ინტერიერის დიზაინში სტილი გამოხატულია ყველაფერში , განლაგება, გამოყენებული მასალები, ტექსტილი, აქსესუარები და სხვა წვრილმანი დეტალები განსაკუთრებულ ზეგავლენას ახდენს სტილისა და დიზაინის საერთო სურათზე.

ინტერიერის დიზაინის სტილში შეიძლება გამოვყოთ 3 ძირითადი ჯგუფი: ეთნიკური, ისტორიული და თანამედროვე.

დღეს სტატიაში განვიხილავთ ინტერიერის დიზაინის ეთნიკურ  ჯგუფებს ვისაუბრებთ მათი წარმოშობის ისტორიაზე, მნიშვნელობაზე და ძირითად მახასიათებლებზე.

• აფრიკული
• იაპონური
• მაროკოული
• მექსიკური
• ეგვიპტური
• ჩინური
• ფრანგული

აფრიკული

აფრიკა წარმოადგენს ერთ-ერთ უძველეს ადგილს დედამიწაზე , რომელსაც უდიდესი ადგილი უჭირავს კაცობრიობის ისტორიაში, მისი კულტურა მოიცავს მრავალ საიდუმლოებას, რომელიც გაჟღენთილია იდუმალი ისტორიებით, კონტინენტს მთელს სამყაროსთან მჭიდრო კავშირი გააჩნია და მის კულტურაში აირეკლება მსოფლიოს ხალხთა ტრადიციები და ცხოვრების სტილი.

აფრიკული ინტერიერის დიზაინში ძირითადად გაერთიანებულია 3 სტილი: კოლონიური, ეთნიკური და არტ-დეკო.

სტილი გამოირჩევა აფრიკისათვის დამახასიათებელი მრავალფეროვანი ტრადიციული ორნამენტებით, ტექსტილითა და დეკორაციებით.

ჩრდილოეთ აფრიკის კულტურამ მნიშვნელოვანი გავლენა მოახდინა ევროპულ  ხელოვნებაზე, ინტერიერის დიზაინის მოწყობის საკითხებში XVII - XVIII საუკუნეებში.

აღნიშნულ გეოგრაფიულ რეგიონში ომი მძვინვარებდა, (სადაც მონაწილეობდნენ ევროპელი ჯარისკაცებიც) კერძოდ; ალჟირში, ეგვიპტეში, მაროკოსა და სუდანში. სწორედ ეს გახდა მიზეზი რითაც აფრიკული სტილი გავრცელდა ევროპაში, ხალხთაშორისმა ინფორმაციის გაცვლამ უზრუნველყო, აფრიკული სტილის კოპირება ევროპის ტერიტორიაზე.

დროთა განმავლობაში, ევრაზიასთან მჭიდრო ეკონომიკური და პოლიტიკური კავშირების გამო, მოხდა ტრადიციებისა და მსოფლმხედველობის ურთიერთშერწყმა, რამაც საფუძველი ჩაუყარა თანამედროვე აფრიკული სტილის ჩამოყალიბებას, ამჟამად ჩრდილოეთ აფრიკისთვის დამახასიათებელი სტილის ყველაზე პოპულარული ადგილებია მაროკო და ეგვიპტე.

ვრცლად

იაპონური

ამომავალი მზის ქვეყანა იაპონია მსოფლიოს ერთ-ერთი ყველაზე გამორჩეული ნაწილია, დანარჩენი სამყაროსაგან აქ ყველაფერი რადიკალურად განსხვავებულია: ხალხი , კულტურა და ტრადიციები ორიგინალურ ხასიათს ატარებს, ეს ყველაფერი კი თავის მხრივ ასახვას ჰპოვებს არქიტექტურასა და დიზაინში.

იაპონური სახლის ინტერიერი ხასიათდება მარტივი , მშვიდი და ჰარმონიული განწყობით.

