dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როგორ შევარჩიო, სარემონტო მასალები და აქსესუარები ლოფტის სტილის მოსაწყობად

501 ნახვა გიორგი ჭეიშვილი
 

ძვირფასო მკითხველო, თქვენ უკვე გაეცანით ლოფტის სტილს, ინტერიერის დიზაინში (ან იხილეთ „ბლოგი“ ინტერიერის დიზაინის „ლოფტ“ სტილი ) სადაც განხილულია დიზაინისთვის დამახასიათებელი ზოგადი ნიშან-თვისებები და ნაჩვენებია, თუ როგორ გამოიყურება ინტერიერის სხვადასხვა ზონები (მისაღები, სამზარეულო, საძინებელი და სააბაზანო ოთახი) „ლოფტის“ სტილში.

დღეს სტატიაში განვიხილავთ, ლოფტ სტილისთვის საჭირო ფერთა კომბინაციებს, სარემონტო მასალებს, დეკორაციებსა და აქსესუარებს, რომლებიც გამოგადგებათ აღნიშნული დიზაინის თქვენს სახლში მოსაწყობად.

ლოფტის სტილი ინტერიერის დიზაინში ხასიათდება არა მხოლოდ ოთახების დიდი ზომით, არამედ, სპეციალური ფერთა სპექტრით, ავეჯის მოწყობით, დეკორაციის ინდივიდუალურობით და მოსაპირკეთებელი ზედაპირების განსხვავებული ელემენტებით, რომლისთვისაც ვიყენებთ სხვადასხვა სარემონტო მასალებს.

მიუხედავად იმისა, რომ უკვე განვიხილეთ ლოფტის მახასიათებლები, მოკლე რეზიუმეს აღნიშნულ სტატიაშიც წარმოვადგენთ.

გაეცანით სტატიის შინაარსს:

  • ფერთა პალიტრა                
  • მატერიალები      
  • კედლის, ჭერისა და იატაკის გაფორმება
  • განათება და დეკორაცია

ქალაქის ბინაში ინდუსტრიული (სამრეწველო) ინტერიერის (იგივე "ლოფტ" დიზაინი, უფრო ვრცლად იხილეთ სტატია, ინტერიერის დიზაინის თანამედროვე ჯგუფის 10 ყველაზე აქტუალური სტილი) დიზაინის შესაქმნელად კონკრეტულ პრინციპებს, რომელიც, ქვემოთ წარმოდგენილია თეზისების სახით.

  1. ლოფტს ახასიათებს ღია სივრცეები, ინტერიერის ზონები უნდა იყოს ღია, ძირითადად კედლების გარეშე, უბრალოდ გამოყოფილი სხვადასხვა დეკორაციული საშუალებებით.

ეს წესი ვრცელდება საძიენებლ ოთახზე, მისაღებზე, სამზარეულოზეც კი (თუმცა აუცილებლობა არ მოითხოვს)



  1. ფანჯრები არის , დიდი , განიერი , რომელსაც არ ფარავს ფარდები, არამედ დიდი პანორამა თქვენს თვალწინ იშლება და ინტერიერი ივსება ბუნებრივი სინათლითა და მზის სხივებით.


  1. ლოფტის სტილში კედლები არ არის შეღებილი ან მოპირკეთებული, ისინი წარმოდგენილია "შიშვლად" დაუფარავად, ყველაზე ხშირად გვხვდება აგურის ან ბეტონის ფონი.


თუმცა თანამედროვე ვარიანტში ყოველთვის არ არის შესაძლებლობა, სახლში გქონდეთ აგურებით აშენებული, ან ბეტონით ჩამოსხმული კედელი, რომელსაც არ გალესავთ , არ მოაპირკეთებთ და გამოიყენებთ ლოფტის სტილის შესაქმნელად.

ამიტომ გამოიყენება სპეციალური სარემონტო მასალები, რომლებიც კედელზე ქმნის, აგურის ან ბეტონის ეფექტს .

