dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როგორ შევარჩიო, სარემონტო მასალები და აქსესუარები კიტჩის სტილის მოსაწყობად

324 ნახვა გიორგი ჭეიშვილი
 

ძვირფასო მკითხველო, თქვენ უკვე გაეცანით „კიტჩის“ სტილს, ინტერიერის დიზაინში, (ან იხილეთ „ბლოგი“ ინტერიერის დიზაინის კიტჩის სტილი ) სადაც განხილულია დიზაინისთვის დამახასიათებელი ზოგადი ნიშან-თვისებები და ნაჩვენებია, თუ როგორ გამოიყურება ინტერიერის სხვადასხვა ზონები (მისაღები, სამზარეულო, საძინებელი და სააბაზანო ოთახი) „კიტჩის“ სტილში.

დღეს სტატიაში განვიხილავთ, კიტჩისთვის საჭირო ფერთა კომბინაციებს, სარემონტო მასალებს, დეკორაციებსა და აქსესუარებს, რომლებიც გამოგადგებათ აღნიშნული დიზაინის თქვენს სახლში მოსაწყობად.

„მიეცით ნიჭსა გზა ფართო, თაყვანისცემა ღირსებას, ნიჭს აძლევს ზენა მხოლოდ კაცს და არა გვარიშვილობას“

„კიტჩის“ შესწავლის პროცესში ბევრჯერ დავუსვი კითხვა საკუთარ თავს - რა არის „კიტჩი“ ინტერიერის დიზაინში? - სტილთა ურთიერთ შეხამება ? შერევა ? მაგრამ არა, რადგან ეს ეკლექტიზმი და შერწყმაა, ხოლო „კიტჩი“ რაღაც სხვაა, ბევრად უფრო ღრმა და საინტერესო, რთული და მიუღწეველი, ამ სტილში თვითგამოხატვა ნიჭიერების პიკია - ის არის სიგიჟის უმაღლესი სტადია, სადაც მაქსიმალური თავისუფლება ენიჭება იდეებს და შემოქმედ ადამიანებს.

თუ თქვენ საკუთარ თავს საკმარისად გიჟად თვლით და გსურთ, სახლის ინტერიერში „კიტჩის“ სტილი შექმნათ, ეს სტატია დაგეხმარებათ მიზნის მიღწევაში.

სტატიის თემატიკა:



ფერთა სპექტრი

კიტჩის სტილის ინტერიერში საკმაოდ აგრესიული და მკვეთრი ფერები გამოიყენება.

მიუხედავად იმისა, რომ ყველაზე პოპულარულია :

  • ყვითელი - #FFFF00
  • მაგნატა - ფერი რომელიც მიიღება მეწამულისა და წითელის შეზავებით, ზოგადად მეწამულის (იისფერი) ელფერში მოიხსენიება ე.წ მაგნეტაც და ფუჩსიაც, ამიტომ ხშირად მეწამულს ან იისფერს უწოდებენ, თუმცა ეს არ არსი ზუსტი განსაზღვრება, მათ გააჩნიათ სხვადასხვა ფერთა ჩრდილები  (იხ. სურ)

ფუჩსია -  ეს არის ნათელი (ე.წ "ელექტრიკი") ფერი, რომელიც მაგნეტას მსგავსად, წითელ და მეწამულ ფერთა ნაზავია, ფერმა სახელი ფუჩსიის მცენარისგან მიიღო იხ. სურ


Col 1

  • ფირუზი - #40e0d0
  • ხასხასა მწვანე - #66ff00
  • მეწამული - #800080
           
Col 1
Col 2
Col 3
Col 4
Col 5
Col 6

თქვენ შეგიძლიათ გამოიყენოთ ფერების ფართო სპექტრი  - პასტელური ტონებისა და ძლიერი ფერების ნაზავი, ან შეურიოთ მქრქალი ფერები, ნათელ ფერებთან.

 მაგ: ლიმნისფერი კომბინაციაში მკვეთრ, ხასხასა მწვანესთან; მქრქალი ("მატოვი", არაპრიალა) ლურჯი, პრიალა მეწამულთან.  

რაც უფრო მკვეთრია კონტრასტი და თვალის მომჭრელი მით უკეთესი, რადგან მკვეთრი, დაპირისპირებული ფერების, თვალისმომჭრელი ელფერი „კიტჩის“  შემადგენელი ნაწილია.

