ერთ-ერთი ცნობილი რუსი ფერმწერი რერიხი აღნიშნავდა რომ, ადამიანის სიცოცხლის არსი - სილამაზის, ჰარმონიისა და თვითგამოხატვის მიღწევაა.  ჩვენ ადამიანებს ინდივიდუალური ბუნება გაგვაჩნია, რაც ინდივიდუალური ემოციების გამოხატვის მიზეზია, ხშირად გარემო პირობებს ვქმნით და ვაყალიბებთ ჩვენი განწყობების მიხედვით, ხასათსა და საცხოვრებელ გარემოს შორის ჰარმონიული ურთიერთკავშირი ჩვენსავე ცნობიერებაზე ახდენს დადებით გავლენას, შესაბამისად სწორად განსაზღვრულ ინტერიერსა და ექსტერიერს ადამაინის ცხოვრებაში გადამწყევტი მნიშვნელობა ენიჭება, ადგილს სადაც შენ ცხოვრობ ყველაფრის თქმა უნდა შეეძლოს შენს შესახებ და წარმოადგენდეს ნაკრებს, ყველაფერი იმისა რაც ჭეშმარიტად გიყვარს.

იმისათვის რომ შეგვეძლოს სწორად შევარჩიოთ კონკრეტული სტილი და დიზაინი ჩვენი კომფორტული ბინისათვის, მნიშვნელოვანია კარგად ვერკვეოდეთ, ინტერიერის მოწყობისა და დაგეგმარების საკითხებში, ზოგადი თვალსაზრისით არსებობს უამრავი სტილი და დიზაინი რომლის შერჩევა შეგვიძლია საკუთარი ბინისათვის.

ჩვენი სასაუბრო თემა შეეხება ერთ-ერთ განსაკუთრებულ სტილს, რომელიც ტრენდია დღეისათვის თანამედროვე მსოფლიოში ინტერიერის მოწყობის მიამრთულებით, დიზაინი რომელმაც ძველი ქარხნებიდან თანამედროვე აპარტამენტებნში გადმოინაცვლა, - შესაძლოა ბევრმა თქვენგანმა უკვე გამოიცნო ინტერიერის მოწყობის რომელ მიმდინარეობაზეა საობარი, ხოლო მათთვის ვინც ჯერ კიდევ არ იცის, ავღნიშნავ რომ ეს არის მისი უდიდებულოსება   "ლოფტ” (Loft) დიზაინი.

ლოფტი ქალაქური ინტერიერის სტილის სახელწოდებაა, რომლისთვისაც დამახასიათებელია ღია სივრცეები, მაღალი ჭერი,დაუმუშავებელი კედლები, ქვის იატაკი, სანტექნიკის ლითონის ძველმოდური მილები, რომლებიც დაუფარავად, კედლისა და იატაკის ზემოდან არის ოთახის სივრცეში გადაჭიმული, სადენეებთან ერთად.

ბეტონისა და ქვის, ცივი, მკაცრი ხასიათის მატარებელი კომბინაციები, რომლებიც საოცრად ელეგანტურ ვიზუალს ქმნის, მყუდრო გარემოს შექმნის ეჭვმიუტანელი გარანტიაა, აქ ჭემარიტად იგრძნობა რომ შემოქმედება ყოველ კვადრატულ მეტრზე, გასაოცარი სიზუსტით არის წარმოდგენილი.

სანამ უშალოდ აღნიშნული სტილის დეტალურ საკითხებს განვიხილავთ, მინდა მისი წარმოშობის შესახებ მცირე ისტორია მოგიყვეთ, რომელიც საერთო სურათის უკეთესად აღქმაში დაგეხმარებათ.

ისტორია: „ლოფტის“ (Loft) დაიზაინი და სტილი

ყველაფერი დაიწყო იმით რომ გასული საუკინის 30/40-იან წლებში, ამერიკის შეერთებულ შტატებში, კერძოდ ნიუ-იორკში,  უძრავი ქონების ღირებულება, განსაკუთრებით კი მიწის ფასი კოლოსარულად გაიზარდა, შესაბამისად მეწარმე სუბიექტებმა, ქარხნები და სხვა საწარმოო დაწესებულებეი გადაიტანეს განაპირა რაიონებში, ამგვარად მანჰეტენზე გამოთავისუფლებული ლოფტების (Loft) - უდიდესი ნაწილი დაიკავეს ახალგაზრდა შემოქმედმა მხატვრებმა, მათ იზიდავდათ სხვა ბინებთან შედარებით დაბალი საარენდო ფასი და ლოფტის (Loft) ვიზუალურ ფუნქციონალური მახასიათებლები.

