dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

ოთახის კრეატიული გაფორმება ღვინის ბოთლებისგან

2432 ნახვა გიორგი სალთხუციშვილი
 

ალბათ გინახავთ საახალწლო ნათურებით მორთული სახლები და გაფორმებული სივრცეები. მოგეხსენებათ საახალწლო განათებები საუცხოო ატმოსფეროს ქმნის ნებისმიერ სივრცეში. ამასთან ერთად მსგავსი ტიპის ნათურები თითქმის ნებისმიერ სახლშია ხელმისაწვდომი, სხვა შემთხვევებში კი მისი შეძენა უამრავ ადგილასაა შესაძლებელი.

დღევანდელი ბლოგი ეხმიანება მსგავსი განათების გამოყენების ახალ და თანამედროვე მეთოდს, რისი საშუალებითაც მიიღებთ უცხო და ულამაზეს სანათს, რომელიც განსაკუთრებულ ატმოსფეროს შექმნის თვენი საცხოვრებელი სახლის ნებისმიერ წერტილში.

პროცესს შესაძლოა მარტივიც კი ეწოდოს, ვინაიდან ამ პროექტში შედის ორი ძირითადი კომპონენტი: საახალწლო განათების ლენტი და ღვინის გამჭვირვალე ბოთლი.

მაშ ასე, დავიწყოთ მოსამზადებელი სამუშაოები, პირველ რიგში იხილეთ იმ მასალების სია, რომლებიც დაგჭირდებათ პროექტის მსვლელობისას. ესენია:


  • ღვინის ბოთლი, უმჯობესია 1-ზე მეტი (2 ან 3). ამ შემთხვევაში, სხვადასხვა ზომის ბოთლები უკეთესი ვარიანტიც შეიძლება იყოს.
  • განათების ლენტი - უკეთესი ეფექტისთვის ჯობს გამოიყენოთ წვრილი, ღია და თბილი ტონალობის განათება.
  • ბურღი
  • პლასტილინი
  • ცხელი წებო


პირველ რიგში, მოიმარჯვეთ თქვენს მიერ შერჩეული ღვინის ბოთლი და მოაშორეთ მასზე დატანილი წებოვანი ეტიკეტი.



გაასუფთავეთ და კარგად გარეცხეთ ბოთლები ცხელი, საპონიანი წყლით, ვინაიდან ეტიკეტის აძრობის შემდეგ ხშირად რჩება ბოთლზე წებოვანი ლაქები. გარეცხვის შემდეგ დაელოდეთ და კარგად გააშრეთ ისინი.


ბოთლის ძირიდან დაახლოებით 1.5 – 2 სანტიმეტრის დაშორებით მონიშნეთ წერტილი, სადაც შემდეგში გაბურღავთ. ბურღვის დეტალებს და სპეციფიკას კი, შემდეგ ნაბიჯებში გავეცნობით.



მოიფიქრეთ პრინციპი, რითიც ბურღვის მომენტში ბოთლს უძრავად შეინარჩუნებთ.




მინის მასალის გაბურღვა არც თუ ისე მარტივი პროცესია, ვინაიდან მისი გახურებისას ხშირია ბზარების გაჩენა და მსხვრევა. სწორედ ამიტომ, საჭიროა ბურღვის მომენტში შუშის ზედაპირი ცივი წყლით უზრუნველყოთ, რათა მოხდეს მისი ეტაპობრივი გაგრილება.

ცივი წყალი აუცილებელია როგორც ბოთლის შიგნიდან, ისე გარე მხრიდან. ამიტომ, სასურველია ბოთლს გარედან მცირე ზომის წყლის რეზერვუარი აუშენოთ სადაც შემდგომში წყალს ჩაასხავთ. რეზერვუარის შესაქმნელად შეგიძლიათ პლასტილინი გამოიყენოთ.



გაითვალიწინეთ! ჭრისას მნიშვნელოვანია ყურადღება მიაქციოთ  ბურღის დაწოლის სიმძლავრეს, ეცადეთ, რომ ამოჭრა ზედაპირულად და ძალდაუტანებლად მოხდეს. წინააღმდეგ შემთხვევაში მინის სტრუქტურა დაირღვევა და ბოთლიც აუცილებლად გატყდება.



გახვრეტის შემდეგ დარწმუნდით, რომ ბოთლს არანაირი ბზარი არ აღენიშნება.



​​​​​​ გაბურღული ნახვრეტი ამოასუფთავეთ ზუმფარის ქაღალდით, მკვეთრი კიდეების მოსაშორებლად უხეში ზედაპირის ზუმფარა დაგეხმარებათ.



და დადგა განათების მოთავსების დროც! ფრთხილად შეატარეთ განათების ლენტი რგოლიდან. ჩასმამდე აუცილებლად შეამოწმეთ განათების გამართულობა.

გამოიჩინეთ მაქსიმალური სიფრთხილე და ნელი ტემპით მოათავსეთ ლენტი ბოთლში, დააკვირდით, რომ სადენები შუშის კიდეებმა არ დააზიანოს.

*ლენტის ჩასმისას უმჯობესია ბოთლის ამოტრიალებულ მდგომარეობაში დაჭერა, რათა განათებამ ბოთლის თავისკენ გადაინაცვლოს და სწორად განაწილდეს მთლიან ბოთლში.



და ბოლო ეტაპი - დალუქვა. მას შემდეგ რაც დაასრულეთ განათების მოთავსება, საჭიროა სადენი რგოლის ცენტრში დააფიქსიროთ, ამის გარდა ამ დეტალს მუხრუჭის ფუნქციაც გააჩნია და სანათს დაზიანებისგანაც იცავს.

ასეთი რეზინის არ არსებობის შემთხვევაში შეგიძლიათ გამოიყენოთ ცხელი წებო. ამ ტიპის წებო გაგრილებისას მყარდება და რეზინის მსგავსი სტრუქტურით ხასიათდება, რაც საბოლოოდ სრულად ითავსებს საცობის დანიშნულებას.

საბოლოო ეტაპი განათების დენის წყაროში შეერთებაა.



დასრულდა! გილოცავთ. ამიერიდან თქვენს სახლს თანამედროვე სანათი დაამშვენებს და რაც ყველაზე მთავარია - თქვენივე ხელებით შექმნილი.

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1576 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2125 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1453 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1211 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
619 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
360 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
501 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
893 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
332 წაკითხვა