სტატიის წერას, ცნობილი შვეიცარიელი მხატვრის პაულ კლიის, შთამბეჭდავი ფრაზით დავიწყებ - „ფერი არის ადგილი სადაც, სამყარო და ადამიანის ტვინი ერთმანეთს ხვდება“, არტისტმა ამ ფრაზით სამყაროს აღქმის მთელი ფილოსოფია გადმოსცა, დიახ ჩვენ გარემოს ფერების საშუალებით შევიგრძნობთ.

ფერს შეუძლია შეცვალოს ადამიანის განწყობა, გამოიწვიოს სხვადასხვა ემოციური გამოვლინებები: სიბრაზე, გულგრილობა, სიმშვიდე და ბედნიერება. ფრებს ინტერიერის დიზაინის სტილში განსაკუთრებული მნიშვნელობა ენიჭება, თუმცა ადამიანების უმეტესობა ნაკლებად ფიქრობს, თუ რა ემოციურ გავლენას ახდენს , საცხოვრებელ და სამუშაო გარემოში არსებული ფერები მათ ფსიქოტიპზე.

მიუხედავად იმისა თუ რა აზრია გავრცელებული საზოგადოებაში, ჩვენი რეკომენდაციაა, რომ სახლის ინტერიერის ფერთა გამა, ჰარმონიულად ეხამებოდეს იქ მცხოვრებ პიროვნებათა ხასიათს, შესაბამისად ამ სტატიაში გიზიარებთ მნიშვნელოვან ინფორმაციას, რომელიც დაგეხმარებათ ინტერიერის დიზაინში ფერების სწორად შერჩევაში.

რა არის ფერი?

რა არის ფერი? ფიზიკაში, ფერი არის სხვადასხვა ობიექტების მიერ სინათლის სხივების (სინათლის ტალღების) არეკვლა, რომელსაც ჩვენი თვალი აფიქსირებს და აწვდის ტვინს, სადაც ფერის შეგრძნება წარმოიქმნება. 

მაგ: ცისარტყელა წარმოადგენს ფერების სპექტრს რომელის დანახვაც ადამიანს შეუძლია: წითელი, ნარინჯისფერი, ყვითელი, მწვანე, ლურჯი, ინდიგო და იისფერი. 
აქედან გამომდინარე ისმის კითხვა რა არის შავი და თეთრი? ზოგს  მიაჩნია რომ თეთრი არის ფერთა არარსებობა, ანუ უფერულობა, ხოლო შავი არის ყველა ფერის ერთად არსებობა . 
ამ ხატოვან მოსაზრებას მეცნიერება ხსნის შემდეგი ფაქტით, ობიექტი თეთრი ჩანს თუ ის აირეკლავს ყველა ფერს, (ყველა სინათლის ტალღას), ხოლო ობიექტი შავი ჩანს როცა ის შთანთქავს (არ აირეკლავს) სინათლის ტალღებს.
მნიშვნელოვანია იმის გარკვევა თუ რას ამბობს მეცნიერება იმ ფერების შესახებ რომელიც ზემოთ ვახსენეთ და რომელთა დანახვაც ადამიანს შეუძლია.

ფერთა წრე , ძირითადი, წარმოებული და მესამეული ფერები 

ყველა ფერის საწყისს წარმოადგენს ძირითადი ფერები:  წითელი, ყვითელი და ლურჯი, ამ ფერების მეშვეობით მიიღება ყველა სხვა დანარჩენი ფერი, მაგრამ ამავდროულად შეუძლებელია ამ კონკრეტული ფერების მიღება სხვა ფერთა შერევით.

მეორეხარისხოვანი ფერები არის მწვანე, ნარინჯისფერი და მეწამული (ან იისფერი), რომლებიც მიიღება წითელი + ლურჯი, ყვითელი + წითელი და შერევით.

