გათბობის ისეთ სისტემას, რომელშიც გათბობის სამი ძირითადი ელემენტი (თბური გენერატორი, თბოსადენები და სათბობი ხელსაწყო) გაერთიანებულია ერთ დანადგარში, ეწოდება გათბობის ადგილობრივი სისტემა. ასეთ სისტემებში სითბოს გამომუშავება, მისი ტრანსპორტირება და გადაცემა ხდება ერთსა და იმავე გასათბობ სათავსში. ადგილობრივი გათბობის სისტემებს მიეკუთვნება ბუნებრივ აირზე მომუშავე გამათბობელი.

გაზზე მომუშავე გამათბობელი ელექტრომოწყობილობებთან      შედარებით ეკონომიურია, მათი დამონტაჟება შესაძლებელია ბინაში, ოფისსა თუ სხვადასხვა დაწესებულებებში, კომპაქტური  დიზაინი ადვილად ერგება ნებისემიერ ინტერიერს. აღნიშნული ფაქტორები ხელმისაწვდომ ფასებთან ერთად განაპირობებს მის პოპულარობას. იმისათვის რომ სწორად შეარჩიოთ გამათბობელი, აუცილებელია გაითვალისწინოთ რამდენიმე დეტალი :

სიმძლარე

ყველაზე მნიშვნელოვანი გამათბობელის არჩევისას სიმძლავრეა. ითვლება რომ  სტანდარტულად 1KW ათბობს 10 კვ.მ-ს, მაგრამ სიმძლავრის სწორად შერჩევისთვის  გასათბობელ ფართთან ერთად უნდა გაითვალისწინოთ დამატებითი დანაკარგების  რამდენიმე ფაქტორიც, ესენია  :

• ჭერის სიმაღლე
• მზის მიდგომის კუთხე
• შემინვის ფართი (ფართობი)
• ოთახის ადგილმდებარეობა

გამათბობლის მასალა

გაზის კონვექტორები იწარმოება ფოლადის და თუჯის მასალის. თითოეულ სახეობას აქვს გარკვეული უპირატესობები და უარყოფითი მხარეები.

თუჯი ტრადიციული მასალაა გათბობის მოწყობილობების წარმოებისთვის,  თუჯისგან დამზადებულ გამათბობელი გამოირჩევა გამძლეობით, უზრუნველყოფს ერთგვაროვან გათბობას, თბება ნელა, თუმცა დიდ ხანს ინარჩუნებს სითბოს. მისი უარყოფითი მხარეა  წონა და შესაბამისად მონტაჟის სირთულე.

რაც შეეხება ფოლადის გამათბობელს, გამოირჩევა დაბალი წონით, შესაბამისად მარტივია მიწოდება და მონტაჟი, თბება  სწრაფად, თუმცა სწრაფადვე კარგავს სიმხურვალეს .

უსაფრთხოება

შერჩევისას აუცილებლად უნდა მიაქციოთ ყურადღება გათბობის მილებს.  არსებობს სტანდარტული ერთ მილიანი და კოაქსიალური - მილი მილში სისტემა.

პიველ შემთხვევაში გამათბობელი ჟანგბადს ოთახიდან იღებს. ასეთი გამათბობელის შერჩევისას მნიშვნელოვანია რომ მას კარგი სავენტილაციო სისტემა ჰქონდეს.

მეორე შემთხვევაში ნამწვი გარეთ გადის დაწვისთვის საჭირო ჟანგბადსაც გარედან იღებს. შესაბამისად ამ ტიპის გამათბობლები სრულიად უსაფრთხოა თქვენი ჯამრთელობისთვის.

ასევე აუცილებელია გამათბობელი აღჭურვილი იყოს :

თერმოსტატით - რომელიც ხელს შეუწყობს ტემპერატურის რეგულირებას და მნიშვნელოვნად დაზოგავს ენერგიას.

ალის  რეგულირების კონტროლის სისტემით - დამცავი მექანიზმი, რომელიც შექმნილია გაზის გაჟონვის თავიდან ასაცილებლად.

CO-ის კონტროლის სისტემით- თუ ოთახში CO გადააჭარბებს დადგენილ სტანდარტებს, გაზის გამათბობელი გამოირთვება.

უსაფრთხოების მიზნით აუცილებელია რომ გაზის მოწყობილობა დამონტაჟებიდან ორ მაქსიმუმ სამ წელში შემოწმდეს და გაიწმინდოს.