ინტერიერში კიტჩის სტილის მოწყობა გადაწყვიტეთ ? მშვენიერი არჩევანია, რადგან ის ყველასათვის ხელმისაწვდომია.

სახლის სხვადასხვა სივრცის გასაფორმებლად არ დაგჭირდებათ რაიმე განსაკუთრებული ცოდნა და  უნარები, არც დიდი ბიუჯეტი.

თქვენ ასევე არ დაგჭირდებათ დიდი გამოცდილება ინტერიერის დიზაინის სფეროში,  საკმარისია გაეცნოთ სტილს საბაზისო დონეზე, რომელიც შეგდება ყველა არსებული სტილისაგან და ინტერიერში კიტჩის  შესაქმნელად მხოლოდ  მათი ერთმანეთში არევაა საჭირო.

„კიტჩი“ აფერადოვნებს ყველა სტილს, მათ შორის ისეთებსაც რომელსაც რთული და მკაცრი სტრუქტურა გააჩნია.

სტილი ინტერიერს მოსავს კაშკაშა ფერებით და ერთი შეხედვით დეკორის შეუხამებელ ელემენტებს ერთმანეთთან ჰარმონიულად აკავშირებს, მაგრამ ყველაფერი ფერთა პალიტრისა და დეკორაციების ერთმანეთში აღრევით არ მთავრდება, ავეჯი, აქსესუარები და ოთახების განლაგება, საბოლოო ჯამში ყველაფერი უჩვეულოდ მოგეჩვენებათ.

არსებობს სხვადასხვა ვერსია თუ როდის გაჩნდა დიზაინში „კიტჩის“ სტილი, ერთ-ერთი ვერსიით ეს მოხდა მე-19 საუკუნის ბოლოს.

კიტჩი  "kitsch"  სიტყვა -სიტყვით ნათარგმნია გერმანულიდან და ნიშნავს "ვულგარულს", "ნაგავს", "უგემოვნოს" და თავდაპირველად ეწოდებოდა ორიგინალის პატენტ ფერწერულ ტილოებს. დიდი ხნის განმავლობაში ისინი მზადდებოდა ამერიკელი ტურისტებისათვის და იყიდებოდა ხელოვნების გამოფენებზე. გაყიდულმა ნივთებმა, ინსპირაცია ჰპოვა ევროპული ხელოვნების ნიმუშებში.  მათი ფასი დაბალი იყო, ისევე როგორც ხარისხი.

სწორედ ამ ერთი შეხედვით მარტივმა იდეამ გააჩნია ახალი დიზაინის, ახალი მიმართულება ,რომელიც მოგვიანებით ძალინ პოპულარული გახდა.

ინტერიერში კიტჩის დამახასიათებელი თვისებები

როგორც უკვე ავღნიშნე კიტჩს ახასათებს ობიექტების ერთმანეთში არევა, რომელიც სხვა სტილის თანახმად მიუღებელია.

მაგალითად თუ, ბაროკოს ახასიათებს მოოქროვილი ხავერდოვანი პომპეზურობა, არტ-ნუვას - გლუვი დაბოლოებანი, ბუნებრივი ელემენტები და ფერები, მაშინ თანამედროვე კიტჩი წარმოდგენილია ხელნაკეთი ბალიშებით პროვანსეს სტილში, რომელიც ავანგარდისტულად მორთულ ავეჯს წარმოადგენს.

ვარდისფერ კედლებზე დახვეწილი ბაროკოს ნიმუშებია, რომელიც პოპ არტის ავეჯთან არის შერწყმული, ზემოთ ჩამოთვლილი კომბინაციებიდან გამომდინარე, ადვილი გასაგებია, რომ სტილს არ აქვს მკაცრი მოთხოვნები, მაგრამ არსებობს დამახასიათებელი თვისებები:

