კედლის ფერი  და ტექსტურა სახლის დეკორირების ყველაზე მნიშვნელოვანი ასპექტებია. თუ თქვენ  გადაწყვიტეთ სახლში გარემოს შეცვლა,აუცილებლად გაგიჩნდებათ  კითხვა : საღებავი თუ შპალერი?  არსებობს საკითხები , რომლებიც არჩევანის გაკეთებისას სასურველია გავითვალისწინოთ, ესენია : გამძლეობა,ფასი, შპალერის გაკვრისა თუ შეღებვისთვის  საჭირო დრო, ზედაპირის მომზადების თავისებურებები,ოთახის დანიშნულება, ასევე, რაც არ უნდა გასაკვირი იყოს, ოჯახში ბავშვებისა თუ ოთხფეხა მეგობრების არსებობა.   

 ჩვენს ბლოგში გთავაზობთ აღნიშნული მნიშვნელოვანი საკითხების განხილვას :             

საჭირო დრო  და ზედაპირის მომზადების სირთულე

შპალერის გაკვრა დაზიანებული კედლების შემთხვევაში უკეთესი ვარიანტია. ვინაიდან,  ფარავს  კედლის ხარვეზებს და არ საჭიროებს კედლის განსაკუთრებულ მომზადებას,ასევე,გაკვრისთვის არ არის აუცილებელი სპეციალური ცოდნა, (გამონაკილისა შპალერის რამდენიმე ტიპი) შესაბამისად, ნაკლებ დროსა და რესურსს მოითხოვს.თუმცა, იმ შემთხვევაში ,თუ ჩამოსახევია ძველი შპალერი, უნდა გაითვალისწინოთ  მოშორების სირთულეები, დამატებითი დრო და ხელსაწყოებისა თუ ქიმიკატების აუცილებლობა.

რაც შეეხება შეღებვას,  საკმაოდ მარტივი პროცესია, მაგრამ სიტუაციას  ართულებს უსწორმასწორო ზედაპირი. დეკორატორების აზრით, აუცილებელია, პირველ რიგში შევადგინოთ პრაიმერის- შემავსებლის ფენა.მისი დანიშნულება ზედა ფენებისთვის კარგი მოჭიდების ფენის შექმნა, ფორების შევსება, დეფექტების დაფარვა, შესაღები ზედაპირების შთანთქმის თვისებების ,საღებავის ხარჯის შემცირება და  საღებავის თანაბრად დატანაა.  მეორე ფენა კი უკვე უნდა იყოს  ფერის ძირითადი ვიზუალი. ასევე,რა თქმა უნდა, არ უნდა დაგვავიწყდეს გაშრობის დრო თითოეულ ფენას შორის.

შესაბამისად გაკვრისა და შეღებვისათვის საჭირო  დრო ძირითადად დამოკიდებულია კედლის მდგომარეობაზე.

რომელი უფრო ეკოლოგიურია?

ძველი შპალერის შეცვლა თავისთავად ქმნის მცირე ეკოლოგიურ რისკს. ვინაიდან, ქიმიკატების გამოყენება, რომელიც ძველი შპალერის ჩამოხევისთვის იქნება გამოყენებული შეიძლება  მცირედით მაინც ტოქსიკური იყოს ადამიანისთვის და გარემოსთვის.
შპალერის არჩევისას   ეკოლოგიური უსაფრთხოებისთვის აუცილებელია რომ ყურადღება მიაქციოთ  მასალას და დეკორის მელანს.

ეკოლოგიური საღებავის არჩევისაას აუცილბელია გავითვალისწინოთ ინგრედიენტები,მწარმოებელი,  აუცილებელია რომ იყოს ეკო-მეგობრული მინარევებით.

გამძლეობა

საშუალოდ, შპალერმა  შეიძლება გაძლოს 10-დან 15 წლამდე , თუმცა ზედმეტად ნოტიო პირობებმა შესაძლებელია გამოიწვიოს ნაადრევი აძრობა. მისი წმენდის შესაძლებლობა შეზღუდულია, ასევე თუ რაღაც ნაწილი დაზიანდა,რთულია  ზუსტად კორექტირება, ვინაიდან  ვიზუალი შესაძლებელია დაირღვეს.

