ინტერიერის დიზაინის ჩინური სტილი
![ინტერიერის დიზაინის ჩინური სტილი](image/catalog/Blog Images/pillar content - giorgi saltkhutsishvili/chinese/thumbnail.jpg)
ჩინური ტიპის ინტერიერი არ არის სტანდარტული სახლი, ადგილი, სადაც უბრალოდ დროს ატარებთ. ეს არის მათი მთლიანი კულტურა და საცხოვრებელიც შესაბამისად - სულიერი სიმშვიდის მოსაპოვებელ სივრცედ იქცევა.
აღმოსავლურ ინტერიერის დიზაინში სახლის მოწყობის ტენდენცია ემყარება ჩინური კულტურის სულიერ და ესთეტიკურ პრინციპებს. ამ ტიპის სახლი სავსეა ჰარმონიულობითა და სიმსუბუქით, ასეთი ტიპის სახლის მოწყობის სტილებიდან გამოარჩევენ იაპონურსა და ჩინური ინტერიერის დიზაინებს.
განსხვავება ისაა, რომ ჩინური ინტერიერის პალიტრაში სიმბოლურ ფერებს შეხვდებით: წითელს, ოქროსფერს, ლურჯს. ისეთებს, რომლებიც ასახსავს რელიგიურ და მითოლოგიურ შეხედულებებს, იაპონურში კი უფრო ნეიტრალურ ჩრდილებსა და მსუბუქ, ნათელ ტონალობებზეა აქცენტი გაკეთებული.
ფორმები და ფერები:
საცხოვრებელი ფართის განაწილება, ავეჯის მოწყობა და ფერების პალიტრა, პირველ რიგში ექვემდებარება „ფენგ შუის“ სწავლებას. ეს ფილოსოფია ეხება იმას, თუ როგორ უნდა განლაგდეს ოთახები და საგნები ისე, რომ სახლის ინტერიერში დადებითმა ენერგიამ დაისადგუროს და მუდმივად მაღალი სულიერი განწყობა შეინარჩუნოთ.
ჩინური ინტერიერი აქსესუარების სიმრავლით გამოირჩევა, ესენია: ნახატები, ფიგურები, დეკორაციები, ფარნები და ა.შ.
ჩინურ ინტერიერში არ არის რეკომენდირებული მკვეთრი კუთხეების გამოყენება ავეჯით, დეკორით თუ სტრუქტურული ელემენტებით. ფენგ შუის მიხედვით, მკვეთრი კუთხეები უარყოფითი ენერგიის დასადგურებას უწყობენ ხელს.
თავის მხრივ, ოთახები იყოფა სეგმენტებად - მუქი ხის ტიხრებით, ამ კონკრეტულს დიზაინში გეომეტრია შემოაქვს. ტიხრები ორნამენტული ნიმუშებითა და დეტალებით გამოირჩევიან.
ჩინური ინტერიერის ფერთა პალიტრა სიმბოლოზმითაა გაჯერებული. ამ სტილში ყველა ფერს თავისი მნიშვნელობა გააჩნია:
- წითელი - ძალა და იღბალი.
- ყვითელი და ოქროსფერი - სიმდიდრე და დიდება
- ცისფერი,ლურჯი -კეთილშობილება
- მწვანე - მშვიდობა
- თეთრის, შავის და წითელის კომბინაცია - ჰარმონიას ნიშნავს.
ხშირად ავეჯის, ხალიჩების და ფარდების ტონალობები მსგავსია და მოიცავს ყავისფერ და კრემისფერ ფერებს. წითელისა და შავის კომბინაცია კი ყველაზე მეტადაა გავრცელებული ჩინურ ინტერიერში, რასაც ხშირად შეხვდებით კედლებზე, ავეჯსა თუ სხვადასხვა აქსესუარებზე.
მასალები ინტერიერში
ჩინური ინტერიერის შექმნაში უდიდესი მნიშვნელობა ენიჭება ავეჯს, ამ სტილის ავეჯს ახასიათებს შემდეგი:
- დამზადებულია მუქი ჯიშის ბუნებრივი ხისგან (ზეთისხილი, მუხა, კაკალი)
- აქვს მინიმალისტური და ხშირად კვადრატული ფორმები
- დაფარულია მრავალშრიანი ლაქით
- ჩინური ორნამენტები გადანაწილებულია ავეჯის ზედაპირზე
იატაკის მოსაწყობად, ჩინურ ინტერიერში პოპულარულა ბამბუკის იატაკი, როგორც ალტერნატივა, ასევე გამოიყენება ლამინირებული იატაკი, ჩვენთვის ცნობილი, როგორც - ლამინატი.
კერამოგრანიტის ან კერამიკული ფილების გამოყენების შემთხვევაში, ფერები ირჩევა იმავე პრინციპით, რასაც ოთახის მოსაწყობად განიხილავთ.
ჩინური ინტერიერის მოწყობის წესებით, კედელზე იყენებენ საღებავსა და თაბაშირ-მუყაოს, ხშირად შეხვდებით შპალერებს, რომელიც ხშირად სტილისთვის სახასიათო ორნამენტებითაა
დატვირთული. რეკომენდირებულია კედლის მოხატვაც: ხეები, აყვავებული მცენარეები , ფრინველები და ბუნების ხედები - თითოეული ნახატს საკუთარი სიმბოლური დატვირთვა ახასიათებს, ამიტომ, არჩევის დროს დიდ ყურადღებას საჭიროებს.