• კონტრასტები წარმოდგენილია და გამოხატულია კაშკაშა ფერებითა და შთამაგონებელი ჩრდილებით
• მაგ: პასტელის ფერების ალტერნატივად წამოდგენილია , ნათელი მყვირალა (acidic colors) კონტრასტები
• კლასიკური და ავანგარდული სტილის ავაეჯი ერთ სივრცეში
• მრავალფეროვანი მასალები: ხე, პლასტმასი, ლითონი, ბამბა და ა.შ.
• დეკორატიული ატრიბუტები განსხავევბულ და არაორდიანლურ სტილში
• ანტიკური და თანამედროვე ელემენტების კომბინაციები
• მატერიალური მასალები და ელემენტები რომლებიც რაიმე კონკრეტულის იმიტაციას ახდენენ
• მაგ: ლინოლიუმი - პარკეტის ან ქვის იმიტაციით, კედლის პანელები ხის იმიტაციით და ცხოველის ხელოვნური ტყავი რეალურის იმიტაციით
• შეუზღუდავი დეკორატიული ელემენტები: ფიგურები, ქანდაკებები, სუვენირები

ინტერიერის დიზაინის „კიტჩის“ სტილი მისაღებ ოთახში

ამ ნაწილში განვიხილავთ კონკრეტულ იდეებსა და ტექნიკებს ბინის ინტერიერის მოწყობისათვის კიტჩის სტილში, რომელსაც დიზაინერები იყენებენ.

ხშირად გამოიყენება არტ-ნუვოსა და ბაროკოს სტილში ნათელ ფერებში მოხატული კედლები.

• ერთი კედელი შეიძლება გაფორმებული იყოს აგურის ფორმებში, მეორე კი პოპ არტის სტილში.

კედლები უნდა გაკეთდეს ერთ  ფერში, ხოლო შერევის კუთხით, ფოკუსირება და აქცენტები გამახვილებული იქნას დეკორზე და ავეჯის სხვადასხვა სტილზე

• მისაღები ოთახი კიტჩის სტილში ხასიათდება ავეჯის განსხვავებული ტექსტურებით. მაგალითდ: დივანი აიღეთ ავანგარდის დიზაინიდან,  ხოლო სავარძლები, ბაროკოს ან იმპერიალისტური დიზაინიდან.

საინტერესო და მიმზიდველი კომბინაცია გამოგივათ თუ ასეთი ავეჯის ფერი იქნება - წითელი დივანი და წითელის ალისფერ ტონში გადაწყვეტილი სავარძლები.

ვინტაჟური  ან რადიკალურად საპირისპირო მაღლ-ტექნოლოგიური სტილის მაგიდა შეავსებს დივანის სივრცეს

• თუ კედლები კლასიკურ სტილთან არის მიახლოებული , დეკორაცია განახორციელეთ პოპ-არტის პოსტერებით, ხოლო თუ კედლები თანამედროვე სტლშია მოწყობილი, შეავსეთ ისინი ცნობილი მხატვრების რეპროდუქციული ნახატებით

ჭერის ცენტრში მოათავსეთ პომპეზურ ბაროკოს სტილში გადაწყვეტილი ჭაღები, თუმცა საჭირო იქნება დამატებითი განათების გამოყენება , რომელიც ყურადღებას გაამახვილებს სასურველ ზონებსა და დეკორაციულ აქსესუარებზე, აღნიშნული მიზნის მისაღწევად თქვენ დაგჭირდებათ განათებების იატაკში დამონტაჟება.

ინტერიერის დიზაინის „კიტჩის“ სტილი საძინებელ ოთახში

საძინებლის ინტერიერი ხელს უნდა უწყობდეს განტვირთვისა და დასვენების პროცესს, აქედან გამომდინარე, მნიშვნელოვანია გაითვალისწინოთ , რომ არ გადააჭარბოთ დატვირთვის ზღვარს და მოერიდეთ ზედმეტად აქტიურ , მოციმციმე კომბინაციების შექმნას .

სტილის შერჩევა კედლების მოპირკეთებით დაიწყეთ.

• შეადგინეთ ტექსტურების კოტრასტი - პრიალა საფარი შეუსაბამეთ ქსოვილის მსგავს საფარს.

ავეჯისთვის გამოიყენეთ ისეთი ელემენტები, რომლებიც დამახასიათებელია როგორც თანამედროვე ასევე კლასიკური ინტერიერისთვის.

მაგალითად ბაროკოს დიზაინის ავეჯი კარგად გამოჩნდება ავანგარდის სტილში გადაწყვეტილი საწოლის კომპოზიციაში.

