ინტერიერის დიზაინში სხვადასხვა ეთნიკურ სტილის გამოყენება ზოგადად იყო ყოველთვის პოპულარული, მაგრამ დღეისათვის განსაკუთრებით აქტუალური გახდა.

თანამედროვე ინტერპრეტაციით წარმოდგენილი სხვადასხვა კულტურისათვის დამახასიათებელი ელემენტებით გაფორმებული საცხოვრებელი სახლის ინტერიერი, 21-ე საუკუნის ადამიანებში დიდი პოპულარულობით სარგებლობს.

აფრიკული სტილი ევროპულ კულტურაში შემოვიდა XX საუკუნეში,  მასში თანდაყოლილია თვითმყოფადობა, ორიგინალურობა და არქაული სიძველით ხასიათდება. საუკუნეების განმავლობაში სტილი ვითარდებოდა და იცვლებოდა აფრიკის მრავალფეროვანი ხალხისა და ტომების საფუძველზე.

სახლის ინტერიერის თანამედროვე დიზაინში აფრიკული სტილი გაჯერებულია ტრადიციული აფრიკული ელემენტებით, არის საკმაოდ ნათელი, ფერადოვანი და ექსპრესიული.

სტატიაში განხილულია აფრიკული სტილის მახასიათებლები, ასევე  წარმოდგენილია ინტერიერის დიზაინის სხვადასხვა ზონები აფრიკულ სტილში.

აფრიკული სტილის მახასიათებლები

ფერები

აფრიკული სტილის ოთახები გაფორმებულია თბილი ფერებით, სადაც სჭარბობს წითელი, ნარინჯისფერი და ყვითელი.

ინტერიერში ყველაზე მნიშვნელოვანი მასალა არის ხე, აქედან გამომდინარე ხის ფაქტურა და ზოგადად ყავისფერი ზემოაღნიშნულ ფერებთან ერთად მნიშვნელოვან ადგილს იკავებს.

კონკრეტული დეტალებისა და დეკორაციების გამოსაკვეთად გამოიყენება შავი ფერი მაგრამ ძალიან მსუბუქად, მცირე დოზით, რაც შეეხება ქსოვილებს ისინი ბუნებრივი შემადგენლობისაა და აუცილებელია იყოს, ბამბის, მატყლის თეთრეული - მრავალფეროვანი ორნამენტებით გაფორმებული.

მასალები

ეგზოტიკური ხისა და ბუნებრივი ქვის მასალები წარმოადგენს ინტერიერის საფუძველს , ყველაზე ხშირად გამოიყენება ხის შემდეგი ჯიშები: მაჰაგონი, wenge, ebony და პალისანდრის

ოთახის ინტერიერში გამოყენებულია კერამიკული ფილები და სხვადასხვა ქსოვილით

ფორმები და ხაზები

ოთახის ინტერიერს ახასიათებს გეომეტრიული, ზიგზაგისებური ნიმუშები და ფორმები .

ახასიათებს აბსტრაქტულობა და ასიმეტრიულობა.

ავეჯი

ავეჯი ერთგვარი ინსპირაციაა სხვადასხვა გეომეტრიული ფორმებისა, მაგ. მართკუთხედებისა და წრეების სახით, გაფორმებულია აფრიკული ცხოველების ბუნებრივი ბეწვითა და ტყავით.

ინტერიერში წარმატებით გამოიყენება ნაქსოვი ავეჯი.

განათება

ინტერიერში დიდი ყურადღება ეთმობა ბუნებრივ განათებას , ამიტომ აფრიკულ სტილს ახასიათებს დიდი განიერი ფანჯრები სადაც მზის შუქი კარგად აღწევს და ვრცელდება ინტერიერში

ქსოვილის საფარით დაფარული ნათურები ეთნიკური ელემენტებით აფრიკული სტილის დამახასიათებელი ნიშანია, ესეთი ტიპის განათებები ყენდება ჭერზე, თანამედროვე ინტერპრეტაციით შეგიძლიათ დაამატოთ წერტილოვანი განათებები

დეკორაცია

ინტერიერის დიზაინში აფრიკული სტილი ასახავს ადამიანისა და ბუნების ერთიანობას, ბუნებასთან სიახლოვის თვალსაზრისით შეიძლება ის ჰგავდეს სკანდინავიურსა და იაპონურ სტილებს, თუმცა მათთან მსგავსება აქ მთავრდება.

ინტერიერში შეხვდებით სხვადასხვა  ხელნაკეთ ფორმებს , ფიგურებს და ფერწერულ ტილოებს რომლებიც გამოხატავენ მცენარეებსა და ცხოველებს, ინტერიერი აფრიკული ბუნების სრული ინსპირაციაა

დეკორაციის მასალად გამოყენებულია ეგზოტიკური ხე

ინტერიერის დეკორაციაში შესაფერისია აფრიკული ტომებისთვის დამახასიათებელი სხვადასხვა ელემენტები, რომლებსაც მრავლად შეხვდებით ინტერიერში: ეთნიკური ნიღბები, რიტუალური ფიგურები, სავანეები, ცხოველები  სხვა დეტალები.

