კომპანიის დასახელება: შპს ჰუალინგი-სამშენებლო მასალების ჰიპერმარკეტი

საიდენტიფიკაციო კოდი: 406263378

იურიდიული მისამართი: საქართველო, ქ. თბილისი, ჯ. ლეჟავას N22

ელ-ფოსტა: info@mihouse.ge

ტელეფონი: 0322 000 800

1. ზოგადი დებულებები

1. ნებისმიერ პროდუქტს, რომელიც განთავსებულია სარეალიზაციო სივრცეში, ადევს სარეალიზაციო ფასი.

2. პროდუქტებთან და მის მახასიათებლებთან დაკავშირებით ინფორმაციას მომხმარებელი იღებს როგორც გაყიდვების წარმომადგენლისგან, ასევე პროდუქტზე დატანილი საფასარების მეშვეობით. მომხმარებელი ასევე უფლებამოსილია, გაეცნოს პროდუქციის მახასიათებლებს კომპანიის ოფიციალურ ვებ-გვერდზე www.mihouse.ge   

3. პროდუქციის ან კონკრეტული სერვისის შეძენისას ანგარიშსწორება შესაძლებელია საბანკო ბარათის მეშვეობით და ასევე ნაღდი ანგარიშსწორებით. კომპანიაში  მოქმედებს საქართველოს ბანკის, თიბისი ბანკის, ლიბერთი ბანკის, ბაზის ბანკის, კრედოსა და კრისტალის განვადების სერვისი. 

4. პროდუქციის გატანისას, მომხმარებელი კომპანიის წარმომადგენელთან ერთად ახდენს მის ვიზუალურ დათვალიერებას და ხელმოწერით ადასტურებს, რომ პროდუქციას არ გააჩნია ვიზუალური წუნი/დეფექტი.

5. შეძენილი პროდუქტის კომპანიის სერვისით მიწოდების უზრუნველყოფა ხდება მომხმარებლის მიერ მიწოდებულ მისამართზე და არ მოიცავს ჩამოტვირთის, გადატვირთვის ან სართულზე ატანის ვალდებულებას. 

6. კომპანიის ოფიციალურ ვებ-გვერდზე www.mihouse.ge  განთავსებული პროდუქციის რეალიზაცია ხდება დისტანციური ხელშეკრულების საფუძველზე, რაც გულისხმობს შემდეგს: მომხმარებელმა გაიარა რეგისტრაცია და განათავსა შეკვეთა კომპანიის ოფიციალურ სავაჭრო პლატფორმაზე, რის შემდეგადაც მას წარმოეშობა გადახდის ვალდებულება. მომხმარებლის მიერ პროდუქტის შეძენისას იგი ადასტურებს იმ წესების და პირობების გაცნობას, რაც უკავშირდება პროდუქტის შეძენას, საგარანტიო პირობებს, გადაცვლა-დაბრუნების წესს, ხელშეკრულებაზე უარის თქმის პირობებს და ა.შ.

7. მომხმარებლის მიერ შეკვეთის ელექტრონული ფორმით განთავსებისას, მოვაჭრე შეკვეთის მიღებას დაუყოვნებლივ დაადასტურებს ასევე ელექტრონული საშუალებით, კერძოდ, პლატფორმის საშუალებით ხორციელდება მომხმარებლის ინფორმირება, რომ შეკვეთა განთავსებულია. შეკვეთის მიღების შემდეგ კომპანია ახორციელებს მის დამუშავებას. იმ შემთხვევაში თუკი საქონელი მარაგში არ აღმოჩნდება, მოვაჭრე შეკვეთის განთავსებიდან ორი დღის განმავლობაში ატყობინებს მომხმარებელს აღნიშნულის თაობაზე. 

8. საქონლის მარაგის შესახებ ინფორმაცია მოცემულია ვებ-გვერდზე www.mihouse.ge საქონლის შესაბამის აღწერილობაში. იმის გათვალისწინებით, რომ პლატფორმაზე განთავსებული საქონელი იშვიათ შემთხვევებში შესაძლოა მოვაჭრეს არ ჰქონდეს მარაგში, მოვაჭრე უფლებას იტოვებს გააუქმოს მომხმარებლის შეკვეთა მისი განთავსებიდან 2 დღის განმავლობაში და დაუბრუნოს მომხმარებელს გადახდილი თანხა სრულად, ან შესთავაზოს სხვა ალტერნატივა.

