სისტემის გამართულად მუშაობისთვის მთავარ კომპონენტებთან ერთად  აუცილებელია ისეთი დამატებითი, შემავალი ნაწილების გათვალისწინება, როგორიცაა სარქველები.

სარქველები არსებობს განსხვავებული ტიპის, გთავაზობთ  მათ განხილვას :

ბალანსირებადი სარქველი                          

ცენტრალური გათბობის სისტემის ბოლო კვანძია რადიატორი. მისი დანიშნულებაა ცხელი წყლის საშუალებით მოტანილი თბური ენერგიის ოთახისათვის გადაცემაა.       მნიშვნელოვანია რომ თბური ნაკადები სათანადოდ, თანაბრად  განაწილდეს კონტურებში სტაბილური წნევისა და ტემპერატურის პირობებში. სწორედ ამისთვის გამოიყენება რადიატორის   ბალანსირებადი სარქველი.

ბალანსირებადი სარქველი  მილის ფიტინგების ტიპი და გათბობის სისტემის მნიშვნელოვანი დამხმარე ელემენტია. მისი მთავარი ფუნქციაა სითბოს გადაცემის ეფექტური განაწილება.

სარქველი აღჭურვილია ორი ფიტინგით :

პირველით იზომება თბური ნაკადის  წნევა სარქველში შესვლამდე და სარქველიდან გასვლის შემდეგ, ხოლო

მერეთი დაკავშირებულია კაპილარული მილი, რითაც ხდება რეგულირება.

ბალანსირებადი სარქველი არსებობს ორი ტიპის : მექანიკური და ავტომატური.

მექანიკური სარქველის მეშვეობით შესაძლებელია არა მხოლოდ თბური ნაკადების რეგულირება, არამედ სასურველი კონტურის (რადიატორის) ცენტრალური ქსელიდან გათიშვაც. მექანიკურ სარქველს აქვს შედარებით დაბალი ფასი.

ავტომატური ბალანსირებადი სარქველი - საშუალებას გაძლევთ სწრაფად შეცვალოთ ავტონომიური გათბობის ქსელის ოპერაციული პარამეტრი წნევის ვარდნის და თბური ნაკადების საჭიროების შესაბამისად.

ავტომატური ბალანსირებადი სარქველები გამოიყენება გათბობისა და გაგრილების სისტემების ავტომატური ჰიდრავლიკური დაბალანსების უზრუნველსაყოფად. სისტემის ავტომატური დაბალანსება არის მუდმივი წნევის შენარჩუნება, როდესაც დატვირთვა (და შესაბამისად დინება) იცვლება 0-დან 100% -მდე. უზრუნველყოფს ენერგიის მნიშვნელოვან დაზოგვას.

ბურთულიანი სარქველი                             

მილსადენის მაკომლექტებელი დეტალი

• გამოიყენება წყლის ნაკადის  გახსნისთვის ან შეწყვეტისთვის, ასევე დინების დასარეგულირებლად.
• იყენებს დიდ ბერკეტს ბურთის ჩართვისთვის, რომელიც კეტავს ან ხსნის სარქველს სწრაფი 90 °-იანი შემობრუნებით.
• ჩაანაცვლა ტრადიციული გაზის სარქველიც
• არსებობს მეტალის, პლასტმასის, ხრახნიანი ან უხრახნო ტიპები.
• არის ძალიან გამძლე

ბურთულიანი სარქველი push

• ბურთულიანი სარქველის ნაირსახეობა
• მარტივია ინსტალაცია
• თავსებადია PEX, სპილენძის, CPVC, PE-RT და HDPE მილებთან

ჰაერგამშვები სარქველი                       

გათბობის სისტემის ნორმალური ფუნქციონირებისათვის აუცილებელია სათანადო ადგილას დამონტაჟდეს ავტომატური ჰაერგამშვები, რადგან მილგაყვანილობაში, ან სისტემის ცალკეულ ელემენტებში ჰაერის დაგროვებამ შეიძლება გაართულოს, ან მთლიანად გადაკეტოს წყლის მოძრაობა.