     ზოგადად სიტყვა ლოფტის (Loft) პირდაპირი მნიშვნელობა არის „სხვენი“,  აშშ-ში კი ამგვარად მოიხსენიებდნენ სავაჭრო დაწსებულებების, ქარხნებისა და საწყობების ზედა სართულებს, გამომდინარე აქედან „ლოფტებს“ ახასიათებდათ მაღალი ჭერი, მძლავრი განათება, რაც მიღწეული იყო დიდ ფართობზე გაშლილი ვიტრაჟული ტიპის ფანჯრების ხარჯზე, ეს ყველაფერი კი ახალგაზრდა ხელოვანი ადამაინებისთვის ერთგავრი შთაგონებისა და ინსპირაციის წყაროს წარმოადგენდა.

შემოქმედი მხატვრები აწყობდნენ გამოფენებს, საცხოვრებელ ფართშივე ქმნიდნენ სამხატვრო სტუდიოებს, რომელიც საოცარი ჰარმონიულობით ერწყმოდა საერთო სივრცეს, ერთი სიტყვით ისინი ქმნიდნენ რაღაც ახალს, ჯერ არ შექმნილს, რომელსაც წინ დიდი აღიარება და წარმატება ელოდებოდა.

დაახლოებით 10 წელიწადში მოლოდინმა საკუთარ თვას გადააჭარბა და 1950-იანი წლებისთვის „ლოფტის“ აპარტამენტები წარმოუდგენლად პოპულარული გახდა, მან ღირსეული სტატუსი დაიმკვიდრა, ინტელიგენციასა და საზოგადოების ელიტარულ ფენებში.

იურისტებმა, ინვესტორებმა და სხვადასხვა სფეროს წარმომადგენელმა, წარმატებულმა ადამიანებმა დაიწყეს ქალაქის ისტორიულ ცენტრში ოთახების დაქირავება, რომელსაც განსხვავებით თავდაპირველი ფასისა, აღარ ჰქონდა ხელმისაწვდომი ღირებულება.

იმდროიდან მოყოლებული დღემდე „ლოფტ“ დიზაინმა ევოლუციის დიდი გზა განვლო, მიუხედავად დიდხნიანი არსებობისა აღნიშნული სტილი დღესაც განსაკუტრებული პოპულარულობით სარგებლობს და უფრო მეტიც, ჩვენს თანამედროვეობაში „ლოფტ“ სტილი, ერთ-ერთ ტრენდულ მიმდინარეობას წარმოადგენს, ინტერიერის დიზაინის დაგეგმარების პროცესში.

ეხლა, როდესაც უკვე, ზოგადად მიმოვიხილეთ აღნიშნული სტილის კონკრეტული მახასიათებლები და ჩავწვდით მის ეტიმოლოგიას, დროა საუბრის თემა უფრო კონკრეტულ საკითხებზე გადავიტანოთ და დეტალურად განვიხილოთ მთლიანი სახლის სხვადასხვა სივრცეები, რომლებსაც „ლოფტ“ დიზაინს შევუსაბამებთ.

ლოფტის (Loft)  სტილი სამზარეულოში

სამზარეულო სახლში არის ერთ-ერთი გამორჩეული სივრცე, რომელიც გემრიელი განწყობების შექმნაში გვეხმარება და ეს განპირობებულია არამხოლოდ სასიამოვნო კერძების წარმოებით, არამედ იმ ვიზუალური მახასიათებლებითაც, რომელიც ჩვენს საერთო ემოციებზე ახდენენ ჰარმონიულ გავლენებს.