აფრიკა ეკლექტური რეგიონია სადაც წარმოდგენილია მრავალფეროვანი მაცხოვრებელი, დატვირთული ტრადიციებით სხვადასხვა კერპებით, რომელსაც თაყვანს სცემდნენ აფრიკის ტომები მთელი ისტორიის განმავლობაში.

თანამედროვე გაგებით კი, ევროპულ ბინებში კერპის ქანდაკებები, ნიღბები და თემატური ნახატები არის მხოლოდ დეკორატიული ელემენტები.

საცხოვრებელი ბინების ინტერიერს ამშვენებს სხვადასხვა მუსიკალური ინსტრუმენტების დეკორაციული ელემენტები: "დასარტყამი ტამ-ტამები" ტრადიციული დოლი და აფრიკული „მარაკასები“

რა თქმა უნდა აფრიკული დეკორაციის მნიშვნელოვან ნაწილს წარმოადგენს ცხოველების ფიტულები და ტყავები, თანამედროვე ეპოქაში გამოიყენება ხელოვნური პროტოტიპები, ისეთი ცხოველების როგორიცაა: ჟირაფის, ზებრას და ლომის

ოთახში მრავლად არის სარკეებიც რომლებიც გაფორმებულია , აფრიკული ორნამენტებით, ბეწვითა და ტყავით.

ინტერიერს ასევე ამშვენებს ფერწერული ტილოები, ცხოველების, ფრინველების და ზოგადად ბუნების ინსპირაციული გამოსახულებებით.

ინტერიერის დიზაინის სტილი მისაღებ ოთახში

მისაღები ოთახი გამოირჩევა ბევრი თავისუფალი ადგილითა და მინიმალური ავეჯით.

ამავე ლოგიკით შერჩეულია დივნები, სავარძლები და მაგიდები, რომლებიც გაფორმებულია ცხოველების ტყავითა და ბეწვით, ასევე გამოხატულია ორნამენტული ნიმუშები.

თაროებზე, მაგიდებზე და სხვა ღია ადგილებში წარმოდგენილია თიხის ან ხის სუვენირები და სკულპტურული ქანდაკებები, რომელიც დამახასიათებელია, ტრადიციული აფრიკის მკვიდრისთვის.

კერამიკული ნაკეთობები გაფორმებულია გეომეტრიული ფიგურული ხაზებით: ზიგზაგებით, წრეებით, რომბებითა და სამკუთხედებით, ასევე გამოხატულია სპილოები, ზებრები, ლომები და აფრიკის სავანეთა სხვა ცხოველები.

ინტერიერის დიზაინის სტილი სამზარეულო ოთახში

სამზარეულოში საყოფაცხოვრებო ტექნიკის რაოდენობა უნდა იყოს მინიმალური , ხაზს უსვამს სტილის სისუფთავესა და ელეგანტურობას

მიკროტალღური ღუმელი ყოველთვის ჩაშენებულია სამზარეულოს დიზაინში, მაცივარი არასტანდარტული ფერსაა, მაგ: ყავისფერი ან კრემისფერი

სამზარეულოს ნაკრები (ჭურჭელი) დამზადებულია ხისგან ან გარეგნულად წარმოადგენს ხის სიმულაციას.

ინტერიერში წარმოდგენილია ბუნებრივი ელემენტები რაც გამოხატულია, მცენარეებითა და დეკორაციებით.

ინტერიერის დიზაინის სტილი საძინებელ ოთახში

აფრიკული სტილის საძინებელში დომინირებს , მშვიდ, თბილ ფერებში გადაწყვეტილი ფარდები და კედლები.

საწოლი და კარადები, ზოგადად საძინებელი ოთახის ავეჯი ბუნებრივი ხისგან არის დამზადებული

დეკორციის ელემენტები რა თქმა უნდა საძინებელშიც მონუმენტურია: კედლებზე ნიღბები და ცხოველების რქებია წარმოდგენილი.

ოთახის კუთხეებში განლაგებულია ხის ფიგურები, რომლებიც განასახიერებს სხვადასხვა ცხოველებსა და ფრინველებს. ინტერიერში მრავლად არის ეგზოტიკური მცენარეები, რომლებიც მოთავსებულია თიხის ქოთნებში, იატაკზე დაფენილია ცხოველის ტყავით გაფორმებული და მორთული ხალიჩები.

საძინებელს ასევე ამშვენებს აფრიკული სავანეების ფოტო პეიზაჟებით გაფორმებული ნახატები.