თუ თქვენ იყენებთ კონტრასტულ (მკვეთრ, ნათელ, მყვირალა) ფერებს, ისინი უნდა შევადაროთ და შევურწყათ ოთახის ინტერიერში არსებულ ყველა ავეჯსა და ელემენტს.

მაგ: ძველი, რეტრო სტილის  და ახალი მოდური დიზაინის სავარძელი, უნდა გამოიყურებოდეს როგორც ერთი მთლიანობა, ერთი სივრცე, რომელიც შევსებულია ბევრი საინტერესო ნივთითა და დეტალით.

იგივე ტენდენცია ვრცელდება ოთახში არსებულ ქსოვილებზეც : ფარდები , დეკორატიული ბალიშები, ყველა მსგავსი  ელემენტი   უნდა უკავშირდებოდეს ერთმანეთს.



შეხმაება

ამ კონკრეტულ შემთხვევაში,  იგულისხმება გამეორება.

რას ნიშნავს ეს ყველაფერი ? ერთნაირი გამოსახულებები, ელემენტები, ფორმები ქმნიან სივრცის რიტმს და  ჰარმონია შემოაქვთ ინტერიერში.

აღნიშნული ეფექტის მისაღწევად არსებობს ორი გზა.

1. შევარჩიოთ ერთი ფორმა და გამოვიყენოთ ოთახის ინტერიერში ყველგან (თითქმის ყველგან) მაგ: მრგვალი ბალიშები დივანზე, სურათის ჩარჩოები, სარკეები, მრგვალი ჭაღები და მრგვალი ყავის მაგიდა.


 


2. შეარჩიეთ ერთი მკვეთრი ფერი, რომელსაც შემდეგ გადაათამაშებთ სხვა ობიექტებზე. (დიდი ობიექტების ფერები, მაგ: დივანის ან სავარძელის მეორედება ბალშებზე , ხალიჩებზე და ფარდებზე.)



ჭერის კედლისა და იატაკის გაფორმება

იატაკი

  • იატაკისთვის მრავალფეროვანი მასალაა შესაფერისი, ბუნებრივი ხე, კერამიკული ფილები, ლამინატი, ლინოლიუმი. (მნიშვნელოვანია ფაქტურა და ფერები შეესაბამებოდეს გარემოს, რადგან როგორც უკვე ავღნიშნეთ ეკლექტურ სტილში გამოიყენება სხვადასხვა დიზაინიდან აღებული ელემნტები, მაგრამ ისინი უნდა შევუსაბამოთ და შევუხამოთ ერთმანეთს, რომ შევქმნათ განსხვავებული სტილების გაერთიანებით მიღებული ჰარმონია ინტერიერში)

კედელი

1. ქაღალდის შპალერი 2. ქსოვილის შპალერი 3. მეტალიზებული შპალერი

დეკორატიული ფითხისგან (შპაკლისგან) კედლის მოპირკეთება



ჭერი

დეკორატიული ჭერი



საჭირო მასალები




განათება და დეკორაცია



ეკლექტური განათების დიზაინი

ეკლექტიკის შესწავლის შემდეგ თავისუფლად შეგვიძლია დავასკვნათ, რომ ქაოსსაც კი აქვს გარკვეული წესები, რომლებიც ასევე ეხება განათების საკითხებს ინტერიერის ეკლექტურ დიზაინში.

ეკლექტიზმში მისასალმებელია მასიური, დიდი ბროლის ჭაღების გამოყენება  (თანამედროვე ვარიანტში არ მოითხოვება ბრჭყვიალა ელემენტები აუცილებლად ბროლი იყოს, არამედ დასაშვებია რეპროდუქცია)

უამრავი მბზინავი ბროლის ( ან უბრალო მინის, დამოკიდებულია თქვენს ბიუჯეტზე) ელფერი ოთახის ინტერიერში ზღაპრულ გარემოს ქმნის

რაც შეეხება დამატებით განათებას, აქცენტები გააკეთეთ უჩვეულო , არასტანდარტული ფორმის დასადგამ ე.წ ტორშერზე ან კედელზე დასამაგრებელ ბრაზე, ასევე გამოიყნება იატაკში ჩასამონტაჟებელი ჰალოგენური სანათები.

კარები

ეკლექტურ სტილში შეგიძლიათ კარები გააფორმოთ ხის ელემენტებით, დაამშვენეთ მინის გამჭვირვალე ჩანართებით , ლითონის ან მოოქროვილი დეტალებით.

კარების დამახასიათებელი ელემენტებია გეომეტრიული ფიგურები; წრეები, ზიგზაგები და სამკუთხედები

შეგიძლიათ ასევე შეღებოთ ან ფირი გადააკრათ დაძველების ეფექტით.

ქართული ტრადიციულ გარემოსთან ჰარმონიული შეხამებისთვის გამოიყენოთ , ვაზის ორნამენტები, რაც ასევე მისაღებია ეკლექტური სტილის ინტერიერის დიზაინისათვის.

აღნიშნულ სტატიაში თქვენ გაეცანით ეკლექტური დიზაინისთვის საჭირო სარემონტო მასალებს, დეკორაციებსა და იმ კონკრეტულ დეტალებს რომელიც საჭიროა ინტერიერში ეკლექტური სტილის შესაქმნელად.

თუ სურვილი გაქვთ ახლოს გაეცნოთ ინტერიერის დიზაინის სხვდასხვა სტილებს ეწვიეთ ჩვენს ბლოგს, ინტერიერის დიზაინის თანამედროვე ჯგუფის ყველაზე პოპულარული სტილები

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1552 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2086 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1434 წაკითხვა

ოთახის კრეატიული გაფორმება ღვინის ბოთლებისგან
2020-06-25
2407 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1193 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
604 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
350 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
490 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
883 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
325 წაკითხვა