შეაბამისად სამზარეულოში სწორი ვიზუალური ტონის შერჩევა ისეთივე მნიშვნელოვანია, როგორც სწორად განსაზღვრული მოცარელას რაოდენობა პიცა პეპერონის ზედაპირზე. ინტერიერის დიზაინერები გვთავაზობენ კონკრეტულ რჩევებს, რომლის გათვალისწინების საფუძველზეც, სამზარეულოში ვიღებთ დაბალანსებულ დიზაინს, სადაც „ლოფტის“ სტილი შერწყმულია, მფლობელის განწყობებთან და მის ემოციებს იმეორებს.

• სამზარეულო „ლოფტ“ სტილში ხშირად გაერთიანებულია მისაღებ ან სასადილო ოთახთან, თუმცა ტექნიკური ვიზუალური საშუალებებით გამოყოფილია. გამყოფი ზღავრი შეიძლება იყოს კონკრეტული მატერია, ფერთა ცვლილება ან უბრალოდ ბარი, რომელიც ფიზიკურად წამოადგენს საზღვარს სამზარეულოსა და მასთან კომბინირებულ სივრცეს შორის.

  ---

  
  

• დაძველებული აგურის ფონი ან შეულამაზებელი გაულესავი კედელი, თანამედროვე სტილის უზრუნველყოფით შთამბეჭდავ ემოციებს გვიქმნის, რომელიც იდეალურად ერწყმის საოჯახო ტექნიკას და ვიზუალურ სინქრონს სივრცეში თვალისმომჭრელად ხატავს.

• „ლოფტის“ სტილი გარკვეულწილად ახლოს არის „ჰაი ტეკის“ (მაღალტექნოლოგიური) სტილთან, რადგან მასში ფართოდ არის კომბინირებული თანამედროვე ტექნოლოგიური და განსხვავებული დეტალები, შესაბამისად  „ლოფტის“ დიზაინის ფორმირების პროცესში მნიშვნელოვანია მეტალის ფერის და სიმბოლოების აქტიური გამოყენბა.

• სამზარეულოს სივრცის შერჩევა,რომელიც გამოყოფილია მასთან კომბინირებული არეალიდან, ხორციელდება ზონირების ტექნიკების გამოყენების საფუძველზე. არსებობს შემდეგი სახის ზონირების ტექნიკები.
  • Linear
  • Angular
  • island scheme

მაგრამ ეს მიდგოემბი არ გულისხმობს მხოლოდ აღნიშნული მეთოდების გამოყენებას, უპირველეს ყოვლისა დიზაინერმა უნდა მოუსმინოს სტილს, შეიგრძნოს იგი და მიიღოს ისეთი გადაწყვეტილება, რომელიც არ დაარღვევს საერთო სივრცეში ორი შერწყმული ფართობის ერთმანეში ჰარმონიულ გადასვლას.

ლოფტის (Loft)  სტილი აბაზანაში

აბაზანაში „ლოფტ“ დიზაინი ტიხრების სრულ უგულებელყოფას გულისხმობს, სტილი მაქსიმალურად შეუზღუდავი და ღიაა, ის უზრუნველყოფს მეტ მოქნილობას სივრცეში, რაც დიზაინის კუთხიოთ აბაზანის ფუნქციონალურობას მაქსიამლურად  ადვილად გამოსაყენებელს ხდის. მაგ: თითქმის ნებისმიერი მხრიდან შესაძლებელია , საშხაპის გახსნა და დაკეტვა, ყოველი კვადრატული მეტრი დაპროექტებულია იმგვარად რომ მომხმარებელმა მაქსიმალურად აითვისოს და გამოიყენოს, ამასთანავე შეიგრძნოს რომ ინტერიერი მის ინდივუდუალურ ხასიათსა და  განწყობებს საუკეთესოდ ერწყმის.

აღნიშნულ სტილში დაპროექტებული აბაზანა ფართო და ტევადია, ინტერიერი გაფორმებულია მსუბუქი ტექნიკითა და კედლის სიმბოლოებით.

„ლოფტ“ სტილი აბაზანაში, ეს არის შესაძლებლობა სადაც ერთმანეთის გვერდით სრულიად თავსებადია,  ყველაზე მოდური ფოლადის ფილები და სანტექნიკა ჟანგიანი მილებით.