9. გარდა საბანკო ბარათებისა, ვებ-გვერდზე შესაძლებელია ნივთის განვადებით შეძენა. ვებ-გვერდიდან ნივთის განვადებით შეძენის შემთხვევაში მოქმედებს მხოლოდ საქართველოს ბანკისა და თი ბი სი ბანკის განვადების სერვისი.

2. კომპანიის ვალდებულებები

1. კომპანია ვალდებულია, მომხმარებელს გადასცეს ხელშეკრულებით გათვალისწინებული პირობების შესაბამისი საქონელი.

2. საქონელი    ხელშეკრულებით    გათვალისწინებული    პირობების    შესაბამის საქონლად მიიჩნევა, თუ იგი შეესაბამება კომპანიის მიერ მომხმარებლისთვის მიწოდებულ აღწერას და მას აქვს იგივე თვისებები, რომლებიც კომპანიის მიერ მომხმარებლისთვის  წარდგენილ საქონლის ნიმუშის ჰქონდა.

3. კომპანიის  მიერ   მომხმარებლისთვის   მიწოდებული   აღწერის   არარსებობის შემთხვევაში, საქონელი ხელშეკრულებით   გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა კომპანიას ხელშეკრულების დადების დროს აცნობა და რომელსაც კომპანია დაეთანხმა.

4. თუ მომხმარებელი კომპანიას არ აცნობებს იმ მიზნის თაობაზე, რომლისთვისაც მას სურს საქონლის გამოყენება, საქონელი ხელშეკრულებით გათვალისწინებული პირობების შესაბამის საქონელად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა კომპანიას ხელშეკრულების დადების დროს აცნობა და რომელსაც კომპანია დაეთანხმა.

3. კანონისმიერი გარანტია

1. თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

4. საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) საქონლის შეკეთება ან შეცვლა შეუძლებელია;

ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

6. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

7. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

8. მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.

9. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

4. კომერციული გარანტია

1. ფიზიკური პირის მიერ შეძენილ საქონელზე ვრცელდება 2 წლიანი კანონისმიერი გარანტია, ამასთან გარკვეული სახის პროდუქციაზე კანონისმიერ გარანტიასთან ერთად დამატებით შესაძლოა გავრცელდეს კომერიული გარანტია. გარანტიის მოქმედების ვადა იწყება მომხმარებლის მიერ ნივთის შეძენის თარიღიდან და მოქმედებს კანონისმიერი და კომერციული გარანტიით დადგენილი პერიოდის მანძილზე. 

2. კომერციული გარანტია არ ზღუდავს კანონისმიერი გარანტიის პირობებს. კომერციული გარანტიის პირობები თითოეულ საქონელზე არის ინდივიდუალური და მომხმარებელს ინფორმაცია მიეწოდება ინდივიდუალურად, შეძენილ საქონელთან ერთად (ასეთის არსებობის შემთხვევაში).

5. საგარანტიო (კანონისმიერი, კომერციული)  მომსახურება არ ხორციელდება:

1. ამოიწურა ტექნიკის კანონისმიერი და კომერციული  საგარანტიო ვადა.

2. მომხმარებელი ვერ წარმოადგენს საგარანტიო საბუთს და სხვაგვარად შეუძლებელია ნივთის იდენტიფიცირება.

3. გაყიდულ ნივთზე მონაცემები წაშლილი, შეცვლილი, გადაკეთებულია, ნივთზე არ იკითხება/ამძვრალია სერიული ნომერი და სხვაგვარად შეუძლებელია ნივთის იდენტიფიცირება.

4. დაზიანება გამოწვეულია პლომბის ან ლუქის მოცილებით.

5. დაზიანება გამოწვეულია ფიზიკური ზემოქმედებით და არასათანადო ექსპლუატაციით.

6. დაზიანება გამოწვეულია ჭექა-ქუხილით, უცხო სხეულების და სითხეების შეღწევით, ექსპლუატაციისა და შენახვის წესების პირობების დარღვევით.