მინიმალისტური დიზაინის მსგავსად , იაპონური სტილიც პრაქტიკულობასა და ფუნქიონალიზმზე აკეთებს აქცენტებს, რომელიც ერთი შეხედვით უბრალოების ხარჯზეა მიღწეული.

(მარტივი გადაწყვეტილებების მეშვეობით არის მიღებული)

ოთახის სხვადასხვა ზონები ვიზუალურად თითქმის იგივე სტილშია შენარჩუნებული, გასაშლელი კარები სივრცის ოპტიმალურად გამოყენების საშუალებას გაძლევთ.

ბუნებრივი ხე და ქვა აქტიურად გამოიყენება სახლის მთელს ინტერიერში.

ასევე გამოიყენება ბუნებრივი ელემენტები, როგორიცაა კლდის ბაღები, ეგრეთწოდებული ცოცხალი კედლები, შადრევნები, გვიმრები და ბამბუკი.

ავეჯი არის დიდი და, როგორც წესი, კვადრატული ან მართკუთხა და იატაკთან მაქსიმალურად ახლოს. დიდი მინის კარები უზრუნველყოფს ბუნების შთაგონებას და ხელმისაწვდომობას.

„შოჯები“ -კარი სლაიდერი-  ტრადიციული იაპონური სახლების დიზაინის აუცილებელი ელემენტებია.

 სლაიდერის კარებსა და ოთახების გამყოფებს აქვთ მსუბუქი ხის ჩარჩო , რომელშიც ჩმონტაჟებულია გამჭვირვალე, ქაღალდი, რომელიც ბუნებრივი შუქის მიღების საშუალებას იძლევა და ხასიათდება მაღალი ჰაერგამტარობით.

ვრცლად

მაროკო

ყველა ეთნიკური სტილი ვერ ახერხებს მსოფლიო მასშტაბით გავრცელებას, რასაც ვერ ვიტყვით ინტერიერის დიზაინის მაროკოულ სტილზე, რომელიც დამკვიდრებულია მსოფლიოს მრავალ ქვეყანაში.

სტილმა ფორმირება და გავრცელება ჯერ კიდევ ინგლისის კოლონიების პერიოდში დაიწყო, მარაოკოულ დიზაინზე დიდი გავლენა იქონია ფრანგულმა და ესპანურმა არქიტექტურამ.

მაროკოული სტილი ერთგვარ შერევას გულისხმობს, სადაც ჩრდილოეთ აფრიკის ეგზოტიკური სილამაზე შეზავებულია ევროპულ ესთეტიკასთან.

მაროკოს ინტერიერის დიზაინში , ასევე მრავლად ამოიცნობა არაბული, აფრიკული და ხმელთაშუა ზღვის სტილთა მახასიათებელი ელემენტები და დეტალები.

ეს არის დიზაინი აფრიკული ეგზოტიკითა და ევროპული ელეგანტურობით, რომელიც დიდი პოპულარულობით სარგებლობს მსოფლიოს მრავალ ქვეყანაში .

ვრცლად

მექსიკური

მექსიკური ინტერიერის დიზაინი ეკლექტურ სტილს ძალიან ჰგავს, ერთმანეთში არეული მკვეთრი ფერები, აქსესუარები და დეკორაციები, ქმნის ინტერიერის სივრცეში შერეულ ფერთა პალიტრას ქმნის.

სანთლები, კერამიკული ქოთნები, რკინის დეკორაციები და ხელით ნაქსოვი ფერადი ხალიჩები, მექსიკური ინტერიერის დამახასიათებელი ასპექტებია.

სკამები მაგიდები და დივნები გამოირჩევიან ელეგანტური დიზაინით, რომლებსაც მკვეთრად ეტყობათ ესპანური კოლონიზატორების ისტორიული გავლენები.

ავეჯის მასალად გამოიყენება ხე დაძველების ეფექტით, იატაკი და კედლები მოპირკეთებულია მოზაიკითა და კერამიკული ფილებით.