ბეტონის ცივი შესახედაობის კედლები ერთგვარ სადა და მოდურ გარემოს შექმნის,  რაც სივრცეში მაქსიმალურად კომფორტულ და მიმზიდველ აურას წარმოშობს.

ავეჯის კუთხით აბაზანაში დიდი არჩევანი გაქვთ, რადგან აღნიშნული სტილი შეზღუდვებს არ გიწესებთ, მთავარია არ გასცდეთ მის შინაარსს.

შესაბამისად ავეჯი შეიძლება იყოს იშვიათი, თანამედროვე ან ძველმოდური, რომელიც სიძველის ეფექტს, „ლოფტ“ დიზაინთან არაჩვეულებრივად გაიზიარებს.

ლოფტის (Loft)  სტილი და დიზაინი საძინებელ ოთახში

როგორც ფროიდი აღნიშნავდა ძილის დროს გამორთულია, ცნობიერების ნებითი კონტროლი და ადამიანი განტვირთვის უმაღლეს დონეს აღწევს, იმისათვის რომ დასვენების ეს პროცესი სრულყოფილი და სასარგებლო იყოს, მნიშვნელოვანია არამარტო დროითი რეჟიმების სწორი დაცვა, არამედ გარემოს გაანალიზება და მიზანმიმართულად შერჩევა, რადგან გარემოს ძილის დროსაც კი,  დიდი ზეგავლენის მოხდენა შეუძლია ადამიანის ფსიქო-ემოციურ განწყობებზე, შესაბამისად საძინებელი ოთახის ინტერიერს დიდი დატვირთვა გააჩნია ჩვენს ემოციურ განწყობასთან მიმართებაში. ბოლოს და ბოლოს ეს არის ყველაზე ინტიმური ადგილი ჩევნს სახლში, სადაც მნიშვნელოვან დროს ვატრაებთ, მნიშვნელოვანი ფუნქციით, ეს ფუნქცია კი განტვირთვა და  დასვენებაა, რომელიც გვაძლევს შესაძლებლობას ძალები აღვიდგინოთ და უკვე დასვენებულებმა ორიენტაცია სხვა საქმეებზე გადავიტანოთ.

ყოველივე ზემოაღნიშნულის გათვალისწინებით თამამად შეგვიძლია განვაცხადოთ რომ, საძინებელი ოთახის დიზაინის კომფორტულად მოწყობა ერთ-ერთი პრიორიტეტლი მიზანია სახლის დაპროექტების პროცესში, იმისათვის რომ ჩვენი საძინებელი მყუდროდ და ჰარმონიულად გამოიყურებოდეს, რომელიც სისუფთავისა და სისადავეის განუმეორებელ ემოციებს შეგვიქმნის, საჭიროა ინტერიერის დიზაინისთვის გამოვიყენოთ „ლოფტ“სტილი.

„ლოფტის“ საძინებელი აღჭურვილია მარტივი, სადა და ფუნქციონალური ავეჯით, გარემო შინაარსობრივად  რომანტიული ხასიათისაა, სივრცე დიდი და ტევადი, არანაირი ზედმეტი სიმბოლო, საგანი, არამედ ყველაფერი ერთმანეთთან ჰარმონიულ კონტრასტშია კომბინირებული. 

საწოლი მინიმალისტური დიზაინით უნდა შეარჩიოთ, რომელიც უბრალოების შეგრძნებას დაგვიტოვებს, შესაძლოა იყოს მცირე დეტალების დამატებით , მაგ: ფუნქციური უჯრებით, რომელიც ოდნავ რეტრო სტილის შეგრძნებებს გამოიწვევს.

მნიშვნელოვანია მოერიდოთ ცალკეულ კარადებს, რადგან „ლოფტის“ სტილი ვერ აიტანს კარადას აღნიშნულ სივრცეში, თუ თქვენთვის სათავსო გასაკუთრებით პრიორიტეტულია საძინებელ ოთახში, გირჩევთ ის კედელში ჩააშენოთ , ამით თავიდან აიცილებთ სტილის დარღვევის ალბათობას და ამასთანავე ჩაშენებულ კარადას ვადვილად შეახამებთ ოთახის საერთო სტილთან.