რაც შეეხება საღებავს, მისი განახლება შესაძლებელია საჭირო გახდეს ორ-სამ წელიწადში ერთხელ,თუმცა, მარტივია დაზიანებისა ან დაბინძურების შემთხვევაში გადაღებვა.

ფასი

ზოგადად, ითვლება რომ შპალერი, მისი გაკვრისთვის საჭირო მასალები და იარაღები შედარებით ძვირი სიამოვნებაა, ვიდრე საღებავის გამოყენება,თუმცა გასათვალისწინებელია  გამძლეობა.

თვალსაჩინო შედარებისთვის გთავაზობთ მოკლედ  ორივე ვარიანტის დადებით და უარყოფით მხარეებს :

შპალერის გამოყენების დადებითი მხარეები :

• გაკვრამდე არ არის აუცილებელი კედლის განსაკუთრებული მომზადება.
• შპალერი  მალავს ბევრ ზედაპირულ ხარვეზს.
• გამძლეობა შპალერის ერთ-ერთი უპირატესობაა,საშუალოდ, შეიძლება გაძლოს 10-დან 15 წლამდე.
• მიუედავად მცირე სისქისა, კარგად შთანთქავს ხმაურს და მართალია მცირედით, მაგრამ, იჭერს და აკავებს სითბოს.
• არჩევანის მრავალფეროვნება-შპალერისთვის დამახასიათებელია დახვეწილი დიზაინები, ფერების გემოვნებიანი გამა, ტონალობების დახვეწილი ნოტები, დამაინტრიგებელი ტექსტურები და ლამაზი ნამუშევრები. მას  შეუძლია ოთახის ინტერიერს  დაამატოს სითბო, სიღრმე და სტილი.

უარყოფითი მხარეები :

• ვერ უძლებს ტენიანობას, ადვილად წმენდადი შპალერიც კი მაღალი ტენიანობის პირობებში სწრაფად კარგავს ვიზუალურ ეფექტს.
• რთულია მისი მოცილება კედლიდან, საჭიროებს დიდ დროს, აუცილებელ იარაღებს და ხშირ შემთხვევაში ქიმიკატების  გამოყენებას, რაც შეიძლება მცირედით მაინც ტოქსიკური იყოს ადამიანისთვის და გარემოსთვის.
• იმ შემთხვევაში, თუ ხშირი ცვლილებების მოყვარული ხართ, შპალერის გაკვირსგან თავი უნდა შეიკავოთ.
• სიძვირე - საღებავებთან შედარებით შპალერი  უფრო ძვირი სიამოვნებაა.

საღებავის გამოყენების დადებითი მხარეები :

• საღებავები შპალერთან შედარებით იაფია.
• შეღებვა შედარებით მარტივი პროცესია, ვიდრე შპალერის გაკვრა, თუმცა ეს მხოლოდ იმ შემთხვევაში, თუ კედლებს არ აქვს დეფექტები.
• თუ ცხოველები ცხოვრობენ სახლში,  შეღებილი კედლები მათ ნაკლებად იზიდავს.
• მარტივად მოსავლელია, იწმინდება ადვილად.

უარყოფითი მხარეები :

• საჭიროებს ხშირად განახლებას.
• არ აქვს სითბოსა და ხმის იზოლაციის ფუნქცია.
• თუ კედელეი დეფექტიანია, მისი შესაღებად მომზადება რთული პროცესია.

როგორც ხედავთ, ორივე ვარიანტს აქვს დადებითი და უარყოფითი მხარეები.შეუძლებელია ცალსახად ითქვას, რომ ერთი ან მეორე უკეთესია ნებისმიერი შემთხვევისთვის, არჩევანის გაკეთებისთვის მნიშვნელოვანია გავითვალისწინოთ კედლების მდგომარეობა, ოთახის დანიშნულება, კონკრეტული ინტერიერი და გემოვნება.