მესამეული ფერები ძირითადი ფერებისა და მეორეხარისხოვანი ფერების ნარევია, რითაც, საბოლოო ჯამში ამ ფერების შედარებით დაბალ ტონებს ვადგენთ.  მაგ: ლურჯ-მწვანე, წითელ -ნარინჯისფერი, ყვითელი -მწვანე და ა.შ.

არსებობს ფერთა მრავალფეროვანი ვარიანტები, დიზაინში იყენებენ სხვადასხვა ფერთა წრეებს ( რომლებიც ) და ასევე RBY (წითელი, ლურჯი, ყვითელი); RGBY (წითელი, მწვანე, ცისფერი ყვითელი) .

ფერთა წრეების გამოყენების საფუძვლები დიზაინში

ჩვენ უკვე განვიხილეთ ფერის ძირითადი ტიპები, გავეცანით ფერთა წრეების საფუძვლებს, შემდეგი ეტაპი, აღნიშნული ფერთა წრეების უშუალოდ დიზაინში გამოყენებას მოიცავს.

ინტერიერის დიზაინში არის კონკრეტული წესები რომელიც უნდა გავითვალისწინოთ ფერთა წრის გამოყენების დროს.

 დამატებითი ფერები

დამატებითი ფერები - ეს არის ფერები ან ფერთა ტონებია, რომლებიც პირდაპირ ეწინააღმდეგებიან ერთმანეთს ფერთა წრეწირზე.

მაგალითად, ლურჯი და ნარინჯისფერი ან ყვითელი და იისფერი.

ჩვეულებრივ, ესე ფერები ერთმანეთის გვერდით  გამოიყენება მსუბუქად, მცირე რაოდენობით.

ტრიადული ფერები

Triads - ჯგუფი რომელშიც სამი ფერი ქმნის სამკუთხედს ფერთა ბორბალზე.

მაგ: ყვითელი, ლურჯი და წითელი; ნარინჯისფერი, მწვანე და იისფერი.

ეს ფერები ასევე შეიძლება გამოყენებულ იქნას როგორც აქცენტური ფერები, მაგრამ ისინი უნდა იყოს დაბალანსებული.

წინააღმდეგ შემთხვევაში გამოიწვევს ოთახის გადატვირთვას .

ანალოგიური ფერები

ანალოგური ფერები - ეს არის ფერების ჯგუფები, რომლებიც ერთმანეთის გვერდითაა ფერთა წრეზე.

 მაგ: წითელი, ნარინჯისფერი და წითელი-ნარინჯისფერი - ნიშნავს თითქმის იგივეს ოღონდ უფრო დაბალი ტონალობის ფერს.

მონოქრომატული ფერები

მონოქრომატული ფერები -გულისხმობს ერთი და იგივე ფერის გამოყენებას სხვადასხვა ტონალობაში.

ფერები თეთრისა და შავის დამატებით ხდება უფრო ღია ან მუქდება.

მაგ:  თუ ჩვეულებრივ ლურსჯს შევურევთ თეთრს ის გახდება ღია ცისფერი, ხოლო თუ დავუმატებთ შავს მიიღებს მუქი ლურჯის ფერს

გრილი და თბილი ფერები

გრილი და თბილი ფერები, როგორც წესი, გამოიყენება ოთახის ინტერიერში სასიამოვნო განწყობისა და ემოციების შესაქმნელად. გრილ ფერებს მიეკუთვნება: ლურჯი, სალათის ფერი და მეწამული, ხოლო თბილი ფერებია წითელი, ფორთოხლის ფერი, ყვითელი და ვარდისფერი.

არა-ფერები - „უფეროები“

ფერები რომელბიც არ არიან წარმოდგენილი ფერთა წრეზე, მაგრამ მაინც მნიშვნელოვანი როლი ენიჭებათ ინტერიერის დიზაინში.