მექსიკურ სტილში ჭურჭელიც ეკლექტურ სტილშია გადაწყვეტილი, ფერადი მინებით მოჭიქული ელემენტები, ამშვენებს ინტერიერის სხვადასხვა ზონებს, აღნიშნული ტიპის ჭურჭელი პოპულარული გახდა მექსიკის მონასტრებსა და ეკლესიებში , დაახლოებით 1600-იანი წლების ბოლოს და 1700-იანი წლების დასაწყისში.

ვრცლად

ეგვიპტური

ეგვიპტე ის ქვეყანაა, სადაც მზე ყოველთვის ანათებს, მიმზიდველი და დამამშვიდებელი, მომხიბვლავი წარსულითა და აწმყოთი, ამასთან, ძველი ეგვიპტური ცივილიზაციის დეტალები მუდმივ კავშირშია მისტიკასთან და საიდუმლოებებთან.

ეგვიპტური სტილის საცხოვრებლის ხსენებაზე შესაძლოა ფარაონები და აღმოსავლური სასახლეები გაგახსენდეთ, თუმცა ეს ტერმინი დღესდღეობითაც გამოიყენება - თანამედროვე სახლების ეგვიპტურ სტილში გადაწყვეტის დროს. იმ სასახლეების სიმდიდრე და ფუფუნება, რომელშიც ტუტანხამონი და კლეოპატრა ცხოვრობდნენ, შედარებით დაბალი ფენის საცხოვრებლებშიც გადმოვიდა და ეს საერთო სურათი  გასაოცარ სანახაობად იქცა.

შესაძლოა თანამედროვე ეგვიპტურ სახლებში ოქროსა და ძვირფასეულობას ნაკლებად შეხვდეთ, თუმცა ერთი რამ უცვლელი რჩება: სიმბოლური დეტალები, ასეთ ინტერიერში სიმბოლოები სავალდებულო ელემენტებად გადაიქცნენ და სტუმრებს თავს ახვევენ აღმოსავლურ ემოციებსა და ჯადოსნურ ატმოსფეროს.

ამგვარ ინტერიერში ხშირია ელეგანტური და კლასიკური „უბრალოება“. ყველაფერი საოცრად მიმზიდველია და ინტერიერში შემავალ თითოეულ, უმნიშვნელო დეტალსაც კი, საკუთარი წვლილი შეაქვს ზოგადი, ეგვიპტური ატმოსფეროს შექმნაში.

ვრცლად

ჩინური

ჩინური ტიპის ინტერიერი არ არის სტანდარტული სახლი, ადგილი, სადაც უბრალოდ დროს ატარებთ. ეს არის მათი მთლიანი კულტურა და საცხოვრებელიც შესაბამისად - სულიერი სიმშვიდის მოსაპოვებელ სივრცედ იქცევა.

აღმოსავლურ ინტერიერის დიზაინში სახლის მოწყობის ტენდენცია ემყარება ჩინური კულტურის სულიერ და ესთეტიკურ პრინციპებს. ამ ტიპის სახლი სავსეა ჰარმონიულობითა და სიმსუბუქით, ასეთი ტიპის სახლის მოწყობის სტილებიდან გამოარჩევენ იაპონურსა და ჩინური ინტერიერის დიზაინებს. 

განსხვავება ისაა, რომ ჩინური ინტერიერის პალიტრაში სიმბოლურ ფერებს შეხვდებით: წითელს, ოქროსფერს, ლურჯს. ისეთებს, რომლებიც ასახსავს რელიგიურ და მითოლოგიურ შეხედულებებს, იაპონურში კი უფრო ნეიტრალურ ჩრდილებსა და მსუბუქ, ნათელ ტონალობებზეა აქცენტი გაკეთებული.

ვრცლად

ფრანგული

ვრცლად