ოთახის დეკორაცია ინტერიერს უდიდეს მნიშვნელობას ანიჭებს, ბევრ ადამიანს აწუხებს ცარიელი კედლის ყურება და იწყებს ფიქრს თუ როგორ შეცვალოს ის, სწორედ ამიტომ, გთავაზობთ 10 იდეას, ოთახის კედლის დეკორაციის შესაქმნელად.

შექმენით ფოტოების გალერეა კედელზე

ფოტოგალერიის კედელზე გადატანა საუცხოო ეფექტს მოახდენს ნებისმიერ ოთახში, შეარჩიეთ თქვენთვის სასურველი ფოტოები და გამოაცოცხლეთ კედელი.

სარკე, როგორ დეკორი

გარდა სარკის ფუნქციური დანიშნულებისა, დეკორაციაშიც საკმაოდ მოწინავე პოზიცია უკავია. დაამატეთ სარკე კედელზე, სასიამოვნო დეკორაციასთან ერთად, მისი დახმარებით ოთახის ვიზუალური აღქმაც საგრძნობლად გაიზრდება.

მთლიანი კედლის ფოტოდეკორი

კედლის მოწყობის ერთ-ერთი პოპულარული მეთოდი ფოტოდეკორია, შეარჩიეთ თქვენი გემოვნების მიხედვით სასურველი, კრეატიული, სახალისო ან ოთახის თემატიკის მატარებელი ფოტო და განათავსეთ ის მთლიან კედელზე.

ყვავილები კედელზე

არ არის აუცილებელი ქოთნის ყვავილი ფანჯრის რაფაზე ან იატაკზე იდოს. მისი განთავსება კედელზეცაა შესაძლებელი. შეგიძლიათ, როგორც ხელოვნურის, ისე პატარა ზომის ქოთნის ყვავილის კედელზე ჩამოკიდება.

წიგნების თარო

წიგნების თარო ინტერიერს მეტ მყუდროებას შემატებს და ამასთან ერთად ფუნქციური დატვირთვაც მიენიჭება. შეძენასთან ერთად შეგიძლიათ თქვენივე ხელებით ააწყოთ ოთახში შემავალი, თქვენთვის სასურველი დიზაინის თარო.

ნეონური განათება

ნეონური განათება ოთახს მეტ მყუდროებასაც შესძენს და ამასთანავე თქვენი პიროვნების ზუსტი გამომხატველი შესაძლოა აღმოჩნდეს. ნეონური განათება გაძლევთ შესაძლებლობას, თქვენი სურვილის მიხედვით აირჩიოთ ფორმა, ფერი, ტექსტი და დიზაინი.

კედელი, როგორც დაფა

კედლის დაფად ქცევა ბოლო პერიოდში უფრო და უფრო პოპულარული ხდება. თანამედროვე ოთახის ინტიერიერში ხშირად შეხვდებით მსგავსი ტიპის დეკორაციას, მასზე დატანილი წარწერის ან ნახატის შეცვლა ნებისმიერ დროსაა შესაძლებელი. ის შეიძლება თქვენი ემოციების ან კონკრეტული მოგონებების დღიურადაც კი აქციოთ.

დეკორაციული კიბე

დღესდღეობით ადამიანები ცდილობენ თავიანთი სახლები მინიმალისტურად მოაწყონ. სურთ სივრცის მინიმალური გამოყენებით ოთახი მაქსიმალურად ფუნქციური გახადონ. ამის მისაღწევად, ერთ-ერთი ხერხი დეკორაციული კიბის გამოყენებაა. მასზე შეგიძლიათ როგორც ნივთების, ასევე ტანსაცმლის განთავსებაც.

სახატავი კედელი

ცარიელი კედელი ძალიან გავს სახატავ ფურცელს. ფიქრობთ, რომ შეგიძლიათ ხატვა? მაშინ ეს გამოწვევა თქვენთვისაა, სხვა შემთხვევაში, ნახატის დასატანად პროფესიონალის დაქირავებაც შესაძლებელია. კედლის მოსახატად შეგიძლიათ გამოიყენოთ თეთრი ფერის შპალერი.

ხის საჭრელი დაფა

სამზარეულო ოთახის კედელზე შეგიძლიათ საკმაოდ ორიგინალური და კრეატიული დეკორაციის შექმნა. ხის დაფები, ერთი შეხედვით ის საკმაოდ ლამაზია, მეორეს მხრივ კი - კარგად შეესაბამება ოთახის თემატიკას და ფუნქციას.