ესენია: ინტერიერის დეკორატიული აგური და კერამიკული ფილები ბეტონის ფაქტურით


 

  1. იატაკი როგორც წესი არის ბეტონის თუმცა დასაშვებია ხის ან კერამიკული ფილებისაგან შემდგარი იატაკი
  2. ლოფტის ჭერი არის ისეთივე დაუმუშავებელი როგორც კედლები,  ელექტრო გაყვანილობა, ჰაერის გამწოვი მილები, პირდაპირ ჭერზეა მიკრული, უმეტეს შემთხვევაში ჭერის ფაქტურა ჩამოსხმული ბეტონია თუმცა გვხვდება ხე და რკინის კონსტრუქციაც , რომელიც დაშენებულია ხის ან რკინის ქილიშებზე. 


ფერთა პალიტრა ინტერიერის დიზაინის ლოფტ სტილში

ლოფტის სტილის ინტერიერს ახასიათებს მკაცრი ფერები, ეს აიხსნება ლოფტის დიზაინის წარმომავლობიდან, როგორც ვიცით ის განვითარდა ინდუსტრიული, სამრეწველო საქმიანობისთვის განკუთვნილ ფართში, რომლებსაც იშვიათდ ახასიათებდათ ნათელი, მკვეთრი ფერები.

დამახასიათებელი ფერები :

  • თეთრი, ნაცრისფერი, შავი
  • ყავისფერი, კრემისფერი

კონკრეტულ ზონებზე და დეკორაციულ ელემენტებზე აქცენტების შესაქმნელად გამოიყენება ლურჯი, წითელი ან ზემოხსენებული ფერებიდან წარმოებული ფერთა ტონები.


Col 1
Col 2

როგოც ვიცით ლოფტი თანამედროვე ინტერიერის დიზაინის ერთ-ერთი ტენდენციური სტილია, რომელიც გარკვეული ელემენტებით ახლოს დგას "ჰაი ტექ" და მინიმალისტურ დიზაინთან, ამიტომ ინტერიერში ის ფერები გამოიყენება რომელიც ახასიათებს „მაღალტექონოლოგიურ“ სტილს - ვერცხლისფერი, თეთრი, შავი და სხვა ცივი ფერები.

ამასთანავე გვხვდება  მინიმალიზმისთვის დამახასიათებელი ფერთა გამაც, მაგ: ორი კონტრასტული ფერის კომბინაცია ან მხოლოდ ერთი ნათელი ფერის საშუალებით შექმნილი ჰარმონია ინტერიერში.


Col 1
Col 2

მატერიალები

ლოფტის ინტერიერში გამოსაყენებელი მასალები:

ბეტონის ფილები - გამოიყენება ჭერის და იატაკის გასაფიორმებლად

ის ფიცარი - ასევე გამოიყენება იატაკისთვის

მინა - რომელიც ლოფტის სტილში გვხვდება არა მარტო ფანჯრებისა და ვიტრაჟების გასაფორმებლად, არამედ ხშირად წარმოდგენილია როგორც იატაკის ნაწილი (იხ. სურ)


Col 1
Col 2

წითელი ან სილიკატური აგური - ყველაზე ცნობილი და პოპულარული დეკორაცია ლოფტის სტილში კედლების მოსაპირკეთებლად

სხვადასხვა დიზაინის ლითონის მილები - შეიძლება გამოყენებულ იქნას მათი დანიშნულებისამებრ ან როგორც დეკორატიული მასალა.


Col 1
Col 2

კედლის, ჭერისა და იატაკის გაფორმება

ჭერი

საცხოვრებელი ფართი რომელიც არ არის მაღალ-ჭერიანი , შეგიძიათ უბრალოდ შეღებოთ თეთრი ფერის საღებავით, რაც გაზრდის სივრცის შეგრძნებას და ინტერიერში ლოფტის სტილს გამოკევთს.

ხოლო თუ საცხოვრებელი ფართი მაღალია, მაშინ მიჰყევით ლოფტ დიზაინში არსებული სტილის პრინციპებს:

  • ჭერზე გამოიყენეთ ხის ქილიშები (ან რკინის კონსტრუქციები) რომელებსაც არ სწირდება განსაკუთრებული დამუშავება, არამედ უხეში ზედაპირით ჩააშენეთ ჭერში, ან შეგიძლიათ გამოიყენოთ საღებავი, ფირი რომელიც დაძველების ეფექტს შექმნის ობიექტზე.
  • ლოფტის სტილის შესაქმნელად ჭერზე გამოიყენეთ ხის კონსტრუქცია (იხ.სურათი)
  • წამწე - შორის ჯაჭვებით (ან გრძელი კაბელებით) ჩამოკიდებული ნათურები