• არის დამცავი ჰიდრომექანიკური მოწყობილობა, რომელიც ხელს უშლის ჰაერის მილსადენში დაგროვებას.
• არეგულირებს წნევას რეზერვუარში და იცავს წყლის მილებს გაჟონვისგან.
• არსებობს ორი სახის : ავტომატური და ხელის
• ძირითადად გვხდება სპილენძის ან ფოლადის

დამცავი სარქველი                                  

გათბობის სისტემა აღჭურვილი უნდა იყოს  დამცავი სარქველით.  დამცავი სარქველი იცავს სისტემას მაღალი წნევისაგან (მაგალითად, საფართოებელი ავზის მწყობრიდან გამოსვლის ან თერმორეგულაციის დარღვევის შემთხვევაში თუ მოხდება ტემპერატურის მკვეთრი მომატება და ა. შ.).

• აღნიშნული პროდუქტი ფართოდ გამოიყენება მილსადენების სისტემებში, სატუმბ სადგურებში, მრეწველობაში და სხვა წყლის სისტემებში წნევის საშიში დონისგან დასაცავად
•  ავტომატურად ათავისუფლებს სისტემას მაშინ, როდესაც წნევა ან ტემპერატურა აღემატება წინასწარ განსაზღვრულ ლიმიტს.
• არსებობს ორი ტიპის: გაზის და სითხის.
• მოქმედების პრინციპის მიხედვით, განასხვავებენ ორ სახეს:

            პირდაპირი მოქმედი სარქველები და უკუსარქველები , რომლებიც რეაგირებენ გარე წნევის წყაროს ან ელექტროენერგიის  ზემოქმედების შედეგად.

• დატვირთვის მეთოდის მიხედვით განასხვავებენ : ზამბარიანი წნევის უსაფრთოების სარქველი, ოპერაციული წნევის უსაფრთხოების სარქველი, წნევის უსაფრთხოების სარქველი და წნევის შემსუბუქებული სარქველი.

რადიატორის სარქველები        

 რადიატორის სარქველები არის პატარა მოწყობილობები, ონკანის მსგავსი, რომელიც მონტაჟდება რადიატორზე, აკონტროლებს შემსვლელ და გამომსვლელ სითბურ ნაკადს და წარმოადგენს მნიშვნელოვან დეტალს.

• არსებობს ხელის და თერმოსტატული რადიატორის სარქველები.
• ხელის სარქველი - კუთხის ონკანია,რომელიც დამონტაჟებულია რადიატორზე და რადიატორის ჩართვა-გამორთვისთვის გამოიყენება. თქვენ შეგიძლიათ აკონტროლოთ ტემპერატურა ოთახში და სასურველ ნიშნულამდე მიღწევის შემთხევავში გათიშოთ რადიატორი. საუკეთესო ვარიანტია იმ შემთხვევაში, თუ სხვადასხვა ოთახში განსხვავებული ტემპერატურა გსურთ.
• თერმოსტატული რადიატორის სარქველები- ტემპერატურა რეგულირდება თერმოსტატის მეშვეობით, წინასწარ განსაზღვრულ ნიშნულამდე მიღწევის შემდეგ კი, ავტომატურად ითიშება. მარტივია ინსტალაცია. არის უფო ეკოლოგიური და ზოგავს გათბობის ქვაბის ენერგიას.
• მაღალ ტემპერატურაში მუშაობის გამო, სარქველები ძირითადად დამზადებულია სპილენძის, უჟანგავი ფოლადის და ასევე პოლიპროპილენისაგან.

უკუსარქველი                                                

• გამოიყენება მილსადენის სისტემის სტაბილური ფუნქციონირების უზრუნველსაყოფად.

• ხელს უშლის მილსადენში ნაკადის გადაადგილებას საპირისპირო მიმართულებით და ინარჩუნებს საჭირო წნევას სისტემაში.

