ახასიათებს ქიმიკატების ყველაზე "რბილი" შემადგენლობა, მისაღები ფასები და ფერების დიდი არჩევანი. უმარტივესად იღებება, არ აქვს სუნი, მალე შრება და არ არის ტოქსიკური. მას უსვამენ როგორც კედლებზე, ასევე ჭერზე. ერთადერთი ზედაპირი, რომელზეც მას ვერ გამოიყენებთ არის მეტალი. უარყოფითი მხარეა  - ტენიანობისადმი არამდგრადობა, შესაბამისად არ არის რეკომენდირებული მისი ისეთ ტენიან ადგილებში გამოყენება, როგორებიცაა სამზარეულო და სააბაზანო.

ემულსიური საღებავები იყოფა: აკრილის, პოლივინილის (PVA), ლატექსის, სილიკონის საღებავებად.

აკრილის საღებავი

აკრილის საღებავები არ არის შესაფერისი ნესტიანი კედლების მქონე შენობებისთვის,მდგრადია ულტრაიისფერი სხვივებისადმი, სრულყოფილად ინარჩუნებს ფერს, არ არის ტოქსიკური. აკრილის საღებავი ზედაპირზე ქმნის დამცავ ფენას , რომელიც საშუალებას იძლევა მარტივად გაიწმინდოს ზედაპირი . ასეთი საღებავების მინუსი არის გაშრობისთვის საჭირო ხანგრძლივი პერიოდი.

პოლივინილის საღებავი (PVA)

პოლივინილის საღებავი ბიუჯეტური არჩევანია. ეკოლოგიურია. აქვს მაღალი გამძლეობა სინათლის მიმართ და რაც მთავარია იწმინდება მარტივად.

ლატექსის საღებავი

ლატექსის საღებავი არის ყველაზე ძვირადღირებული ემულსიური საღებავი. ის მზადდება ლატექსის დამატებით. არის ადვილად წმენდადი, თუმცა შედარებით ადვილად კარგავს ფერს მზის სხივების ზემოქმედებით. შრება სწრაფად.

სილიკონის საღებავი

ქმნის დამცავ ფენას, ადვილად იწმინდება , არის ძალიან გამძლე. შეგიძლიათ გამოიყენოთ ნებისმიერ ოთახში, სამზარეულოსა და აბაზანაშიც კი.