არა-ფერები: ნაცრისფერი, ბეჟი, ყავისფერი, თეთრი და შავი

ფერების ფსიქოლოგია

ჩვენ მიმოვიხილეთ შესავალი ფერთ საფუძვლებში და გავეცანით საინტერესო საკითხებს, თუმცა ამით არ ამოწურულა ფერების მახასიათებლები, რომლებიც სხვადასხვა გავლენას ახდენენ ადამიანის ფსიქოტიპზე. 
საინტერესოა ფერთა ფსიქოლოგიის გაგება,  ჩვენ ვეცდებით გავცეთ პასუხი კითხვას - რატომ არის მნიშვნელოვანი საკითხი ინტერიერის დიზაინში ფერთა ფსიქოლოგიის სწორად განსაზღვრა და როგორ ხდება ეს?
აღნიშნულ კითხვაზე სწორი პასუხების მისაღბეად ქვემოთ მიმოვიხილავთ ძირითად ფერებს რომლებსაც გააჩნიათ ერთმანეთისგან რადიკალურად განსხვავებული თვისებები, ამ თვისებების ანალიზის საფუძველზე თქვენ შეძლებთ ინტერიერის სივრცეებში თქვენს ინდივიდზე მორგებული ფერების სწორად გამოყენებას..

წითელი

წითელი ემოციურად გამოხატავს ენერგიას, უკავშირდება ომს, საფრთხეს, წარმოადგენს ძლევამოსილებასა და სიმტკიცეს, მაგრამ აგრეთვე აღძრავს ვნებებს, სურვილებს და სიყვარულს.

წითელი ფერის სხვადასხვა ტონები არის:

• ღია წითელი -რაც წარმოადგენს სიხარულს, სექსუალობას, ვნების მგრძნობელობას და სიყვარულს.
• წითელ-ვარდისფერი- რაც გულისხმობს რომანტიკას, სიყვარულს და მეგობრობას.
• მოწითალო – ყავისფერი ასოცირდება მოსავალთან, გამრავლებასთან, მატებასთან, შეესაბამება აზიურ სტილს
• მუქი წითელი ასოცირდება ენერგიულობასთან, ნებისყოფასთან, გაბრაზებასთან, ხელმძღვანელობასთან, გამბედაობასთან, ლტოლვასთან, ბოროტებასთან და რისხვასთან.

”წითელი არასოდეს არის მოსაწყენი”.

შესანიშნავი აქცენტური ფერია, შეგიძლიათ გამოიყენოთ იგი "გრილი" ოთახი  სახეცვლილებისათვის.

წითელი შესანიშნავია სამზარეულოს გასაფორმებლად, ცნობილია რომ ზრდის მადას.

წითელი აქსესუარების და დანამეტებით იცვლება მთლიანი ოთახის აღქმა.

როგორც ყველაზე ინტენსიური ფერი, წითელი ზრდის ოთახის ენერგიას და კარგია სახლის სპორტული დარბაზის გასაფორმებლად ან ოფისის ისეთ სივრცეში, სადაც გსურთ გრძნობდეთ მოტივაციას  და მომატებულ ენერგიას.

 წითელი ასტიმულირებს საუბარს და ქმნის ძლიერ პირველ შთაბეჭდილებას.

ვარდისფერი

ვარდისფერი წარმოადგენს თანაგრძნობას, აღზრდას და სიყვარულს, ინტერიერთან მიმართებაში მას შეუძლია ოთახი გახადოს „კეკლუცი“, ქალური და თბილი.

საყურადღებოა რომ ვარდისფერის აქტიურმა გამოყენება შეძლება ოთახის ინტერიერი სრულად გარდაქმნას და თუ მეპატრონეს არ უნდა ზედმეტად რბილი, რომანტიკული , ქალური გარემო შექმნას ოთახში აუცილებლად უნდა დაიცვას ბალანსი და შეამციროს ფერის დატვირთვა ინტერიერის სივრცეში.
შეიძლება გამოყენებულ იქნას ბავშვების ან თინეიჯერების ოთახებისთვის, ასევე მცირე აქცენტებით სასადილო დარბაზშიც.

ნარინჯისფერი

ნარინჯისფერი - ასოცირდება სიხარულთან, მზესთან და ტროპიკებთან. იგი წარმოადგენს ენთუზიაზმს, მომხიბვლელობას, ბედნიერებას, შემოქმედებითობას, განსაზღვრულობას, მოზიდვას, წარმატებას, წახალისებას და სტიმულირებას.

