ფერების,ტექსტურისა და ფასების  მრავალფეროვანი არჩევანის გამო კედლის დეკორაციისთვის ყველაზე ხშირად შპალერი გამოიყენება.   

დღეისათვის მისი მრავალი სახეა წარმოდგენილი ბაზარზე: ქაღალდის, ვინილის, ფლიზელინის, ქსოვილოვანი, თხევადი, პრიალა და გლუვი, მთლიანად ერთი ფერის, სხვადასხვაგვარი ორნამენტებით გაწყობილი თუ მთლიანი ფოტო–რეპროდუქციით. 

მისაღებ ოთახში, საძინებელსა და საბავშვო ოთახში  შეგიძლიათ გამოიყენეთ ქაღალდის შპალერი-იაფია, ეკოლოგიური და სუნთქავს, ატარებს ჰაერს. უმჯობესია არ  იხმაროთ დეფექტებიან ზედაპირზე, ვინაიდან,  ვერ ფარავს კედლის ხარვეზებს

ვინილისა და ფლიზელინის შპალერი უფრო გამძლე და სქელია, შეუძლია კედლის ხარვეზების დამალვა,მაგრამ არ სუნთქავს, შესაბამისად უნდა მოერიდოთ საძინებელსა და საბავშვო ოთახში მის გამოყენებას. 

ქსოვილის შპალერი - სქელი და მძიმეა, შესაფერისია კაბინეტისთვის, ბიბლიოთეკისთვის ასევე, კლასიკური სტილის მისაღებისთვის. არასასურველია მისის გამოყენება საძნებელსა და საბავშვო ოთახში რადგან იკრავს მტვერს და შესაძლებელია გამოიწვიოს ალერგია.

თხევადი შპალერი –  დამზადებულია ბუნებრივი ნედლეულით, რაც ჯანმრთელობისთვის სრულიად უსაფრთხოა, არ იწვევს ალერგიას. არ იკრავს მტვერს და სუნს. არ საჭიროებს იდეალურად გასწორებულ კედლებს ,რამოდენიმე ფერის მასალის შერევით თქვენ თვითონ შეგიძლიათ შექმნათ კომპოზიცია კედელზე.რეკომენდირებულია საბავშვო ოთახში, აგრეთვე სამედიცინო დაწესებულებებში

შპალერის გამოყენებას აქვს როგორც დადებითი, ისე უაყოფითი მხარეები :

დადებითი მხარეები

• გაკვრამდე არ არის აუცილებელი კედლის განსაკუთრებული მომზადება. შპალერი  მალავს ბევრ ზედაპირულ ხარვეზს.

• გამძლეობა შპალერის ერთ-ერთი უპირატესობაა,საშუალოდ, შეიძლება გაძლოს 10-დან 15 წლამდე.
• კარგად შთანთქავს ხმაურს და მართალია მცირედით, მაგრამ, იჭერს და აკავებს სითბოს.
• შპალერს შეუძლია ოთახის ინტერიერს  დაამატოს სითბო, სიღრმე და სტილი.

უარყოფითი მხარეები :

• ვერ უძლებს ტენიანობას, ადვილად წმენდადი შპალერიც კი მაღალი ტენიანობის პირობებში სწრაფად კარგავს ვიზუალურ ეფექტს.
• რთულია მისი მოცილება კედლიდან, საჭიროებს დიდ დროს, აუცილებელ იარაღებს და ხშირ შემთხვევაში ქიმიკატების გამოყენებას, რაც შეიძლება მცირედით მაინც ტოქსიკური იყოს ადამიანისთვის და გარემოსთვის.