ეგვიპტური სტილი ფუფუნებას უკავშირდება, ის დაიბადა ეგვიპტის ფარაონების დროს. ეს სტილი ხასიათდება მდიდარი ფერებით, სიმბოლოების სიუხვითა და შთამბეჭდავი სანახაობით.

აღსანიშნავია ის ფაქტი, რომ კონკრეტული, ეთნიკური სტილის  ინტერიერი თითქმის არ არის გამოყენებული მის ისტორიულ სამშობლოში, თუმცა სხვა ქვეყნის მკვიდრები, რომლებშიც ეგვიპტური სტილისა და ატმოსფეროს პატივისცემა დიდი დოზითაა ჩანერგილი, არც თუ ისე იშვიათად მიმართავენ თავიანთი საცხოვრებლის ეგვიპტურ სტილში გადაწყვეტას.

ეგვიპტური ინტერიერის სტილი ფარაონების ეპოქიდან და მათი საცხოვრებლებიდან მოდის, თუმცა მალევე მდიდრულმა ინტერიერმა შედარებით დაბალი ფენის სახლებშიც გადაინაცვლა და შედეგად მათი აღრევა მოხდა, შესაბამისად, ამ სტილის სახლებში შეხვდებით ორივეს: ძვირადღირებულ მასალებსაც და მათ შედარებით იაფფასიან ანალოგებსაც.

ფორმები და ფერები:

ძველი ეგვიპტელები მზეს სცემდნენ თაყვანს, სწორედ ამ ფაქტორმა იქონია დიდი გავლენა ინტერიერის მოწყობის სპეციფიკაზე, ვინაიდან, უპირატესობა მიენიჭა ყვითელსა და თეთრ ტონებს. ასევე წარმოდგენილია სხვადასხვა ფერებიც, ესენია: წითელი,ნარინჯისფერი, ლურჯი,ყავისფერი და მათ შორის შავი.

ეგვიპტური ინტერიერისთვის დამახასიათებელია გეომეტრიული ფიგურების გამოყენება: ხაზები, სიმეტრიები და ხშირად, დაზოლილი ფონები. ეს სტილი დიდ, ღია სივრცეებს ითვალისწინებს, ამიტომ ავეჯის განთავსებისას ყურადღება მიაქციეთ სივრცის გადანაწილებას და ოთახის სივრცულ აღქმადობას. ეგვიპტური სტილი ცნობილია მარტივი ფუნქციურობით, თუმცა მდიდარია გაფორმებებით და სახლის ვიზუალური გადორმების ნაწილით.

გამოიყენება მზე, ლოტუსი, სფინქსი, პირამიდები, ფარაონები და ეგვიპტური კატები - ნებისმიერი დიზაინით, დაწყებული კედლის დეკორაციიდან - დეკორატიული ნივთებით დამთავრებული. ინტერიერში საკმაოდ აქტუალურია  ვაზები, ნათურები და გეომეტრიული ფიგურებიც კი.

სხვა მრავალი ეთნიკური სტილის მსგავსად, ეგვიპტური არ იქნებოდა სრულყოფილი მასში შემავალი აქსესუარების გარეშე. ისტორიამ დეკორაციის უამრავი  შესანიშნავი მაგალითი შემოგვინახა. ესენია:

• ეგვიპტელი ღმერთებისა და ფარაონების მოხდენილი ფიგურები
• მხატვრულად შესრულებული ფრესკები
•  ჭურჭელი - ეგვიპტური გაფორმებებითა და ფორმებით
•  ეგვიპტური სვეტები
• კედლებზე დატანილი უნიკალური, მხატვრული სტილის დეკორაციები

მასალები ინტერიერი

თანამედროვე ეგვიპტურ სახლებში, ხშირად შეხვდებით გასაჭიმ ჭერს, ასევე პოპულარულია მოხატული ჭერის ვარიანტებიც. რაც შეეხება კედლებს, ყურადღება ეთმობა მოსაპირკეთებელ ქვას, ფაიფურის ფილას და დეკორატიულ თაბაშირს. თუმცა შეზღუდული არც ამ საკითხში ხართ, ინტერიერში შემავალი ელემენტების გამოყოფა სხვადასხვა ხერხებითაა შესაძლებელი, შეგიძლიათ კედლებს დაურთოთ მოზაიკები, ფრესკები და ყვავილოვანი ელემენტები - ლოტუსის, დაფნის და პაპირუსის გამოსახულებებით

მიუხედავად კედლების დიზაინისა, ეგვიპტური მოტივებით მორთულ ოთახში იატაკი სასურველია ფილებით მოეწყოს, უმჯობესია ის ბუნებრივი ქვისგან ან ბუნებრივი მასალებისგან იყოს დამზადებული, თუმცა ამ შემთხვევაში, თანამედროვე იატაკის მასალების გამოყენებაც დაშვებულია, თუ რა თქმა უნდა მათი სტილი და ფერი შეესაბამება ეგვიპტურ ხასიათსა და  თემატიკას.

დიზაინერები გვირჩევენ, რომ სახლში, სადაც ეგვიპტური განწყობა სუფევს, მართკუთხა, სტანდარტული კარ-ფანჯრის ადგილი არ არის. ამიტომ, უმჯობესია არჩევანი თაღოვან, ოვალურ კარ-ფანჯარაზე გააკეთოთ.