პოპ-არტის სტილის იატაკის ნათურების კომბინაციური მოდელები, რომლებიც ფერად ჩრდილებს შექმნის ოთხის სივრცეში, დაგეხმარებათ ინტერიერში მიიღოთ გასაოცარი კიტჩის სტილი.

• გამოიყენეთ ისეთი ქსოვილები როგორიცაა რბილი, ფაფუკი ნაზი პროვანსული სტილის ბალიშები ან "patchwork".

სასიამოვნო გარემოს შექმნაში დაგეხმარებათ "patchwork" სტილში დამზადებული ხალიჩები და საწოლის გადასაფარებელი

ოთახში უნდა ეცადოთ ერთმანეთთან დაპირისპირებული სტილების გაერთიანებას.

თუ ინტერიერში დომინირებს სხვადასხვა სტილიდან აღებული კლასიკური ელემენტები , ფოკუსირება თანამედროვე, ექსპრესიულ დეკორზე გააკეთეთ.

თუ საძინებელში თანამედროვე სტილები დომინირებს, დეკორაციები შეარჩიეთ მე19 და ადრეული მე20 საუკუნის დიზაინიდან.

ინტერიერის დიზაინის „კიტჩის“ სტილი სამზარეულოში

შეარჩიეთ, მკვეთრი,  ფერთა ტონები , რომლებიც დადებითად და მადის აღმძვრელად იმოქმედებენ თქვენს ემოციებზე: ნარინჯისფერი, მწვანე, მარჯნისფერი, ყვითელი, მეწამული.

ნათელი, მკვეთრი ფერები შეგიძლიათ გააზავოთ ოდნავ მკრთალ, პასტელურ ფერებთან.

• გამოიყენეთ „patchwork“ სტილის ფილები - რაც გულისხმობს სხვადასხვა ფერისა და ნიმუშების, გაერთიანებას.

„patchwork“-ის სტილის მზა ვარიანტები იყიდება სამშენებლო სარემონტო მაღაზიებში, მაგრამ თქვენ ასევე შეგიძლიათ საკუთრი გემოვნებით ან დიზაინერის დახმარებით შექმნათ ინდივიდუალური სტილი, სხვადასხვა ფილების  კერმაიკული ფილების გაერთიანებით.

მიზანშეწონილია ფილები "patchwork"-ის სტილში გააკრათ ერთ ან ორ კედელზე სხვები კი დატოვეთ ჩვეულებრივად, ეს შექმნის არაჩვეულებრივ დეკორაციას რომელიც სასიამოვნო ემოციებს გამოიწვევს

• თუ კედლები თანამედროვე დიზაინშია გაფორმებული, სასადილო მაგიდა და სკამები აარჩიეთ კლასიკური სტილიდან - ხის მდიდარი მოჩუქურთმებული დეკორაციით

ზოგჯერ სამზარეულოს მოწყობისას, ინტერიერში „კიტჩის“ სტილის შესაქმნელად დიზაინერები აერთიანებენ არტ-დეკოს სასადილო ზონაში და პოპ არტს სადაც უშუალოდ მზადდება საკვები

ამასთანავე ლოფტის სტილიდან ნასესხები ელემენტები, ავსებენ სივრცეს და "კიტჩის" ატმოსფეროს ქმნიან

მაგ: ლოფტისთვის დამახასიათებელი, ჰაერის გამწოვი მილები , რომლებიც დაუფარავად პირდაპირ ჭერზეა განლაგებული, სამზარეულოში კიტჩის ელფერებით, იქნება წარმოდგენილი - თუ მას ნათელი ფერებით შეღებავთ

აღნიშნულ სტატიაში თქვენ გაეცანით ‘“კიტჩის“ სტილს, სახლის სხვადასხვა ზონებში და მისთვის დამახასიათებელ ასპექტებს.

წარმოდგენილი მასალა დაგეხმარებათ, შეგექმანთ ნათელი წარმოდგენა თუ როგორი იქნება თქვენი სახლის ინტერიერის დიზაინი "კიტჩის" სტილში.

თუ თქვენ მოგეწონათ და გადაწყვიტეთ თქვენი სახლი აღნიშნულ სტილში მოაწყოთ, გაეცანით ჩვენს ბლოგს  როგორ შევარჩიო, ავეჯი , აქსესუარები და სარემონტო მასალები „კიტჩის“ სტილის მოსაწყობად.