ყვითელი

ყვითელი არის მზის ფერი და უკავშირდება სიხარულს, ბედნიერებას, ინტელექტს და ენერგიას. შესანიშნავი არჩევანია სამზარეულოებისთვის, სასადილო ოთახებისთვის და სააბაზანოსთვის.

მწვანე

მწვანე არის ბუნების ფერი, ამასთანავე წარმოადგენს თვალისთვის ყველაზე დამამშვიდებელ კონტრასტს.

მწვანეს შეუძლია შექმნას ინტერიერის დიზაინში სიმშვიდისა და უსაფრთხოების გრძნობა. ზოგადად, პასუხისმგებელია ემოციურად ადამიანი განაწყოს ისე რომ თავი უსაფრთხოდ და დაცულად იგრძნოს.

მწვანე მწვანე წარმოდგენილია, როგორც სიმბოლო ზრდისა, ჰარმონიისა, სიახლისა და ნაყოფიერების შესახებ.

ლურჯი

ლურჯი, ჯერჯერობით, ყველაზე პოპულარული ფერია აშშ – ში, ის ასოცირდება ნდობასთან, ერთგულებასთან, სიბრძნესთან, რწმენასთან, სიმართლესთან და ზეცას.

ცისფერი ანელებს მეტაბოლიზმს და აქვს დამამშვიდებელი ეფექტი, ამიტომ მიიჩნევა, რომ სასარგებლოა გონებისა და სხეულისთვის, როდესაც გამოიყენება სახლის ან ოფისის ინტერიერში.

მეწამული

მეწამულ ფერს შეუძლია ინტერიერის დიზაინში შექმნას ფუფუნებისა და შემოქმედების კომბინაციური ასოციაცია.

აღნიშნული ფერი ასევე ხასიათდება დრამატიზმის გამომხატველობით შესაბამისად ინტერიერის დიზაინერები იყენებენ მეწამულს დრამატიზმის შეგრძნების გასამძაფრებლად.

დასკვნა

სამეცნიერო ნაშრომებში აღწერილია რომ ფერების ფსიქოლოგია არის მეცნიერება რომელიც განსაზღვრავს ადამიანის ქცევას, ეჭვგარეშეა რომ ფერები რომლებიც შეირჩევა ხოლმე ინტერიერის დიზაინის გასაფორმებლად მნიშვნელოვან გავლენას ახდენს ადამიანის ხასიათზე და ზოგადად ფსიქო-ემოციურ განწყობილებაზე.

თანამედროვე ფსიქოლოგიის განვითარებამ ასევე გააფართოვა სწავლება ფერების ფსიქოლოგიის შესახებ, რომელსაც ათწლეულების განმავლობაში წარმატებით იყენებენ  მარკეტინგში, არქიტექტურაში და ინტერიერის დიზაინში.

შვეიცარიელმა ფსიქოლოგმა, კარლ იუნგმაც კი განსაზღვრა ოთხი ტემპერამენტი ფერების თვალსაზრისით, რომელიც ადამიანის ხასიათს, ოთხი მთავარი ელემენტის თავისებურებებით აღწერდა.

აღნიშნულ სტატიაში მიღებული ინფორმაციის საფუძველზე თქვენ შეძლებთ განსაზღვროთ თითოეული ფერის გავლენა, ადამიანის ბუნებაზე, ამასთანვე საცხოვრებელი სივრცეების ინტერიერთან შესაბამისობა, შემდეგ ეტაპზე  შეუსაბამეთ თქვენს კონკრეტულ ინდივიდს, აღნიშნული ინფო და ბოლოს, ანალიზის საფუძველზე შეადგენთ ისეთ ფერებს , რომლებიც საუკეთესოდ ასახავს თქვენს პიროვნებას და შეესაბამება სახლის ინტერიერის კონკრეტულს სივრცეს.