თანამედროვე სამყაროში საძინებელი - ეს არ არის ოთახი მხოლოდ ძილისთვის, ეს არის ადამიანის პირადი სივრცე, სადაც იწყებს და ამთავრებს დღეს, იღვიძებს, ემზადება ახალი დღისთვის, იკეთებს მაკიაჟს , ხანდახან შესაძლებელია იოგის ვარჯიშებისთვისაც იყენებს სივრცეს ან უბრალოდ უყურებს ფილმს. პატარა საძინებელი ოთახის შემთხვევაში, მოწყობა საკმაოდ რთული პროცესია, განსაკუთრებით მნიშვნელოვანია სწორი დაგეგმვა და სივრცისთვის მაქსიმალური ფუნქციონალის მინიჭება.

გთავაზობთ პატარა სივრცის სწორად გამოყენების რამდენიმე მნიშვნელოვან ასპექტს :

ფერები 

დიზაინის შერჩევისას ერთ – ერთი მთავარი , რაზეც უნდა ჩამოყალიბდეთ არის ფერთა გამა . 
ფერები ფსიქოლოგიურად ზემოქმედებენ ადამიანებზე ,ამიტომ შერჩევის დროს სასურველია გაითვალისწინოთ  ფსიქოლოგთა აზრი და გამორიცხოთ რამდენიმე ფერი : წითელი, ნარინჯისფერი, შავი, მუქი ყავისფერი,ოქროსფერი და იისფერი. აღნიშნული ფერები იწვევს აგრესიულ ზემოქმედებას ფსიქიკაზე, ართულებს დამშვიდების, კონცეტრირების და გამოძინების შესაძლებლობას.ასევე საყურადღებოა, რომ  მნიშვნელოვნად აპატარავებს სივრცის შეგრძნებას. პატარა  საძინებლის შემთხევაში უმჯობესია უპირატესობა მიანიჭოთ  ნაზ, პასტელურ ფერებზს, რომლებიც ქმნის სივრცისა და სინათლის ეფექტს.

დაბალი ავეჯი

დაბალ საწოლს შეუძლია ოთახის სივრცე შედარებით დიდი გამოაჩინოს, ამიტომ მოერიდეთ საწოლის თავის მასიურ კონსტრუქციებს და ტუმბოებიც შედარებით პატარა,დაბალი  ან კედელზე მიმაგრებული აირჩიეთ. ეს მნიშვნელოვნათ დაზოგავს სივრცეს.

ოთახის გამყოფი

იმ შემთხვევაში, თუ გსურთ, რომ დასაძნებელი სივრცე გამოყოთ სამუშაო  სივრცისგან, საუკეთესო ვარიანტია ოთახის გამყოფი. ამისათვის შესაძლებელია გამოიყენოთ თაროები ან ხის თანამედროვე კონსტრუქცია.

დაამატეთ სარკე

ღიად შეღებილ, ნათელ  ოთახში თუ დაამატებთ სარკეს, ის შექმნის ოპტიკურ ილუზიას და ოთახი თავის რეალურ ფართობზე ბევრად დიდი გამოჩნდება.შეგიძლიათ ასევე გაოიყენოთ დეკორატიული სარკეები ნახატებისა და სურათების ნაცვლადაც  კედელზე ცარიელი ადგილების შესავსებად, რაც ოთახს  სინათლესა და განზომილებას შემატებს.

შექმენით კრეატივი თაროებით

კედლის თაროები ოთახს მატებს კრეატიულობას დ ასევე წარმოადგენს  მცირე სათავსოს , ორგანაიზერს თქვენი ნივთებისთვის.

განათება

პატარა ოთახისათვის განსაკუთრებით მნიშვნელოვანია განათების სწორად შერჩევა.  დიზაინერების რჩევით უნდა მოერიდოთ დიდი ზომის კლასიკურ ჭაღებს. თუ საძინებელს მაღალი ჭერი აქვს, უმჯობესია გამოიყენოთ დასაკიდი გრძელი განათება, რომელიც ოთახს განსაკუთრებულ ხიბლს და თანამედროვე იერსახეს აძლევს.
თუ მფლობელი ღამით კითხვის მოყვარულია, უპირატესობა ენიჭება საწოლის გვერდით დაკიდულ განათების ტიპს, ამ შემთხვევაში დასადგამი ლამფის საჭიროება ქრება, შესაბამისად, იზოგება სივრცეც, რაც მთავარ მიზანს წარმოადგენს.

მნიშვნელოვანია არ დავივიწყოთ  ბუნებრივი სინათლე ოთახში.  ინტერიერში სწორედ სინათლე იძლევა მეტი სივრცის შეგრძნებას. სასურველია, მოერიდოთ გადატვირთული დიზაინის ფარდებს და გამოიყენოთ ჰორიზონტალური ჟალუზები ან გამჭვირვალე ფარდები

ხალიჩა და მცენარეები

დიზაინრებეი გირჩევთ გაოიყენით კონტრასტული ტექსტურის ფორმისა და ფერის  ხალიჩები, განსხვავებული და უნიკალური დიზაინის შესაქმნელად, ასევე,  რეკომენდირებულია ოთახს დაამატოთ ქოთნის მცენარეები.

საძინებელი ყველაზე მეტად გამოხატავს მფლობელის გემოვნებას, ხასიათს და ცხოვრების სტილს. მიუხედავად ოთახის ზომისა, პატარა, ერთი შეხედვით უმნიშვნელო დეტალების გათვალისწინებით  და მცირე ფანტაზიით შესაძლებელია შექმნათ  იდეალური სივრცე თქვენი დასვენებისათვის.