dagvireke
ცხელი ხაზი: 0322 000 800
ან შეავსეთ ფორმა და ჩვენ დაგირეკავთ

close

როგორ შევარჩიო, სარემონტო მასალები და აქსესუარები იაპონური სტილის მოსაწყობად

281 ნახვა გიორგი ჭეიშვილი
 

ძვირფასო მკითხველო, თქვენ უკვე გაეცანით „იაპონურ“ სტილს, ინტერიერის დიზაინში, (ან იხილეთ „ბლოგი“ ინტერიერის დიზაინის იაპონური სტილი ) სადაც განხილულია დიზაინისთვის დამახასიათებელი ზოგადი ნიშან-თვისებები და ნაჩვენებია, თუ როგორ გამოიყურება ინტერიერის სხვადასხვა ზონები (მისაღები, სამზარეულო, საძინებელი და სააბაზანო ოთახი) „იაპონურ“ სტილში .

დღეს სტატიაში განვიხილავთ, თანამედროვე იაპონური სტილისთვის საჭირო ფერთა კომბინაციებს, სარემონტო მასალებს, დეკორაციებსა და აქსესუარებს, რომლებიც გამოგადგებათ აღნიშნული დიზაინის თქვენს სახლში მოსაწყობად.

სტატიის თემატიკა :


 


ფერთა პალიტრა

ინტერიერში იაპონური სტილი გამოირჩევა სიმშვიდითა და სიდინჯით, თუ თქვენ ნათელი მკვეთრი ფერების მოყვარული ხართ და გიზიდავთ ფერადი დიზაინი, აქტიური ემოციური განწყობებით, მაშინ ეს სტილი შეიძლება არ მოგეწონოთ .

იაპონურს სტილში გაზავებულია ამომავალი მზის ქვეყნისათვის დამახასიათებელი მშვიდი გარემო, სამურაის სულისკვეთებით გაჟღენთილი აურა, აქ ყველაფერი მკაცრად ორგანიზებული და მინიმალისტურადაა წარმოდგენილი, გარემო „მკრთალად მოღრუბლულ“ ამინდს მოგაგონებთ , სადაც მშვიდი აუღელვებელი , ჰარმონია სუფევს.

იაპონური სტილს აღნიშნულის მიღწევაში ინტერიერში გაბატონებული ფერები ეხმარება, რომელიც ზემოაღნიშნული გარემოს შექმნაში მონაწილეობს.

ინტერიერის დიზაინის იაპონურ სტილში სჭარბობს: კრემისფერი, "ბეჟი" (ბაცი ყავისფერი, ჩალისფერი) ნაცრისფერ-მწვანე, თეთრი და ხის ფერის ამსახველი ფერთა ტონები.

ოთახში მინიმალური კონტრასტის შესაქმნელად, შეგიძლიათ გამოიყენოთ წითელი და შავი.





წინა 

ბლოგიდან ვიცით რომ იაპონური სტილის მთავრი დევიზი ბუნებასთან მიახლოებაა, შესაბამისად ინტერიერში ფერებიც ბუნებრივია.

ფერთა ბუნებრივი ტონები გამოიყურება შემდეგნაირად:

ბრინჯის ქაღალდი ელფერი

მწვანე ბამბუკი ელფერი

შროშანების ელფერი

საკურა ყვავილის ელფერი

ზემოთ აღწერილი ხის ფერთა ტონები :

იფანი  (კოპიტი — ფოთოლმცვივანი ხეების გვარი ზეთისხილისებრთა ოჯახისა)

მუქი კაკალი, არყი, წიფელი.   

გაითვალისწინეთ რომ იაპნური ინტერიერის დიზაინში არ გამოიყენოთ 3 ძირითად ფერზე მეტი, სხვა დამატებითი ფერები შეურიეთ მცირე დოზით ან აღნიშნულ ფერებში დაამატეთ სხვადასხვა ბუნების ელემენტები

 


მატერიალები

როდესაც ინტერიერის დიზაინს იაპონური სულისკვეთებით ქმნით ყურადღება უნდ გაამახვილოთ ბუნებრივ მასალებზე: გლუვი ხე, ბამბუკი, როტანი (ротанг- პალმის თხელი მჭიდრო ნაწილი გამოიყენება ავეჯის დასამზადებლად)ბუნებრივი ქვა - კენჭები  აბაზანაში დეკორაციისთვის, ქაღალდი (სასურველია ბრინჯის) , მქრქალი პლასტმასი და მინა, დეკორატიული თაბაშირი, ასევე ფართოდ გამოიყენება ე.წ „პალივუდის“ ფანერები.  