სტილში არ არსებობს წესები, არ არსებობს შეზღუდვები, ყველაფერი თქვენს წარმოსახვაზეა დამოკიდებული, შედეგად მიიღებთ ან ლამაზ „კიტჩს“ თქვენი სახლის ინტერიერში, ან შეგრჩებათ უშნო სტილი, რომელიც საბოლოოდ არც „კიტჩი“ იქნება და არც რომელიმე სხვა.

 გახსოვდეთ ამ სტილის შესაქმნელად მხოლოდ წესების ცოდნა არ კმარა, თქვენ დიზაინერული ნიჭი უნდა გაგაჩნდეთ, რომელიც წარმოსახვაში შექმნის სასურველ ინტერიერს.

კიტჩის შესაქმნელად ასევე დაგჭირდებათ ოქროსფერის გამოყენება, ზოგადად ოქროს ელფერი ქმნის ექსტრავაგანტულ გარემოს რაც კარგად წარმოაჩენს კიტჩის ეკლექტურ ხასიათს.

ჭერი

როგორც ავღნიშნე კიტჩის სტილში არ არსებობს წესები, ერთადერთი წესი , სრული თავისუფლება და  წესების არ არსებობაა, ამიტომ თქვენი ნებაა როგორ ჭერს გადაწყვეტთ, მაგ: გიფსო-კარდონით დაფარავთ, შეღებავთ, გასაჭიმ ჭერს მოაწყობთ, თუ უბრალოდ ისე დატოვებთ როგორც არის, ყოველგვარი, შელამაზების გარეშე.

„კიტჩში“ ყველაფერი მისაღებია ,მთავრია საბოლოო პროექტი იყოს არაამქვეყნოიურად უცხო და თვალწარმტაცი.

რაც შეეხება ჩემს რჩევას, თანამედროვე „კიტჩის“ სტილის შესაქმნელად, იდეალური ვარიანტია გასაჭიმი ჭერის გამოყენება.

გასაჭიმი ჭერი, არის თანამედროვე ალტერნატივა, ძალიან ლამაზი ამრეკვლი ფაქტურით, იდეალურად ასწორებს სარემონტო ჭერის უსწორმასწორო ზედაპირის, დამონტაჟება არის მარტივი, ძალიან სწრაფი და სუფთა პროცესი. (იხ. ვიდეო)


რეკომენდაციას გავუწევ შემდეგ ფერებს:  მეწამული ან მწვანე, ლურჯი ან წითელი .  „კიტჩი“ გაძლევთ შესაძლებლობას, ჩაატაროთ ექსპერიმენტები სხვადასხვა ტიპის ფერთა შერევით.

გასაჭიმი ჭერი შესაძლებელია იყოს, რამდენიმე ფერში - ჭრელი. ასევე მოხატული: სხვადასხვა სიმბოლოებით, ორნამენტებით, ბუნების ელემენტებით და გეომეტრიული ფორმებით

კედელი

კედლები შეიძლება იყოს დაფარული შესაბამისი ლამინატით, მოპირკეთებული ბზინვარე , პრიალა, ნათელი კერამიკული ფილებით, გაფორმებული აბსტრაქტული ორნამენტებითა და გრაფიტით.

კიტჩის სტილის შესაქმნელად  თამამი გადაწყვეტილებების მიღება დაგჭირდებათ, არ მოერიდოთ შეუთავსებელი კომბინაციების გამოყენებას.

მაგ: ერთ სივრცეში მოათავსეთ, კლასიკური შპალერი და კედლის პანელები; ულამაზესი მოზაიკა და თანამედროვე 3D სტიკერი.

კედლების მორთვა ასევე შეგიძლიათ ე.წ სეკინებით  (-"მბზინავები" -პატარა, მბზინავი დისკი, რომელიც ტანსაცმელის გასაფორმებლად გამოიყენებენ) და პლასტიკებით.



იატაკი

ხე და კერამიკა, მარმალილო და ლინოლიუმი - არ არის არანირი შეზღუდვა, უფრო მეტიც იატაკის მოპირკეთება, ერთ სივრცეში, ერთ ოთახში სხვადასხვა მასალით შეგიძლიათ.

კიტჩის სტილისთვის მისაღებია ნებისმიერი ტიპის იატაკი, რომელიც სხვადასხვა ორნამენტებით არის დამშვენებული და წარმოდგენილია მკვეთრ, ნათელ ფერებში,  აღნიშნულ დიზაინს ასევე კარგად ეხამება ხის ფაქტურაც.

