საძინებელი  არის სივრცე, რომელიც ყველაზე მეტად გამოხატავს მფლობელის გემოვნებასა და ხასიათს.სასურველია  იყოს გაფორმებული ავეჯის მინიმალური რაოდენობით, ფუნქციონალურად დატვირთული, მყუდრო, გათვლილი სრულფასოვანი ძილისა და დასვენებისთვის. სწორად შერჩეული განათება კი საუკეთესო განწყობის შექმნის გასაღებია. არსებობს განათების რამდენიმე ვარიანტი, რომლებსაც განიხილავენ ინტერიერის დიზაინერები საძინებლის მოწყობისას, ესენია  :  კლასიკური დაკიდული განათება,  განათება დაბალი ჭერისთვის, შეკიდული ნათურები, დამალული განათება, საწოლის გვერდით დაკიდული განათება და ფუნქციონალური განათება. თითოეულს  აქვს ოთახის მოწყობისთვის განსაკუთრებული დანიშნულება და დამახასიათებელი ხიბლი.

მთავარი და გასათვალისწინებელი საძინებლის განათების არჩევისას არის ოთახის ზომა, ავეჯის  სავარაუდო განლაგება,ფანჯრების მდებარეობა და ბუნებრივი სინათლე.როდესაც  ოთახის განათებაზე ვსაუბრობთ, უპირველეს ყოვლისა, წარმოვიდგენთ ოთახის ჭერზე, შუა ნაწილში განთავსებულ დიდ ჭაღს ერთი ან რამდენიმე ნათურით. ეს არის  კლასიკური განათება, რომელიც სინათლის სხივებს თანაბრად  ანაწილებს მთელ ოთახში. თუმცა ამასთანავე ,არსებობს დეკორატიული განათება, რომელიც სივრცეს  სხვა ხიბლს მატებს და ყველაზე მოსაწყენ ინტერიერსაც კი საინტერესოდ აქცევს.

გთავაზობთ განათების რამდენიმე  საბაზისო ტიპს :

დაკიდული განათება

ფართო და მაღალჭერიანი ოთახის შემთხვევაში კლასიკური არჩევანია. ამ შემთხვევაში უნდა იქნას გათვალისწინებული დაშორება ჭაღსა და საწოლს შორის, ხოლო ნათება არ უნდა ჭრიდეს თვალს, შესაბამისად, უმჯობესია შეირჩეს დახურული ტიპის ჭაღი. რაც შეეხება მასალას და დიზაინს, არჩევანი საკმაოდ მრავალფეროვანია, შესაძლებელია ნებისმიერი სტილის(ლოფტი, რეტრო, ქანთრი,კლასიკა)შექმნა  ჭაღის დახმარებით.

განათება დაბალი ჭერისთვის

იმ შემთხვევაში თუ ჭერის სიმაღლე  210 სანტიმეტრზე ნაკლებია აღნიშნული ტიპის განათება, რომელიც ჭერზეა მიმაგრებული, იდეალური ვარიანტია.ის ზოგავს სივრცეს და  თანაბრად ანაწილებს ნათებას.

შეკიდული ნათურები

საძინებელში ხშირად იყენებენ წერტილოვან განათებას, ამ შემთხვევაში მნიშვნელოვანია რომ დაშორება განათების წერტილებს შორის იყოს არანაკლები 30 სანტიმეტრისა.

დამალული განათება

​​​​​​

ოთახი განათებულია, თუმცა მისი წყარო უხილავია, აღნიშნული ტიპის განათება ინტერიერს  მიმზიდველს,ცოცხალს, ინტიმურსა და თანამედროვეს ხდის.ფონური , ნაზი ნათება ქმნის სასიამოვნო ატმოსფეროს. იმისათვის, რომ დამალონ ნათურები, ხშირად მათ განათავსებენ  კარადების თავზე,თაროებსა და მრავალდონიან ჭერში.

საწოლის გვერდით დაკიდული განათება

აღნიშნული ტიპის განათება პოპულარულია 1960 წლიდან. საწოლის გვერდით დაკიდებული განათების შემთხვევაში დასადგამი ლამფის საჭიროება ქრება, შესაბამისად, იზოგება სივრცე და ასევე, კომფორტულია გვიან ღამე კითხვის მოყვარულთათვის. განსხვავებული და მრავალფეროვანი დიზაინის საკიდებით   შესაძლებელია ნებისმიერი სტილის შექმნა.

ფუნქციონალური განათება 

“მიმართულების შუქი”- როცა განათებას აქვს ლოკალური ხასიათი და კონცენტრირებულია გარკვეულ მონაკვეთზე.გამოიყენება ინტერიერის ელემენტების, ავეჯის, ფერწერული სურათების, თაროების, “ბუდუარის ზონის” განათებისთვის.მისი  გათვალისწინება ძირითადად,ოთახის საერთო გეგმარებასთან ერთად ხდება.

ვიზუალურ მხარესთან ერთად, აუცილებელია გავითვალისწინოთ ტექნიკური ასპექტებიც, მაგალითად ნათურის ტიპები.ერთდროულად ჩასართავი სანათები ძალიან არ უნდა განსხვავდებოდეს ნათების ფერით ერთმანეთისგან. უნდა მოვერიდოთ 2700K და 6500K ნათების ერთ სივრცეში გამოყენებას, ან დავგეგმოთ ისეთნაირად, რომ მათი ერთდროულად ანთება არ დაგვჭირდეს.ასევე საძინებელ ზონაში  არ არის სასურველი 5000K  სიმძლავრის ნათურები. სიმძლავრის შესახებ ინფორმაცია მითითებულია ნათურის შეფუთვაზე.

განათება ინტერიერის დიზაინში საკმაოდ დიდ როლს თამაშობს, თანამედროვე განათების ტიპების კომბინაციით მიიღება განუმეორებელი ეფექტი და იქმნება განსაკუთრებული ატმოსფერო