ჭერი

ინტერიერის იაპონურ სტილში ჭერზე შეგიძლიათ გამოიყენოთ ე.წ. გასაჭიმი ჭერი "მატოვი" (მქრქალი; არაპრიალა) ზედაპირით, რადგან აღნიშნულ დიზაინში მიუღებელია პრიალა ზედაპირები.

გასაჭიმი ჭერის ალტერნატივად შეგიძლიათ გამოიყენოთ, ყინვა გამძლე მინის ჭერი, რომელიც ერთი მხრიდან იქნება ინტერიერში ჩაშენებული, ხოლო მეორე მხარე სახილის გარეთ, (ი.ხ. სურ) სწორედ ამიტომ საჭიროა შესაბამისი მედეგობის მინის შერჩევა, ასევე შესაძლებელია ჭერის კონკრეტული ნაწილი იყოს გაუმჭვირვალე ხოლო გამოყოფილი ადგილები მინით შევსებული, ზოგადად იაპონური სტილის სკანდინავიურის მსგავსად ცდილობს ოთახის სივრცეში შეინარჩუნოს ბუნებრივი გარემო, რაშიც მას ეხმარება პანორამული მინის ჭერი, რომელიც ოთახში ასევე ბუნებრივი განთები საუკეთესო წყაროს წარმოადგენს.

ჭერზე ასევე შეგიძლიათ გამოიყენოთ თაბაშირ-მუყაოს ფილები, საუკეთესო ვარიანტში შესაძლებელია სამივე ვარიანტის შერეულად გამოყენება რაც ინტერიერს მრავალფეროვანს გახდის.



გამჭვირვალე მინის გარდა ასევე გამოიყენება, შუშის მატოვი ((მქრქალი; არაპრიალა) ზედაპირის მქონე ჭერზე ასაკრავი ფილები, რომლის ქვეშაც დაამონტაჟებთ ზომიერ, საშუალო სიმძლავრის განათებას. (იხ. სურ)



ინტერიერის დიზაინის იაპონურ სტილში ასევე წარმატებით გამოიყენება ხის ჭერი, სადაც გამოიყენება სხვადასხვა ტიპის ფანერა, ხის „ბალკები“ (ქილიშები) და ორნამმენტიზირებული ფიცრები. (იხ.სურ)

ჭერი შეიძლება იყოს მრავალ დონიანი რაც შეეხება ფერს შესაძლებელია იმეორებდეს კედლების და ზოგადად ინტერიერის სივრცეში არსებულ ფერთა ტონებს.



კედელი

იაპონურ სტილში კედლების გაფორმებისა და მოპირკეთებისათვის გამოიყენება სხვადასხვა საშუალებები, ძირითადად ბუნებრივი მასალა და მისი სხვადასხვა კომბინაცია.

მაგ: ოთახი შეიძლება იყოს დაფარული მთლიანად ხის პანელით , მათ შორის კედლებიც ან ხილს „ლამელებით“ გაფორმებული ტიხრები შერწყმულია გლუვად შელესილ და პასტელურ ფერებში შეღებილ კედლებთან.

ინტერიერში ასევე შეხვდებით ქვით მოპირკეთებულ კედლებს ან ქაღალდის ფონით დაფარულ ე.წ "შირმებს", რომელიც კედლის ფუნქციებსაც ასრულებს .

კედლები ასევე მორთულია ბუნების ელემენტების ამსახველი ფერწერული ტილოებითა და სტიკერებით.


იატაკი

იაპონურ სტილში იატაკის მოწყობის საუკეთესო საშუალება რა თქმა უნდა ხის იატაკია, (იხ.სურ) თუმცა ჩვენს თანამედროვეობაში ამგვარი ტიპის იატაკის მოწყობა , დიდი თანხებთან არის დაკავშირებული, შესაბამისად თუ თქვენი ბიუჯეტი არ გყოფნით აღნიშნული მასალის შესაძენად, შეგიძლიათ მრავალი სხვა, იაპონური სტილისთვის შესაფერისი თანამედროვე ალტერნატივა  გამოიყენოთ.



 

მაგ: ბამბუკის ლამინატი ბუნებრივი ხის საუკეთესო შემცვლელია იაპონური ინტერიერის სტილისთვის, თუმცა აუცილებელი არ არის ლამინატი იყოს ბამბუკის შემცველი ან აუცილებლად მისი ფაქტურა გააჩნდეს, მისაღებია ნებისმიერი ხის მგავსი ზედაპირით, თუმცა ბამბუკი ერთ ერთი სასიამოვნო შეხამებაა აღნიშნული სტილისთვის.