თანამედროვე „კიტჩში“ უმჯობესია აქცენტები გააკეთოთ ბევრ ელემნტზე, ასე რომ აქტიურად გამოიყენეთ პარკეტისა და კერამიკული ფილებიკომბინაციები. ასევე შესაძლებელია მინის იატაკი , იმ შემთხვევაში თუ თქვენს ინტერიერში მაღალტექნოლოგიური სტილის ელემენტებს შემოიტანთ.

 მინას შუსაბამეთ ხის იატაკი და ფერადი ნინოლიუმი, ეს კომპოზიცია სივრცეში დიდ არეულობას გამოიწვევს, მაგრამ იმდენად ეკლექტურ გარემოს შექმნით, ხატოვნად რომ ვთქვათ - თქვენს ინტერიერში „კიტჩი“ აფეთქდება.

კიტჩის დიზაინში დიდი მნიშვნელობა ენიჭება ხალიჩებს, ამიტომ იატაკზე მოათავსეთ ფერადი, დიდი და სქელი ხალიჩა, რომელზეც ფერად ბალიშებს განათავსებთ, დიახ იატაკზე დაფენილ ხალიჩაზე „უწესრიგოდ დალაგებული“ ბალიშები, კიტჩის სტილიზაციის ერთ-ერთი არაორდინალური მაგრამ მომხიბლავი დეტალია.

კარები და ფანჯარა

თუ საუკეთესო ვარიანტს შევარჩევთ კიტჩის სტილისთვის გოთიკური ფანჯრები შესანიშნავი გადაწყვეტილება იქნება. (იხ. სურ.) თუმცა თუ თქვენი ბიუჯეტი არ გყოფნით ამ სტილის ფანჯრების დასამზადებლად, შეგიძლიათ არსებული დატოვოთ ან ახალი  მეტალოპლასტმასის შეიძინოთ და ჩარჩო შეღებოთ ზემოხსენებულ ფერებში, ასევე მისაღებია ხისა და ალუმინის ფაქტურა, თუმცა შესაძლოა ინტერიერი ზედმეტად დამშვიდდეს, რაც არ შეესაბამება „კიტჩის“ სტილს, ასეთ შემთხვევაში აქცენტი გააკეთეთ, მდიდრულ ხავერდის ფარდებსა და ფერად ჟალუზებზე.

   გოთიკური ფანჯრები                                    ხავერდის ფარდები                                                         ფერადი ჟალუზები

Col 1
Col 2
Col 3

ინტერიერის დიზაინის კიტჩის სტილში კარების ფორმები უმარტივესია, ჩვეულებრივი და ტრადიციული, უბრალოდ ინტერიერის სტილის ჰარმონიული გაგრძელებისათვის გააფორმეთ ისინი ნახატებით, გრაფიტით ან აბსტრაქტული პოსტერებით.

Col 1
Col 2
Col 3

განათება

კიტჩის დიზაინში განათების ერთი სისტემა და მხოლოდ კონკრეტული სტილი არ გამოგადგებათ, თქვენ უნდა დაუპირისპიროთ ურთიერთ-საწინააღმდეგო დიზაინთა სტილები ერთმანეთს, ინტერიერში მოაწყვეთ კლასიკური და თანამედროვე სანათების კომბინაციური განათება.

მაგ: კლასიკური ჭაღები,  კედლის თანამედროვე ბრა , შანდალი სანთლებით, ედისონის ნათურები, აბსტრაქტული სანათები შესაძლებელია ერთ სივრცეში იყოს წარმოდგენილი.

Col 1
Col 2
Col 3

აღნიშნულ სტატიაში თქვენ გაეცანით „კიტჩის“ დიზაინისთვის საჭირო სარემონტო მასალებს, დეკორაციებსა და იმ კონკრეტულ დეტალებს რომელიც საჭიროა ინტერიერში „კიტჩის“ სტილის შესაქმნელად.

თუ სურვილი გაქვთ ახლოს გაეცნოთ ინტერიერის დიზაინის სხვდასხვა სტილებს ეწვიეთ ჩვენს ბლოგს, ინტერიერის დიზაინის თანამედროვე ჯგუფის  ყველაზე პოპულარული სტილები.

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1551 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2086 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1433 წაკითხვა

ოთახის კრეატიული გაფორმება ღვინის ბოთლებისგან
2020-06-25
2407 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1191 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
604 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
350 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
490 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
883 წაკითხვა