მუშაობს ავტომატურად, უშვებს ნაკადს მხოლოდ ერთი მიმართულებით.

• გამოიყენება ტუმბოს გაჩერების შემთხვევაში,ავზიდან წყლის უკან დაბრუნების თავიდან ასაცილებლად.
• ბოილერის სისტემის მოქმედებისას ზოგავს ელექტროენერგიას, მოწყობილობის ავარიულად გამორთვის შემთხვევაში დაიცავს ცხელი წყლის გაჟონვისა და წნევის მომატებისაგან.
• არსებობს ბურთულიანი, დისკიანი და ორმხრივი უკუსარქველები.
• ხანდახან გამოიყენება ჩამკეტ სარქველთან ერთად.
• ზოგჯერ გამოიყენება ცივი წყლის ხაზებში წყლის გამაცხელებელსა და მრიცხველს შორის.
• ზოგიერთი უკუსარქველი გამოიყენება მხოლოდ ვერტიკალურ მილებთან.

წყლის წნევის რედუქტორი                      

წყალმომარაგების სისტემა მოიცავს არა მხოლოდ მილებს, რომლებიც წყალს წერტილებს გადასცემენ, არამედ მასში შედის მოწყობილობები და მექანიზმები, რომლებიც ხელს უწყობენ მილსადენის მუშაობის სტაბილიზაციას. ერთ-ერთი ასეთი ელემენტია წყლის წნევის რეგულატორი. მოწყობილობა გამოიყენება სითხის წნევის ცვლილებებთან დაკავშირებულ პრობლემების გადასაჭრელად. აუცილებელია ყველგან, სადაც წყალმომარაგების სისტემაა,  ბინებში, სამრეწველო საწარმოებში, ფერმებში, საჯარო დაწესებულებებში. რედუქტორის მთავარი ფუნქცია მილსადენში წყლის წნევის რეგულირებაა. წყლის წნევის გაზრდის შემთხვევაში ავტომატურად იწყებს მოქმედებას, არ საჭიროებს დამატებით ჩართულობასა და რესურსს.

რედუქტორი ძირითადად მზადდება სპილენძსა და სპილენძის შენადნობებისგან. განასხვავებენ დგუშისებრ და მემბრანისებრ რედუქტორებს.

ხშირად დასმული კითხვები :

რომელი სარქველი არ იჟანგება?

გამოიყენეთ ACETAL სარქველი. რომელიც წინააღმდეგობას უწევს მინერალების შექმნას.

შესაძლებელია თუ არა სარქველი დავუმაგროთ განსხვავებული მასალის მილს?

დიახ, შესაძლებელია, ამისათვის გამოიყენეთ გარდამავალი კონექტორი, რათა თავიდან აიცილოთ განსხვავებული შეკუმშვა / გაფართოების მქონე მასალებისგან გამოწვეული გაჟონვა.

რა ტიპის სარქველია აუცილებელი სარეცხი მანქანის მონტაჟისას?

შეგიძლიათ გამოიყენოთ ბოილერის სარქველი, გირჩევთ გამოიყენოთ ყუთი, რომელიც სპეციალურად დამზადებულია სარეცხი მანქანის მონტაჟისთვის,აქვს ორი სარქველი, ერთი - ცხელი და ცივი წყლისთვის, მეორე სადრენაჟე მილის.

დამატებითი წვრილმანები

• თუ  გადაწყვიტეთ ჩამკეტი სარქველის ყიდვა აბაზანისთვის, შესყიდვამდე  დარწმუნდით, რომ  სახლში გაქვთ გამართული წყალმომარაგების ხაზი.
• თუ  ახალი ონკანის დაყენებამდე ახდენთ ძველი ონკანის დემონტაჟს, გაითვალისწინეთ, რომ დაგჭირდებათ მილის საჭრელები.
• სარქველის მონტაჟისთვის აუცილებლად დაგჭირდებათ სახრახნისი და რეგულირებადი ქანჩი.