თუ ოთახისთვის დასადგამ და თან უსაფრთხო ელექტრო გამათბობელს ეძებთ, ინფრაწითელი გამათბობელი ერთ-ერთი საუკეთესო ალტერნატივაა!

ინფრაწითელი გამათბობლები გამოიყენება ყველა ტიპის ოთახის გასათბობად, თუმცა, აუცილებელია გაითვალისწინოთ რამდენ კვადრატულს უპირებთ გათბობას და ყურადღება მიაქციეთ გამათბობლის სიმძლავრეს.

არსებობს მოკლე/საშუალო  და გრძელტალღოვანი ინფრატალღოვანი გამათბობლები:

მოკლე და საშუალო სიგრძის ინფრატალღოვანი გამათბობლები

 შენობის ლოკალური და ღია სივრცის გათბობისთვისაა განკუთვნილი. გამათბობელი მაღალი ინტენსივობის სითბოს ნაკადს გამოყოფს და სივრცეს სწრაფად ათბობს. ამასთანავე, ადამიანებისთვის გამათბობელთან ხანგრძლივი დროით ახლოს ყოფნა სასურველი არ არის. ინტენსიური სითბოს ნაკადი კაპილარების გაფართოებას იწვევს, რასაც შედეგად კანის გაწითლება ან მის დაწვა მოყვება.

გრძელტალღოვანი გამათბობელი

ამ ტიპის გამათბობელი უფრო ნაკლები ინტენსივობის ნაკადს წარმოქმნის და სითბოსაც თანაბრად ანაწილებს. აღსანიშნავია, რომ გრძელტალღოვანი გამოსხივება ჯანმრთველობისთვის მავნე არ არის და ბოლო პერიოდში სამედიცინო დანიშნულებითაც იყენებენ. გრძლელი ტალღა ორგანიზმში ღრმად აღწევს და მას მთლიანად ათბობს. სწორედ ამ ტექნოლოგიას იყენებენ სამედიცინო ცენტრებში.

 არსებობს ფუნქციები და მახასიათებლები, რომლებიც შესაძლოა ჰქონდეს ინფრაწითელ გამათბობელს. ზოგიერთი მათგანი მეტად მნიშვნელოვანია, თუნდაც უსაფრთხოებისთვის. მაგალითად, ავტომატური გათიშვა წაქცევისას. მისი საშუალებით, თქვენ დაცული იქნებით ყოველგვარი გაუთვალისწინებელი შემთხვევებისგან. ბავშვიც კი შეგიძლიათ დატოვოთ მის შორიახლოს სათამაშოდ, თქვენ კი საოჯახო საქმეებით დაკავდეთ. ამის გარდა, შესაძლოა ჰქონდეს სხვა, ასევე მნიშვნელოვანი, საჭირო და უსაფრთხოების უზრუნველსაყოფი შესაძლებლობები. მათ შორის არიან გადახურებისგან დაცვის ფუნქცია, კონვექცია, თერმოსტატი, დამოუკიდებელი ორთქლის გენერატორი, წყლის დონის შუქიოდური ინდიკატორი, ფართის სამგანზომილებიანი გათბობის ტექნოლოგია. ინფრაწითელი გამათბობელი წყლის რეზერვუარის საშუალებით ატენიანებს ჰაერს. ტაიმერის საშუალებით, თქვენ შესაძლებლობა გეძლევათ, მშვიდად დაიძინოთ სითბოში და ზუსტად იცოდეთ, რომ წინასწარ განსაზღვრულ დროს ის თავისით გაითიშება. ზოგ მათგანს ასევე აქვს დისპლეი და დისტანციური მართვის ფუნქცია

თითოეული ტიპის მახასიათებელების გათვალისწინების შედეგად სწორად შერჩეული გამათბობელი დაგეხმარებათ სახლში შეინარჩუნოთ კომფორტული პირობები წელიწადის ცივ პერიოდში და იგრძნოთ თავი უსაფრთხოდ.