Col 1
Col 2
Col 3

იატაკის დიზაინში, მოსაპირკეთებლად ასევე გამოიყენება პარკეტი, კერამიკული ფილები, ქვის ფილები და ასევე გვხვდება ზღვის კენჭებით მოპირკეთებული იატაკი.(იხ. სურ)

ყველაზე მარტივი და შეიძლება ითქვას ბიუჯეტური გადაწყვეტილება ,  კერამიკული ფილებით იატაკის მოპირკეთებაა, შეგიძლიათ შეარჩიოთ კერამიკული ფილები ხის სხვადასხვა ფაქტურით და შეუსაბამოთ ინტერიერის საერთო სტილისტიკას.

Col 1
Col 2
Col 3
Col 4

Col 1
Col 2
Col 3

Col 1
Col 2

განათება

ინტერიერის დიზაინის იაპონურ სტილში ძირითადად წარმოდგენილია დიფუზიური შუქის წყაროების გამოყენება და იშვიათად შეხვდებით აქცენტურს.

სწორედ ამიტომ ინტერიერში ხშირად გამოიყენება აკარის სანათები , რომელიც ქაღალდით ან ბამბუკით არის დაფარული



ოთახის სხვადასხვა ზონაში განთავსებული: ტორშერები, (მაღალფეხიანი სანათი მოწყობილობა, რომელიც იატაკზე იდგმება) ჭერის სანათები და ბრა (კედელზე მიმაგრებული გამოშვერილი ელექტროგასანათებელი მოწყობილობა, რომელსაც ნათურა უკეთდება) განკუთვნილია ინტერიერის აღქმის შესაცვლელად, კონკრეტული ობიექტების ან სივრცეების გასანათებლად, ისინი ხელს უწყობენ კონკრეტული ობიექტების ხაზგასმას, მიმდებარე სივრცის გარდაქმნას და ზონირების პროცესს.

აღნიშნული ტექნიკა უმნიშვნელოვანესია ინტერიერში სივრცის გაყოფისთვის

თუმცა თანამედროვე დიზაინერული გადაწყვეტილებების საფუძველზე თქვენ შეგიძლიათ გამოიყენოთ სხვა ტიპის სანათებიც, მაგ: ჭერზე განათავსოთ წერტილოვანი განათება, რომელიც კომბინაციაში იქნება, ჭერის შუაგულში განთავსებულ აკარის სანათთან , ასევე შესაძლებელია ე.წ. პროჟექტორების გამოყენება , რომელიც წარმოდგენილია ან ტროსზე ან რელსებზე, დამოკიდებულია დიზაინერის ჩანაფიქრებსა და მიზნებზე. (ი.ხ სურ)


Col 1
Col 2
Col 3

იატაკისა და ჭერის ნათურის კომბინაცია

Col 1
Col 2

წერტილოვანი სანათბეისა და ტორშერების კომბინაცია



აღნიშნულ სტატიაში თქვენ გაეცანით იაპონური დიზაინისთვის საჭირო სარემონტო მასალებს, დეკორაციებსა და იმ კონკრეტულ დეტალებს რომელიც საჭიროა ინტერიერში იაპონური სტილის შესაქმნელად.

თუ სურვილი გაქვთ ახლოს გაეცნოთ ინტერიერის დიზაინის სხვდასხვა სტილებს ეწვიეთ ჩვენს ბლოგს, ინტერიერის დიზაინის თანამედროვე ჯგუფის ყველაზე პოპულარული სტილი.

მსგავსი ბლოგები
ისტორიული ჯგუფების ყველაზე აქტუალური სტილები
2020-06-26
1576 წაკითხვა

ინტერიერის დიზაინის ეთნიკური ჯგუფის აქტულაური სტილები
2020-06-25
2125 წაკითხვა

ინტერიერის დიზაინის თანამედროვე ჯგუფის ყველაზე აქტულაურ სტილები
2020-06-25
1453 წაკითხვა

ოთახის კრეატიული გაფორმება ღვინის ბოთლებისგან
2020-06-25
2433 წაკითხვა

როგორ გავაკეთოთ კრეატიული სანათი - ჩვენივე ხელებით
2020-06-25
1211 წაკითხვა

როგორ შევარჩიო, სარემონტო მასალები და აქსესუარები სკანდინავიური სტილის მოსაწყობად
2020-06-25
620 წაკითხვა

როგორ შევარჩიო, სარემონტო მასალები და აქსესუარები ჰაი-ტექ სტილის მოსაწყობად
2020-06-25
360 წაკითხვა

როგორ შევარჩიო, სარემონტო მასალები და აქსესუარები ლოფტის სტილის მოსაწყობად
2020-06-25
502 წაკითხვა

როგორ შევქმნათ კრეატიული ლარნაკი - ჩვენივე ხელებით
2020-06-22
894 წაკითხვა

როგორ შევარჩიო, სარემონტო მასალები და აქსესუარები კიტჩის სტილის მოსაწყობად
2020-06-15
332 წაკითხვა