წამწე — ბოლოებით ერთმანეთთან დაკავშირებული ძელებისგან შემდგარი კონსტრუქცია. სამშენებლო მექანიკაში წამწე ეწოდება ნებისმიერ ძელებიან კონსტრუქციულ სისტემას, რომელიც ხისტი კვანძების სახსრებით ჩანაცვლების შემთხვევაშიც გეომეტრიულად უცვლელი რჩება. (იხ.სურ)


Col 1
Col 2

კედელი

როგორც უკვე აღინიშნა, ინტერიერის დიზაინში ლოფტის ღია სტილი, ვერ ეგუება ტიხრებს, დახურულ გამყოფ კედლებს, ამიტომ ისინი უმეტეს შემთხვევაში ჩანაცვლებულია მინის კედლებით, ვიტრაჟებით ან მოძრავი შირმებით.

ხოლო მთვარ კედლებს აუცილებლად უნდა ჰქონდეს უხეში, დაძველებული ბეტონის, ქვის, აგურის ფონი ან მოპირკეთებული იყოს გალვანზირებული რკინით.


Col 1
Col 2

იატაკი

ტრადიციულ ლოფტში ჩვეულებრივ წარმოდგენილია ბეტონის იატაკები, მაგრამ თანამედროვე ვარიანტში ისინი არაკომფორტულია ყოველდღიური გამოყენებისათვის, რადგან ძალიან ცივია, გარდა ამისა ბეტონს აქვს უხეში, დაუმუშავებელი ზედაპირი, რომლის დასუფთავება არ წარმოადგენს მარტივ პროცესს.

თანამედროვე მიდგომების გათვალისწინებით, იატაკი მზადდება შემდეგი მასალებისაგან:

  • ბუნებრივი ხის, პარკეტისა და ლამინტისაგან
  • კერამიკული ფილა, ხელოვნური ქვა ან მარმარილო
  • ბეტონის დასხმული იატაკი, რომელიც აღჭურვილია იატაკის გათბობით და მოჭიქულია პრიალა ბეტონის ფაქტურით


განათება და დეკორაცია

ლოფტის სტილში განათებას  მნიშვნელოვანი ადგილი უჭირავს, დიდი ჭაღები, პატარა სანათები, დეკორატიული ნათურები ყველა მათგანი შეგხვდებათ ინტერიერის ლოფტ დიზაინში.



ზოგადად აღნიშნულ სტილს სინათლის მიმართ განსაკუთრებული დამოკიდებულება აქვს, სივრცეები დიდი ფანჯრების გამო ბუნებრივადაც კარგად არის განათებული, თუმცა ხელოვნური განათება ნამდვილად შთამბეჭდავად და მეტად სკულპტუოზურად გამოიყურება.

ლოფტისთვის დამახასიათებელია განათების მავთულები დაუფარავად და შენიღბვის გარეშე იყოს ჩამოკიდებული ჭერზე, თითქოს დროებით არის დამონტაჟებული. (იხ.სურ)



ედისონის ნათურები ყველაზე შესაფერისია ლოფტის სტილის ინტერიერში.

მაგ: საძინებელში მათ შეუძლიათ შემოიტანონ სითბო, ვარვარა ნათურებით, რომელიც თქვენს საძინებელში მყუდრო და კომფორტულ გარემოს შექმნის.

სხვა ოთახებში, ნათურები შეიძლება გამოყენებულ იქნას კომპლექსურ დიზაინში, როგორც ხელოვნების ნიმუში. (იხ. სურ)



აღნიშნულ სტატიაში თქვენ გაეცანით ლოფტ დიზაინისთვის საჭირო სარემონტო მასალებს, დეკორაციებსა და იმ კონკრეტულ დეტალებს რომელიც საჭიროა ინტერიერში ლოფტ სტილის შესაქმნელად.

თუ სურვილი გაქვთ ახლოს გაეცნოთ ინტერიერის დიზაინის სხვდასხვა სტილებს ეწვიეთ ჩვენს ბლოგს, ინტერიერის დიზაინის თანამედროვე ჯგუფის 10 ყველაზე პოპულარული სტილი

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1576 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2125 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1453 წაკითხვა

ოთახის კრეატიული გაფორმება ღვინის ბოთლებისგან
2020-06-25
2433 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1211 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
620 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
360 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
893 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
332 წაკითხვა