7. დაზიანება გამოწვეულია ცვალებადი, მაღალი ან დაბალი ელ.ენერგიის მიწოდებით.

8. დაზიანება გამოწვეულია ელ.ქსელის გაუმართაობით, ან მომხმარებლის ბრალეულობით მექანიზმის დანესტიანებით.

9. დაზიანება გამოწვეულია გარეშე პირების მიერ ჩატარებული სამონტაჟო ან სარემონტო სამუშაოებით.

10.  შეძენილი ტექნიკა იქნა გამოყენებული კომერციული და სამეწარმეო მიზნებისთვის.

11.  დაზიანება გამოწვეულია, მწარმოებლის მიერ განსაზღვრულ ვადაში, ბუნებრივი ცვეთის გამო. 

6. კანონისმიერი ან/და კომერციული საგარანტიო მომსახურების მისაღებად სავალდებულოა გაითვალისწინოთ:

1. საგარანტიო მომსახურების მისაღებად მომხმარებელი ვალდებულია, გადასცეს დაზიანებული პროდუქცია კომპანიას. 

2. დაზიანებული ნივთის შეცვლისას, თუ მომხმარებლმა კომპანიის წარმომადგენელს ნივთი არ  გადასცა სრული კომპლექტაციით, შეიცვლება მხოლოდ ნივთის ის ნაწილი, რომლის გადაცემაც მოხდა.

3. ნივთის შეცვლისას იგი იცვლება იგივე ნივთში. კომპანიას უფლება აქვს ნივთი შეცვალოს შესყიდული ნივთის განახლებული ვერსიით. იგივე ნივთის ან მისი განახლებული ვერსიის არ არსებობის შემთხვევაში შესაძლებელია მეტი ღირებულების ნივთზე (ამ შემთხვევაში ფასთა სხვაობა უნდა გადაიხადოს მომხმარებელმა) გამოცვლა.

4. საქონლის შეკეთება ან შეცვლა ხორციელდება  პროდუქციის გადაცემიდან  არაუგვიანეს 30 კალენდარული დღისა.

5. იმ შემთხვევაში, როდესაც საქონელი ან მისი ნაწილი გამოსაწერია/ჩამოსატანია უცხოეთიდან, ეს ვადა შეიძლება გახანგრძლივდეს არაუმეტეს 30 კალენდარული დღით.

6. საქონლის შეცვლის, შეკეთებისა და ტექნიკური მომსახურების ობიექტის დასახელების შესახებ და მისი მისამართის თაობაზე ინფორმაცია შეგიძლიათ იხილოთ კომპანიის ოფიციალურ ვებ გვერდზე: https://mihouse.ge/index.php?route=information/information&information_id=62

7. დაბრუნების პოლიტიკა

   1. „მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში.

2. ეს ვადა აითვლება: 

• მომსახურების ხელშეკრულების შემთხვევაში − ხელშეკრულების დადებიდან.

• ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან.

• მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან.

• საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

3. აღნიშნული მოთხოვნის სარგებლობისთვის მომხმარებელი ვალდებულია შეავსოს ნივთის დაბრუნების ფორმა.

4. ხელშეკრულებაზე უარის თქმის შემთხვევაში მომხმარებელი ვალდებულია: 

• მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა. 

• გასწიოს საქონლის დაბრუნებასთან დაკავშირებული პირდაპირი (უშუალო) ხარჯი.

5. იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით.

6. უპირობოდ დაბრუნების შემთხვევაში, მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად.

7. მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.

8. თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

9. მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

10.  მომხმარებელს არ აქვს უფლება, უარი თქვას ხელშეკრულებაზე და უპირობოდ დააბრუნოს პროდუქტი:

• მოვაჭრემ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას.

• ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც მოვაჭრე ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა.

• მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული.

• მიწოდებული საქონელი მალფუჭებადია ან მას მოკლე ვარგისობის ვადა აქვს.

• მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო.

• მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს.

• ხელშეკრულების პირობების შესაბამისად, მომხმარებელმა მოვაჭრე გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე.

• მიწოდებულ იქნა დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.

