დროისა და მასშტაბის განსაზღვრა

რემონტის ბიუჯეტირება ყველაზე რთულია მაშინ, როდესაც არ გვაქვს განსაზღვრული რემონტის მასშტაბი. იქნება ეს კაპიტალური, დროებითი თუ ლოკალური. არ არის აუცილებელი მთლიანი სახლის რემონტი, გამოყავით აუცილებლად სარემონტო ადგილები სახლში, ამას უდიდესი მნიშვნელობა აქვს რემონტისთვის გამოყოფილ დროსა და ბიუჯეტზე.

პრიორიტეტულად გადაალაგეთ საჭიროებები.

რემონტის დროს, იმისთვის რომ ბიუჯეტი საკმარისი აღმოჩნდეს, საუკეთესო გზაა იცოდეთ რა გსურთ. შექმენით სია სადაც იქნება ჩამოწერილი ყველაფერი, რასაც ფიქრობთ რომ უნდა გაკეთდეს ან შეიცვალოს თქვენს სახლში. ამის შემდეგ გამოყავით - რა აუცილებლად გჭირდებათ და რა არის უბრალოდ სასურველი. სურვილებისა და საჭიროებების გამოყოფა საკმაოდ დაგეხმარებათ ბიუჯეტირების დროს. ასევე, შესაძლოა დაგაინტერესოთ ჩვენი ბლოგი თემაზე, თუ როგორ დათვალოთ რემონტის ხარჯი

შეადგინეთ რემონტის ხარჯთაღრიცხვის დეტალური გეგმა.

შექმენით ცხრილი, რომელიც მოიცავს რემონტის თითოეულ ეტაპს. ასევე შრომისა და სამუშაო მასალების სავარაუდო ღირებულებას. ამისთვის:

• ---

  გამოიყენეთ ინტერნეტი და ახლობლები, რათა დაადგინოთ სავარაუდო თანხა სხვადასხვა მასალაზე თუ მომსახურებაზე.

• ---

  შეიყვანეთ საბოლოო მოპირკეთების ხარჯებიც, საღებავი, ჩამრთველები, ონკანი და ა.შ. ნუ დაგავიწყდებათ გადასახადებისა და გადაზიდვის ხარჯები.

• ---

  გაითვალისწინეთ ისეთი ხარჯებიც, როგორებიცაა: მოტანისა და ინსტალაციის საფასური, ვინაიდან რემონტის დროს ასეთი ხარჯების არსებობა ბუნებრივია და აუცილებლად უნდა გქონდეთ მხედველობაში.

ხელოსნების შერჩევა

თუ უკვე გადაწყვიტეთ და ჩამოყალიბდით იმაზე, თუ რა გსურთ და რისი გადახდა შეგიძლიათ, დროა იპოვოთ ადამიანი ან ადამიანების ჯგუფი, რომლებიც რემონტის შესრულებაში დაგეხმარებიან. ხელოსნის შერჩევა ერთ-ერთი უმნიშვნელოვანესი საკითხია. ხელოსნის შერჩევისას სასურველია გაითვალისწინოთ:

• ყურადღება მიაქციეთ რეკომენდაციებს, თუ თქვენი ახლობლის რჩევას ან რეკომენდაციას მოისმენთ, სასურველია საკუთარი თვალით ნახოთ კონტრაქტორის მიერ დასრულებული პროექტები, რეკომენდაციის მიუხედავად ხელოსნის მიერ შესრულებული ბოლო პროექტის დათვალიერება თქვენთვის უმჯობესი იქნება. არსებობს მოსაზრება, რომ ახლობელი ხელოსნის დაქირავება არც თუ ისე სწორი არჩევანია, თუ რატომ ამის შესახემ ჩვენს ბლოგში გაიგებთ.

• ---

  მოითხოვეთ საფასურის ოდენობა თქვენს პროექტზე სხვადასხვა ხელოსნისგან თუ კომპანიისგან, ამით კარგად განსაზღვრავთ საორიენტაციო თანხას. ასევე სასურველია გახსოვდეთ, რომ დაბალი ფასი ხშირად მიმზიდველად ჟღერს, თუმცა შეცდომების დაშვების დიდი რისკი არსებობს და მის გამოსასწორებლად შესაძლოა გაცილებით მეტი თანხის გადახდა მოგიწიოთ.

• ---

  დარწმუნდით, რომ კონტრაქტორმა ნათლად იცის თქვენი სარემონტო პროექტის შესახებ. აქვს მკაფიო წარმოდგენა იმაზე, თუ რა არის თქვენთვის პრიორიტეტული რემონტის დროს.

აკეთე შენით!

რემონტი უამრავ დეტალს მოიცავს, პროექტის მსვლელობისას ვხვდებით ისეთ სამუშაოებს, სადაც პროფესიონალის ჩარევა აუცილებელია, მაგრამ არსებობს საქმეებიც, რომელსაც თავს არაპროფესიონალიც გაართმევს, მაგალითად: მცირე სამღებრო სამუშაოები, დასუფთავება, ინტერიერის მოწყობა და იატაკის საფარის მონტაჟიც კი. ეს კონკრეტული მოგცემთ საშუალებას ჩაერთოთ სამუშაო პროცესში და მაქსიმალურად შეამციროთ სარემონტო ხარჯები.

იმ შემთხვევაში, თუ საკუთარი ძალებით გადაწყვეტთ რაიმეს გაკეთებას, ვფიქრობთ ჩვენი - "აკეთე შენით" კატეგორიის ბლოგები საკმაოდ დაგეხმარებათ.