ჩინურ ინტერიერში ფარნები ერთ-ერთი ყველაზე პოპულარული ტენდენციაა. აგებულებით მარტივი, ქაღალდის ფარნები შუქს სრულყოფილად ანაწილებს. მისი ფერი ღია და მკრთალი ტონალობებიდან იწყება და ხანდახან მუქ წითელ შეფერილობასაც კი შევხვდებით. ჩინური ფარნები, ინტერიერის ატმოსფერულ გასამდიდრებლად ერთ-ერთი საუკეთესო საშუალებაა.
სამზარეულო
ჩინური სტილის სამზარეულოს ინტერიერი საკმაოდ ენერგიულია, სინამდვილეში სამზარეულოს ატმოსფერო მინიმალიზმის პრინციპებზეა აგებული. სასურველია მუქი ხის ავეჯი, ხშირად ავეჯი ლაქის ზედაპირით გვხვდება, რაც მის ამრეკლ ზედაპირს უზრუვნელყოფს. სამზარეული ავეჯის სამუშაო ზედაპირზე გამოიყენება ბუნებრივი ქვა.
ჭერი სამზარეულოში შესაძლოა მორთული იყოს ვიტრაჟებით, ხშირად შეხვდებით მრავალდონიან ჭერსაც, რომელშიც ჩამონტაჟებული განათება,საოცარ გარემოსა და ჰარმონიას ქმნის ოთახში .
კედლის გასაფორმებლად შეგიძლიათ გამოიყენოთ ხის პანელები. ასევე შპალერი - ყვავილებისა და მცენარეების თემატიკით.
სააბაზანო
სააბაზანოს ჩინურ სტილში მოწყობისას არ აქვს მნიშვნელობა ოთახის ზომას, ვინაიდან ინტერიერის ეს სტილი სრულყოფილია ნებისმიერი ზომის ოთახისთვის. ჩინური ინტერიერი, მცირე მასშტაბის სააბაზანოშიც ლაკონური ინტერიერის შექმნას უზრუნველყოფს.
მოგეხსენებათ, კონკრეტული ინტერიერის დიზაინი მინიმალიზმის არსს პატივს სცემს და მის პრინციპებსაც ითვალისწინებს, კედლის საფარი სასურველია მარტივი სახით იყოს წარმოდგენილი - დამატებითი გაფორმებებისა და დეკორაციების გარეშე.
ჩინური სტილის აბაზანა ცნობილია იმით, რომ მხოლოდ ბუნებრივ მასალებს იყენებს. ასევე შეგიძლიათ გამოიყენოთ კერამიკული ფილები, მინის აქსესუარები, ასევე ლითონისა და ბუნებრივი ხის დეტალები. რაც შეეხება ფერებს, ოთახის მოწყობისას გამოიყენეთ თბილი ფერები, როგორც წესი, ხშირია წითელის, ყვითელისა და ოქროსფერი ფერების გამოყენება.
საძინებელი
ინტერიერის დიზაინში ჩინური ინტერიერი, ერთ-ერთ უნივერსალურ სტილად მოიაზრება. ოთახი შეგიძლიათ მოაწყოთ როგორც ნეიტრალური, ისე ეგზოტიკური და ნაციონალური ხასიათის. თუმცა დიზაინერები კვლავ ნეიტრალურ გადაწყვეტილებებს გვირჩევენ.
თანამედროვე ეპოქაში, მინიმალიზმის გავლენა თითქმის ყველა ინტერიერში იგრძნობა, მოკრძალებული ფორმები, მარტივი ავეჯი და ჰარმონიული ატმოსფერო ნებისმიერი ტიპის ადამიანისთვის სასურველია. გახსოვდეთ, თქვენი საძინებლის ჩინურ სტილში მოწყობისას, ოთახი არ არის აუცილებელი იყოს ჩინური ტრადიციებისა და სახლის მოწყობის კანონების ზუსტი იმიტაცია, პირველ სახლში კომფორტულად უნდა იგრძნოთ თავი, ასე რომ, სურვილის შემთხვევაში შეგიძლიათ ამოიღოთ ნებისმიერი დეტალი.
როგორც ზემოთ აღვნიშნეთ, ჩინურ კულტურაში ფერს სიმბოლური მნიშვნელობა აქვს, ფერები ჩინური სტილის საძინებლისთვის ასეთია:
ნეიტრალური და ჰაეროვანი ატმოსფეროს შესაქმნელად ძირითადად იყენებენ კრემისფერ და ოქროსფერ ტონალობებს.
ჩინური ტიპის საძინებლებში პოპულარულია დიდი ზომის საწოლის განთავსება, ეს ფაქტი ჩინური ტრადიციების თანამედროვეობასთან შერწყმას ცხადჰყოფს.
„ფენ შუი“ -ს ფილოსოფია პატივს სცემს სიმეტრიას, საძინებელში ეს ფაქტორი საწოლის სიმეტრიულად განთავსებაში მდგომარეობს, საწოლთან ერთად ტუმბოების განთავსებაც სიმეტრიულად ხდება, დააკვირდით, რომ ტუმბოები კედლიდან თანაბრად იყოს დაშორებული.