• დასაბრუნებელ საქონელს შეცვლილი აქვს პირვანდელი სახე და არ არის ვარგისი შემდგომი რეალიზაციისთვის.

• აღნიშნული პირობა არ ვრცელდება ისეთ ნივთებზე , რომლის სარეალიზაციო ფასი არ აღემატება 30 (ოცდაათი) ლარს. 

11. საქონლის უპირობოდ დაბრუნების სურვილის შემთხვევაში, მომხმარებელი ვალდებულია მოვაჭრეს დადგენილ ვადაში გაუგზავნონ შევსებული ფორმა, რომელიც განთავსებულია საიტზე  https://mihouse.ge/index.php?route=information/return

12. მომხმარებელი აგრეთვე უფლებამოსილია დაბრუნების ფორმა შეავსოს შემდეგ მისამართებზე: ქ. თბილისი, ჯ. ლეჟავას N22; ქ. ქუთაისი აღმაშენებლის N112 (კომპანია "მიჰაუსი") და ხელმოწერილი ვერსია გადასცეს  მოვაჭრეს. 

8. საქონლის გადაცვლა  ადგილზე შეძენის შემთხვევაში

1. მიჰაუსის მაღაზიათა ქსელში, ადგილზე პროდუქციის შეძენის შემთხვევაში, ნივთის მიღებიდან 15 დღის ვადაში,  მომხმარებელი უფლებამოსილია უპირობოდ გადაცვალოს შეძენილი ნივთი სხვა ნივთში.

2. თუ მომხმარებელი შეარჩევს უფრო მაღალი ღირებულების მქონე ნივთს, მას ეკისრება სხვაობის დაფარვა.

3. ნაკლები ღირებულების მქონე ნივთში გადაცვლის შემთხვევაში, კომპანია არ უზრუნველყოფს სხვაობის დაბრუნებას. მომხმარებელი უფლებამოსილია, დამატებით შეიძინოს შესაბამისი ღირებულების პროდუქცია მიჰაუსის მაღაზიათა ქსელში.  

4. ზემოაღნიშნული უფლებით სარგებლობისათვის მომხმარებელი ვალდებულია შეძენილი პროდუქცია გადასცეს კომპანიას პირვანდელ მდგომარეობაში და წარმოადგინოს პროდუქციის შეძენის დამადასტურებელი დოკუმენტი. ამასთანავე მომხმარებელს არ აქვს უფლება მოითხოვოს საქონლის გადაცვლა 7.10 პუნქტით გათვალისწინებულ შემთხვევებში.

9. დასკვნითი დებულებები

1. კომპანიის მხრიდან მომხმარებლის პრეტენზიის განხილვის წესი განისაზღვრება მომხმარებლის მხრიდან მოთხოვნის დაფიქსირების შემდგომ.  

2. მოთხოვნის დაფიქსირება მომხმარებელს შეუძლია კომპანიის ცხელ ხაზზე ქოლ ცენტრში: 0322 000 800 ან კომპანიის ელექტრონული ფოსტაზე: info@mihouse.ge 

3. უკუკავშირი მომხმარებელმა  კომპანიის მხრიდან შესაძლოა მიიღოს როგორც წერილობით, ისე სატელეფონო კომუნიკაციის საშუალებით, პრეტენზიის დაფიქსირებიდან არაუგვიანეს 15 დღის ვადაში.

4. მხარეები  აღნიშნავენ,  რომ  ეცდებიან  ურთიერთნამშრომლობის  ეტაპზე წარმოქმნილი ყოველგვარი დავის ან კონფლიქტის თავიდან აცილებას, ხოლო უთანხმოებათა გადაწყვეტას უზრუნველყოფენ ურთიერთმოლაპარაკების გზით.

5. კონსენსუსის  მიუღწევლობის  შემთხვევაში,  მოსარჩელე  მხარის  არჩევით, წარმოქმნილი დავა გადაწყდება საქართველოს მოქმედი კანონმდებლობის შესაბამისად.

6. ის  ურთიერთობები,  რომლებიც  არ  რეგულირდება  წინამდებარე  შეთანხმებით, წესრიგდება საქართველოს მოქმედი კანონმდებლობის შესაბამისად.