მინიმალიზმი მეოცე საუკინის მეორე ნახევარში წარმოიქმნა მეორე მსოფლიო ომის შემდეგ და ჩაანაცვლა ბურჟუაზიული პომპეზურობა, დეკორატიულობა და მორთულობა, რამდენადაც ეს სტილი ასოცირდებოდა საზოგადოების ნაწილის იმ ცხოვრების წესთან,რომელმაც მსოფლიო ომის წინაშე დააყენა.
აღნიშნულ ეპოქაში მარტივდება საცხოვრებელი სახლების არქიტექტურა, ინტერიერი თავისუფლდება უსარგებლოდ დატვირთული მორთულობისგან. მინიმალიზმის სტილი თავისი მოკრძალებული, სადა ფორმებით, პრაქტიკულობითა და უკიდურესი ფუნქციონალობით გათვლილი ყველა დეტალით იმკვიდრებს ადგილს.
მინიმალიზმის დევიზია  "უფრო ცოტა არის მეტი" , რომელიც ლუდვიგ მის ვან დერ როეს ეკუთვნის. მინიმალისტური მიმდინარეობის ესტეტიკას  საუკეთესოდ აღწერს ასევე ფრაზა- „გენიალურობა სიმარტივეშია“.

რაც შეიძლება მეტი სივრცე, შუქი და ყველაზე აუცილებელი ფუნქციონალური ნივთები - ეს არის ის ძირითადი საფუძვლები, რომელბზეც აგებულია თანამედროვე ინტერიერი მინიმალისტურ სტილში.
როგორც ჯოშუა  ბეკერი ( Joshua Becker) ამბობს: “თქვენ არ გჭირდებათ მეტი სივრცე". თქვენ გჭირდებათ ნაკლები ნივთები.

მინიმალისტური დიზაინი ხშირად გამოიყენება საძინებლის მოწყობისას. საძინებელი ადამიანისთვის სახლში ყველაზე მნიშვნელოვანი ოთახია, რადგან სწორედ იქ ისვენებს, ეთიშება გარე სამყაროს, იძინებს და იკრებს ძალებს ახალი დღისთვის.
უმჯობესია ეს ოთახი გაფორმებული იყოს ავეჯის მინიმალური რაოდენობით, მყუდრო, გათვლილი სრულფასოვანი ძილისა და დასენებისთვის, შესაბამისად მინიმალიზმი არის საუკეთესო გამოსავალი.

გთავაზობთ საძნებელში მინიმალისტური დიზაინის შექმნისთვის რამდენიმე ძირითად კომპონენტს: 

ფერები

მინიმალისტური ინტერიერი ვერ იტანს მკვეთრ, გამაღიზიანებელ ფერებს. უპირატესობა ენიჭება მშვიდ, ჰარმონიულ ფერებს: შავს, თეთრს, სპილოსძვლისფერს, ნაცრისფერს, ბეჟს. მთავარია დიზაინში ფიგურირებდეს 2-3 ტონალობა რომელთა, მთავარი მიზანი ინტერიერში ბუნებრიობის შემოტანაა.
მინიმალისტური ინტერიერის ფერთა გამა შეიძლება შედგებოდეს ნაზი პასტელური ფერებისგანაც.

კედელი

რამდენადაც მინიმალიზმი მორთულობებს ვერ იტანს, ინტერიერის დეკორად გვევლინება თავად კედლები, იატაკი და ჭერი. კედელი უნდა იყოს კარგად მოპირკეთებული, შესაძლებელია გამოვიყენოთ პრიალა ფილები, შუშა, ქვის რელიეფური ზედაპირის ვარიანტი და ხის მოსაპირკეთებელი მასალა. დეკორაციისთვის შესაძლებელია კედლის თაროებით, ან რამდენიმე ფერწერული ნამუშევრით გაფორმება.

საწოლი

საწოლის არჩევისას უპირატესობა ენიჭება სადა, დაბალ ვარიანტებს, მოერიდეთ  საწოლის თავზე მასიურ კონსტრუქციას, რაც იკავებს დიდ ადგილს, აქრობს სიმყუდროვისა და სივრცის შეგრძნებას.

სარკე

სივრცის წარმოჩენა მინიმალისტური ინტერიერის ძირითადი ამოცანაა, ამიტომ დიზაინერები ინტერიერში ჩვეულებრივზე უფრო ხშირად იყენებენ სარკეს.მისი საშუალებით ერთდროულად მიიღწევა როგორც სივრცის, ისე სინათლის ეფექტი, რადგან სარკე ოთახში შემომავალ შუქს ირეკლავს და უზრუნველყოფს მის განაწილებას.
თუმცა მაქსიმალურად ეცადეთ, რომ სარკეში არ ირეკლებოდეს თქვენი საწოლი. რადგამ ითვლება რომ ეს შფოთვისა და უძლობის მიზეზი შეიძლება იყოს.

იატაკი

აუცილებელია იატაკი იყოს სადა,ხის ფაქტურის. მეტ სითბოსა და კომფოტული იერისთვის სასურველია გამოიყენოთ ხალიჩა.

სინათლე

მინიმალისტურ ინტერიერში სწორედ სინათლე იძლევა მეტი სივრცის შეგრძნებას.

სასურველია, რომ ფანჯრები იყოს ფართო, ფარდებისა და დარაბების გარეშე. ასევე შეგიძლიათ ჰორიზონტალური ჟალუზები ან გამჭვირვალე ფარდები გამოიყენოთ.

აქსესუარები

მიუხედავად იმისა რომ, მინიმალისტური ოთახები ავეჯის ნაკლებობით გამოირჩევა, თბილი და კომფორტული გარემოს შესაქმნელად  სასურველია გამოიყენოთ აქსესუარები, რომლებიც ოთახს შეუნარჩუნებს  სიმშვიდეს და სისადავეს. აქსესუარების მასალად ძრითადად  ხე, ქვა, ტყავი შუშა და ლითონი გამოიყენება. სასურველია ნივთები გეომეტრიული ფიგურებით იყოს შთაგონებული. გთავაზობთ აქსესუარების რამდენიმე ვარიანტს :

• ხალიჩა

• საწოლის დიდი ბალიშები 

• კედლის დეკორაციები (ნახატები, სარკეები)

• ყავის პატარა მაგიდა და წიგნები

• სანთლები

• მცენარეები, ყვავილები და ვაზები

მინიმალიზმი საძინებელში საუკეთესო ვარიანტია, რადგან ჰარმონიული, თბილი ფერები, მინიმალური რაოდენობის ავეჯი და სინათლე მშვიდი ატმოსფეროს შექმნის და შესაბამისად, მხნე და კარგი განწყობის გარანტია.