ყველაზე მყარად ითვლება სახლი, რომელიც აგურისგან ნაშენები კედლებით.

აგური - საშენი ცალობითი მასალა, გამოყენებული ნედლეულისა და დამზადების ხერხის მიხედვით აგური არის ორი სახის: კერამიკული (თიხის) და სილიკატური (კვარცის ქვიშა და საჰაერო კირი)

ჩვეულებრივი თიხის აგური მიიღება სათანადოდ შემზადებული თიხის დაყალიბებით და გამოწვით. მას აქვს მართკუთხა პარალელეპიპედის ფორმა, ზომები 250´120´65 მმ,  ასევე არსებობს შესქელებული აგური 250´120´88 მმ და მოდულური აგური - 288´138´63 მმ. შესქელებული და მოდულური აგური კეთდება აუცილებლად მრგვალი ან მართკუთხა სიცარიელეებით ისე, რომ ერთი ცალის მასა 4 კგ-ს არ უნდა აღემატებოდეს.

აგურის გამოწვას აწარმოებენ უწყვეტი მოქმედების წრიულ ან გვირაბისებრ ღუმელში. გამოწვის ხანგრძლივობა 18-36 სთ, ტემპერატურა 900-1100°C

აგურის თვისებები. აგურის ხარისხი უნდა აკმაყოფილებდეს სტანდარტის მოთხოვნებს. ჩვეულებრივი თიხის აგური რვა მარკის მზადდება: 75, 100, 125, 150, 175, 200, 250, 200. მარკა დგინდება ღუნვასა და კუმშვაზე გამოცდის შედეგად.

აგურის ზოგადი სიმკვრივე (მოცულობითი მასა) იცვლება 1700-1900 კგ/მ3 ფარგლებში. თბოგამტარობის კოეფიციენტი 0.5-0.75 ვტ/მ°ჩ,

ყინვამედეგობის მიხედვით აგური იყოფა ოთხ მარკად: 15, 25, 35, 50.

ჩვეულებრივი თიხის აგური გამოიყენება ნაგებობების შიგა და გარე კედლების წყობისათვის, თაღების, შიდა ბოძებისა და სხვა მზიდი კონსტრუქციებისათვის.

არსებობს მოსაპირკეთებელი აგური, რომელსაც აქვს სრულიად სწორი ზედაპირი და ერთიანი ფერი, გამოიყენება შიდა და გარე კედლების მოპირკეთებისთვის. თანამედროვე მშენებლობაში ასევე ფართოდ გამოიყენება თიხის ღრუტანიანი აგური და ცეცხლგამძლე აგური.

რაც შეეხება სილიკატურ აგურს, იგი  მიიღება სუფთა კვარცის ქვიშის (92 _ 95%) და 6-8% ჰაერკირის ნარევის 8%-მდე დატენიანებით, დაწნეხით და ავტოკლავში გამაგრებით. სილიკატური აგურის დამზადების მთელი ციკლი 14-16 საათია, თიხის აგურის - 2-4 დღე-ღამე, შესაბამისად, ღირებულებაც 25-35%-ით ნაკლებია, ვიდრე თიხის აგურის. წნევა ავტოკლავში უნდა იყოს 0.8-1.2 მპა. სიმტკიცე იგივე აქვს, რაც ჩვეულებრივ თიხის აგურს, ცოტათი მძიმეა მასზე (ზოგადი სიმკვრივე 1800-2000 კგ/მ3), წყალშთანთქმა _ 8-16%, ყინვამედეგობა _ 15 ციკლი. სილიკატური აგური არ გამოიყენება ღუმელში, კვამლსადენ მილებსა და ტენიან ადგილებში, რადგან წყლისაგან იშლება.

რჩევა : შეგიძლიათ გაითვალისწინოთ რომ 1 მ3 კედლის ასაშენებლად საჭიროა 380 _ 420 ცალი აგური, საშუალოდ 400 ცალი იანგარიშება.