dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როგორ გავაკეთოთ კრეატიული სანათი - ჩვენივე ხელებით

1191 ნახვა გიორგი სალთხუციშვილი
 

თუ სახლის რომელიმე ზონაში განათების დამატება გსურთ ან უბრალოდ დეკორაციის სახით გინდათ ოთახში სანათის განთავსება, ვფიქრობთ ეს კონკრეტული ბლოგი საკმაოდ დაგეხმარებათ. შედეგად კი, ულამაზესი და დაბალ ბიუჯეტური ხელნაკეთი სანათი თქვენს საცხოვრებელში დაიდებს ბინას.


თუ ფიქრობთ, რომ მსგავსი საქმიანობა არ გამოგდით ან არც არასდროს გიცდიათ, თავიდანვე გეტყვით, რომ ეს კონკრეტული პროექტი არ საჭიროებს რაიმე განსაკუთრებულ ცოდნასა და ტექნიკას. 


საჭირო მასალები:

  1. ხის ფიცარი
  2. შუშის ქილები (მინიმუმ 3 ცალი. განისაზღვრება საბოლოო პროდუქტის სიდიდის მიხედვით)
  3. ზუმფარა ან კუთხსახეხი
  4. ხის ფაქტურის წებოვანი ფირი
  5. ბურღი
  6. ლითონის ხრახნიანი მილაკი და ქანჩები
  7. ნათურის ვაზნა (პატრონა)
  8. ნათურები
  9. მაკრატელი
  10. საიზოლაციო ლენტი

ნაბიჯები:



  • პირველ რიგში მოიძიეთ ხის ფიცარი. საბოლოოდ მას გამოიყენებთ ჭერზე დასამაგრებლად. რაც შეეხება ზომას, განსაზღვრეთ რა დოზის განათება გჭირდებათ. განახორციელეთ აზომვითი სამუშაოები იქ, სადაც აპირებთ განათების დამონტაჟებას


  • თქვენი პროექტის უკეთესი ვიზუალიზაციისთვის მოათავსეთ სასურველი რაოდენობის შუშის ქილა ხის ფიცარზე, აუცილებელია, რომ ქილას ხრახნიანი თავსახური ჰქონდეს. ამ პროცესის შემდეგ, საბოლოო შედეგი უფრო თვალსაჩინო გახდება.




  • შეიძინეთ რბილი, თვითწებოვანი სტიკერი - ხის ავეჯის ეფექტით,  დაფის ზედაპირზე გადასაკვრელად.


  • გადაკვრის მომენტში ყურადღება მიაქციეთ თუ რამდენად კარგად ეკვრის სტიკერი ზედაპირს. არ დატოვოთ ჰაერის ბუშტები ზედაპირზე, ბუშტების ასარიდებლად გამოიყენეთ სწორი ზედაპირის მქონე საგანი, მაგალითად პლასტიკური ბარათი.

იმ შემთხვევაში, თუ ჰაერის ბუშტები გამოჩნდება, ეცადეთ ამობურცული ბუშტები ზედაპირზე თითის ან მსგავსი საგნის გადასმით მიიყვანოთ კიდეებამდე და გააქროთ ისინი.



  • აზომვის შემდეგ განსაზღვრეთ თუ რამდენი შუშის ქილა გესაჭიროებათ კონკრეტული პროექტისთვის. სრული ეფექტისთვის სასურველია მინიმუმ 3 ქილის გამოყენება.


  • მოიმარჯვეთ ქილის თავსახურები


თავსახურის შიდა მხარეზე მარკერით მონიშნეთ ცენტრი.



  • ურღის საშუალებით გაბურღეთ ქილის თავსახურები.


  • გამოიყენეთ ლითონის გარე ხრახნიანი მილაკი, სადაც შემდეგში დენის სადენი გაივლის.


  • გამოიყენეთ ქანჩის დამჭერი, რათა მილაკს ორივე მხრიდან დაეჭიროს და საკმაოდ კარგი სიმყარეც შეინარჩუნოს.


  • შემდეგი ეტაპისთვის ნათურების ვაზნები (იგივე პატრონები) დაგჭირდებათ, მათი რაოდენობა დამოკიდებულია იმაზე, თუ რამდენ ქილას გამოიყენებთ პროექტისთვის.


  • მოათავსეთ ნათურის ვაზნა ქილის თავსახურში მსგავსი პრინციპით. პროცესი გაიმეორეთ დანარჩენ ქილებზეც.


  • მიიყვანეთ თითოეული ქილა აღნიშნულ ეტაპამდე.

ნათურების შერჩევისას ყურადღება მიაქციეთ მათი ენერგიის მოხმარების კოეფიციენტს. ვინაიდან მაღალ ვატიანი ნათურები დიდ სიმხურვალეს გამოსცემენ, რამაც შეიძლება ქილების გაცხელება და გატეხვა გამოიწვიოს.



  • კიდევ ერთხელ დაუბრუნდით ფიცარს და მარკერის მეშვეობით მონიშნეთ ადგილები, სადაც აპირებთ ხვრელების გაკეთებას.


  • დადგა გაბურღვის დროც. დარწმუნდით, რომ წერტილები თანაბრადაა დაშორებული ერთმანეთისგან და მხოლოდ ამის შემდეგ დაიწყეთ ფიცრის გახვრეტა.


  •  მოათავსეთ ქილის სადენები ხის ნახვრეტებში


  • ქილების სტატიკურობის შენარჩუნება დაფის მეორე მხრიდანაა შესაძლებელი. გააკეთეთ მარტივი კვანძი, რათა ქილები სივრცეში ერთ თანაბარ პოზიციაში შენარჩუნდნენ.


  • და ყველაზე მნიშვნელოვანი ეტაპიც მოახლოვდა - ელექტრო გაყვანილობა. ამ დავალების შესასრულებლად ზოგადი ცოდნაც კმარა, თუმცა თუ მაინც არ ხართ საკუთარ თავში დარწმუნებული, სასურველია დახმარება შედარებით მცოდნეს თხოვოთ.

დააკავშირეთ ყველა სადენი პარალელური შეერთების პრინციპით



  • მიამაგრეთ სადენის ბოლოები პარალელური შეერთების პრინციპით. ერთმანეთისგან გამოსაყოფად გამოიყენეთ საიზოლაციო ლენტი.


  • ფიცრის ოთხივე მხარეს გააკეთეთ მცირე ზომის ხვრელები, რათა გრძელი ბეტონის ხრახნის მეშვეობით მარტივად დაამონტაჟოთ იგი ჭერზე.


  • ესეც ასე, გილოცავთ. თქვენი სანათი მზადაა. ამ ეტაპზე მხოლოდ და მხოლოდ ახლობლებისა და მეგობრების შეფასებებია დარჩენილი.

 

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1552 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2086 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1433 წაკითხვა

ოთახის კრეატიული გაფორმება ღვინის ბოთლებისგან
2020-06-25
2407 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
604 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
350 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
490 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
883 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
325 წაკითხვა