საცხოვრებელი სახლის ერთ -ერთი, ყველაზე მნიშვნელოვანი კუთხე  საძინებელი ოთახია, სადაც საშუალოდ, დღეში-ღამეში 11 საათს ვატარებთ.ამიტომ,მნიშვნელოვანია ის იყოს კომფორტული და ფუნქციური და რაც მთავარია, თქვენს ჯანსაღ ძილს და სრულფასოვან დასვენებას უზრუნველყოფდეს. ინტერიერის მოწყობისას ფერთა გამის სწორად შერჩევას ძალიან დიდი მნიშვნელობა აქვს რადგან, დამტკიცებულა რომ ფერები ფსიქოლოგიურად ზემოქმედებენ ადამიანებზე, ბრიტანელი მკვლეარები კი ხაზს უსვამენ იმ ფაქტსაც რომ სწორად შერჩეულ ფერს ძილზე და შესაბამისად ფსიქიკაზე სასარგებლო გავლენა აქვს. ხოლო არასწორი ფერი შეიძლება გახდეს ძილის რეჟიმის დარღვევის, შრომისუნარიანობის დაქვეითების და დეპრესიული ფონის მიზეზი.

არსებობს ფერები, რომლებიც ფსიქოლოგთა რეკომედაციით არ უნდა გამოვიყენოთ საძინებელში, გთავაზობთ მათ ჩამონათვალს :

წითელი

წითელი არის მგზნებარე, ენერგიული ფერი, რომელსაც შეუძლია გაზარდოს თქვენი არტერიული წნევა, იწვევს აგრესიულ ზემოქმედებას ფსიქიკაზე. ასეთ სივრცეში ძნელია დამშვიდება, კონცეტრირება და გამოძინება.ასევე მნიშვნელოვანია, რომ აპატარავებს სივრცის შეგრძნებას.

შავი, მუქი ყავისფერი

აღნიშნული ფერები ხშირ შემთხვევაში არის დამთრგუნველი,პირქუში და ასოცირდება მწუხარებასთან. იწვევს შფოთვას, მოუსვენრობის გრძნობას, შთანთქავს ენერგიას. ასევე არ არის რეკომენდირებული პატარა საძინებლისთვის,ვინაიდან, რაც უფრო ნათელია კედლები, მით მეტია სივრცის შეგრძნება.

მკვეთრი ნარინჯისფერი

მოგიზგიზე ალის ფერი წითელის მსგავსად ითვლება ენერგიის სტიმულატორად. ფსიქოლოგთა აზრით, მშვიდი ძილისთვის  აღნიშნული ფერი არ არის რეკომენდირებული, პირიქით,ენერგიით ავსებს ადამიანს, ატკიებს თავს და იწვევს ქრონიკული დაღლილობის შეგრძნებას.

ნაცრისფერი

ხშირად გამოიყენება ინდუსტრიული დიზაინის ინტერიერის შესაქმნელად. ფიქოლოგთა და დიზაინერთა აზრი აღნიშნულ ფერთან დაკავშირებით იყოფა ორად, ნაწილი ფიქრობს რომ ნაცრისფერი ძალიან ტრენდული და ნეიტრალურია,ასოცირდება  მთვარის შუქთან , ამიტომ ადამიანს ძილისთვის განაწყობს.
თუმცა, უმრავლესობა მიიჩნევს, რომ ნაცრისფერი საძინებელი იწვევს ქრონიკულ დაღლილობას და დეპრესიას, ამცირებს სრულფასოვანი ძილის ხანგრძლივობას.

იისფერი

მიუხედავად იმისა რომ, ნაზი და თითქოსდა სასიამოვნო  ფერია, რთანამედროვე ფსიქოლოგია მიუღებლად მიიჩნევს საძნებლისთვის. თუ გნებავთ გამოიძინოთ, დაივიწყეთ ეს ფერი. ის აძლიერებს ტვინის მუშაობის პროცესს,იწვევს შემოქმედებითი იდეების სტიმულირებას,რაც ართულებს  მოდუნებას და  ჩაძინებას, იწვევს მოსაწყენ,დეპრესიულ განწყობას და შეიძლება  გახდეს ღამის კოშმარების მიზეზი.

თეთრი

რაც არ უნდა გასაკვირი იყოს, ფქილოგთა ნაწილი თეთრსაც მიუღებლად  მიიჩნევს საძინებლისთვის. ზოგი  აღნიშნულ ფერს  მეტად უხალისო,უსიამოვნო შეგრძნებების გამომწვევ ფერად მიიჩნევს, ხშირად საავადმყოფოს პალატის ფერთანაც ასოცირდება.

ოქროსფერი

თბილი ნათელი და მზიანი ფერია, მაგრამ ასოცირდება სიმდიდრესთნ და ფსიქოლოგები თვლიან, რომ შესაძლებელია გამოიწვიოს ფინანსურ საკითხებზე ფიქრი და  შესაბამისად, უძილობა.

როგორც ვხედავთ, ფერები დიდ გავლენას ახდენს ინდივიდების ემოციებზე, შთაბეჭდილებებსა და გრძნობებზე და როგორც უკვე აღვნიშნეთ ფსიქოლოგთა რჩევების მიხედვით აუცილებლად უნდა მოვერიდოთ შემდეგ ფერებს : წითელი,  მუქი ყავისფერი, შავი, მკვეთრი ნარინჯისფერი, ნაცრისფერი, თეთრი, იისფერი, ოქროსფერი.სასიამოვნო,მყუდრო და ჰარმონიული  გარემოს შესაქმნელად სასურველია ფერთა გამა  შედგებოდეს ნაზი პასტელური ფერებისგან.

თუ გაითვალისწინებთ ფსიქოლოგების რჩევებს, საძინებელი ოთახი თქვენი სიმშვიდის, მხნე და კარგი განწყობის, მაღალი შრომისუნარიანობის გრანტი იქნება