ავეჯის მხრივ, ეგვიპტურ ინტერიერში შემავალი საგნები საკმაოდ მასიურია. თუ ეს არის მაგიდა და სკამები, უმჯობესია იყოს მასიური ხის მასალით დამზადებული, საწოლი კი დიდი ზომის, სხვადასხვა ქსოვილებითა და ტექსტილით გაფორმებული.

განათება

ძველ ეგვიპტეში, ჭერის განათების წყაროები არც თუ ისე პოპულარული იყო, ძირითადად გამოიყენებოდა კედლის განათება, შესაბამისად, ეგვიპტურ ინტერიერში კედლის განათების დამონტაჟება საუკეთესო გადაწყვეტილებაა. ყურადღება მიაქციეთ სანათების ფორმასაც - გახსოვდეთ, რომ ჩირაღდნის ფორმის სანათები ეგვიპტურ სტილს განსაკუთრებით ახასიათებს.

სამზარეულო

ეგვიპტური სტილის შენარჩუნება პატარა ზომის სამზარეულოში, საკმაოდ რთულია. მას ფართო აღქმადობა ახასიათებს, ამიტომ ეს დიზაინი საუკეთესოდ გამოიყენება დიდი ზომის სამზარეულოებში.

ეგვიპტური სამზარეულოს მთავარი მიზანი გეომეტრიულობაა, სამზარეულოს ცენტრში სასურველია თავისუფალი ზონა მოექცეს. იატაკისთვის იდეალური გადაწყვეტაა ბუნებრივი ქვა, ეგვიპტური სტილის იმირატაციით, ასევე იყენებენ პარკეტის საფარსაც - ის საუკეთესოდ გადმოსცემს ბუნებრივ მასალის ტექსტურას, რაც ინტერიერში საკმაოდ მნიშვნელოვანი დეტალია. შეგიძლიათ გამოიყენოთ კერამიკული ფილაც. გახსოვდეთ, რომ დანარჩენ ხის მასალის იატაკს, იშვიათად შეხვდებით კონკრეტულ სტილში.

სააბაზანო

სააბაზანო ეგვიპტურ სტილში გარკვეულწილად ეგზოტიკურია, სხვა ოთახებთან შედარებით, აქ მეტად მეფობს ფარაონების სიდიადე და ათასწლეულების სიმშვიდე.

სააბაზანო პალიტრა ერთმნიშვნელოვანია და მარტივად გასაგები: ყვითელი ქვიშის ტონალობები, ლურჯი ჩრდილები და ნეიტრალური რძისფერი ტონები. თითოეულ მათგანს საკუთარი დანიშნულება გააჩნია.

მსგავსი ტიპის სააბაზანოსი იშვიათად შეხდებით თანამედროვე აქსესუარებსა და საშხაპეებს, აქ მხოლოდ ბუნებრივი მასალები და მარტივი სანტექნიკური სისტემებია აქტუალური. რაც შეეხება მოწყობის მასალებს, მთავარ მასალად ქვა და კერამიკული ფილაა მიჩნეული, რომლებზეც ბუნებრივი მინერალის ტექსტურის იმიაციაა დატანილი. ეგვიპტურ სტილში, აბაზანის გასაფორმებლად შემდეგ დეტალებს გირჩევთ:

• ეგვიპტური კატების სურათები და აქსესუარები
• ყალბი სვეტები
• საყრდენი რელიეფები
• გრაგნილები კედელზე
• სანათები ჩირაღდნის იმიტაციით
• სარკეები, ეგვიპტური ორნამენტებით

საძინებელი

ეგვიპტური საძინებელი უმჯობესია აღჭურვილი იყოს თბილი ფერებით, მაგალითად: კრემისფერით, რძისფერი და ღია ფორთოხლის ტონალობებით. თუმცა ეს არ ნიშნავს, რომ ინტერიერში არ შედიოდეს მუქი ტონალობებიც, ისეთები, როგორიცაა: ნაცრისფერი, შავი და ყავისფერი.

თანამედროვე ეგვიპტურ საძინებელ ოთახებში, არც თუ ისე იშვიათია შპალერის გამოყენება, რეკომენდირებულია ქვის ტექსტურის იმიტირებული შპალერის გაკვრა. შპალერის გარდა კედლის დეკორაციები არც საძინებელშია ზედმეტი, დაამატეთ კედელს ეგვიპტური ხასიათის გაფორმებები და გამოკვეთილი, მუქი ფერებით გამოყავით იგი.

ჭერი შესაძლოა გაკეთდეს მრავალდონიანი ეფექტით, რაშიც თაბაშირ-მუყაო გაგიწევთ დახმარებას, ამ ოთახში, შესაძლებელია როგორც კედლისა და დასადგამი სანათების, ისე ჭაღისა და ჭერში ჩამონტაჟებული განათების განთავსებაც.

და კიდევ, არ დაგავიწყდეთ ოთახში მცენარეების განთავსება, ისინი , როგორც დეკორატიულ, ისე ცოცხალი ატმოსფეროს შექმნას შეუწყობენ ხელს.